scorecardresearch

6.6% வட்டி தரும் போஸ்ட் ஆபிஸ் சேமிப்பு திட்டம்; முழுத் தகவல்கள் இதோ…

தபால் அலுவலகத்தின் சிறந்த சேமிப்பு திட்டம், ஆண்டுக்கு 6.6 வட்டி கிடைக்கும், முழு விவரங்கள் இங்கே.

Post office savings scheme offers 6.6% interest details in tamil: முதலீட்டாளர்களுக்கு தபால் அலுவலக சேமிப்பு திட்டங்கள் சிறந்த விருப்பமாக உள்ளது. தபால் அலுவலக சேமிப்பு திட்டங்கள் அரசு உத்திரவாதத்துடன், நல்ல வருமானத்தையும் வழங்குகின்றன. இவற்றில் தேசிய சேமிப்பு மாத வருமான கணக்கு சிறந்த சேமிப்பு திட்டமாக உள்ளது. இந்தத் திட்டம் ஆண்டுக்கு 6.6 சதவீத வட்டியை வழங்குகிறது.

சமீபத்தில், இந்தியா போஸ்ட் தனது அதிகாரப்பூர்வ ட்விட்டர் பக்கத்தில் இந்த சேமிப்பு திட்டத்தைப் பற்றி ட்வீட் செய்துள்ளது. அந்த ட்வீட்டில், “தேசிய சேமிப்பு மாத வருமானக் கணக்கில் (எம்ஐஎஸ்) முதலீடு செய்து ஒவ்வொரு மாதமும் 6.6% ஆண்டு வட்டியைப் பெறுங்கள், என்று பதிவிட்டுள்ளது.

முதலீட்டு தொகை எவ்வளவு?

இந்தத் திட்டத்தின் கீழ் முதலீடு செய்ய விரும்பும் ஆர்வமுள்ள நபர்கள் இந்தத் திட்டத்தின் கீழ் ஒரு கணக்கைத் தொடங்குவதற்கான குறைந்தபட்சத் தொகை ரூ. 1000 மற்றும் வைப்புத்தொகை ரூ. 1000 இன் மடங்குகளில் இருக்க வேண்டும் என்பதைக் கவனத்தில் கொள்ள வேண்டும்.

அதிகபட்ச முதலீட்டு வரம்பு ஒரு கணக்கில் ரூ 4.5 லட்சம் மற்றும் கூட்டுக் கணக்கில் ரூ 9 லட்சம் என்பது குறிப்பிடத்தக்கது. ஒரு தனிநபர் அதிகபட்சமாக ரூ. 4.5 லட்சத்தை எம்ஐஎஸ்-ல் முதலீடு செய்யலாம் (கூட்டு கணக்குகளில் அவரது பங்கு உட்பட).

கூட்டுக் கணக்கில் ஒரு தனிநபரின் பங்கைக் கணக்கிடுவதற்கு, ஒவ்வொரு கூட்டு வைத்திருப்பவருக்கும் சமமான பங்கு உள்ளது.

யார் கணக்கைத் திறக்கலாம்?

ஒரு வயது வந்தவர்கள் அனைவரும் இந்தக் கணக்கைத் திறக்க முடியும், மூன்று பெரியவர்கள் இணைந்து ஒரு கூட்டுக் கணக்கை திறக்கலாம், ஒரு மைனர் அல்லது மனநிலை சரியில்லாதவர் மற்றும் 10 வயதுக்கு மேலே உள்ள ஒரு மைனர் சார்பாக அவரது பெயரில் ஒரு பாதுகாவலர் கணக்கை திறக்கலாம்.

வட்டி விவரங்கள்

முதலீடு செய்யப்பட்ட நாளிலிருந்து ஒவ்வொரு மாதம் முடிந்தவுடன் மற்றும் முதிர்வு வரை வட்டி கிடைக்கும்

ஒவ்வொரு மாதமும் செலுத்த வேண்டிய வட்டி தொகையானது, கணக்கு வைத்திருப்பவரால் கோரப்படவில்லை என்றால், அத்தகைய வட்டி எந்த கூடுதல் வட்டியையும் பெறாது.

டெபாசிட் செய்பவரால் ஏதேனும் அதிகப்படியான வைப்புத்தொகை செய்யப்பட்டால், அதிகப்படியான வைப்புத்தொகை திரும்பப் பெறப்படும், மேலும் தபால் அலுவலக சேமிப்புக் கணக்கு வட்டி மட்டுமே கணக்குத் தொடங்கிய நாள் முதல் பணத்தைத் திரும்பப்பெறும் நாள் வரை பொருந்தும்.

அதே தபால் அலுவலகம் அல்லது ECS இல் உள்ள சேமிப்புக் கணக்கில் தானியங்கு கிரெடிட் மூலம் வட்டி பெறலாம். சிபிஎஸ் தபால் நிலையங்களில் எம்ஐஎஸ் கணக்கு இருந்தால், சிபிஎஸ் தபால் நிலையங்களில் இருக்கும் சேமிப்புக் கணக்கில் மாதாந்திர வட்டி வரவு வைக்கப்படும்.

டெபாசிட் செய்பவரின் கையில் கிடைக்கும் வட்டிக்கு வரி விதிக்கப்படும்.

முதிர்வு விவரங்கள்

குறிப்பிடப்பட்ட விண்ணப்பப் படிவத்தை பாஸ்புக்குடன் சம்மந்தப்பட்ட தபால் அலுவலகத்தில் சமர்ப்பிப்பதன் மூலம் கணக்கு திறக்கப்பட்ட நாளிலிருந்து 5 ஆண்டுகள் முடிவடைந்தவுடன் முடிக்கப்படலாம். முதிர்வுக்கு முன் கணக்கு வைத்திருப்பவர் இறந்துவிட்டால், கணக்கு மூடப்பட்டு, நாமினி அல்லது சட்டப்பூர்வ வாரிசுகளுக்குத் தொகை திருப்பித் தரப்படும். மேலும், பணம் திரும்பப் பெறப்படும் முந்தைய மாதம் வரை வட்டி செலுத்தப்படும்.

இந்த திட்டம் பற்றி மேலும் விவரங்கள் பெற indiapost.gov.in என்ற இந்திய போஸ்டின் அதிகாரப்பூர்வ இணையதளத்தைப் பார்வையிடவும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Business news download Indian Express Tamil App.

Web Title: Post office savings scheme offers 6 6 interest details in tamil

Best of Express