/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/QPQ7Rb4Awp29PEJqYdgV.webp)
Post Office Scheme PPF Scheme Double investment return Small savings scheme Post Office PPF interest rate
விலைவாசி விண்ணைத் தொடும் இந்த காலத்தில், உங்கள் உழைப்பால் ஈட்டிய பணத்தை முதலீடு செய்ய பாதுகாப்பான, அதிக லாபம் தரும் திட்டத்தை தேடுகிறீர்களா? குழப்பம் வேண்டாம்! கோடிக்கணக்கான இந்தியர்களின் நம்பிக்கையைப் பெற்றுள்ள, அரசு உத்தரவாதத்துடன் கூடிய ஒரு அற்புதமான திட்டத்தைப் பற்றி இங்கே தெரிந்துகொள்ளலாம். சின்ன தொகையில் ஆரம்பித்து, முதிர்வில் கிட்டத்தட்ட உங்கள் முதலீட்டை இரட்டிப்பாக்கும் சூப்பர் திட்டம்தான் போஸ்ட் ஆபிஸ் பொது வருங்கால வைப்பு நிதி (PPF) திட்டம்!
சிறு முதலீடு... பெரிய லாபம்!
இன்று பலரும் தங்கள் வருமானத்தில் ஒரு பகுதியை சேமித்து, அதை பாதுகாப்பான முதலீடுகளில் இரட்டிப்பாக்க ஆசைப்படுகிறார்கள். ஆனால், எதில் முதலீடு செய்வது என்ற கேள்விக்கு விடையாக வந்து நிற்கிறது தபால் நிலையத்தின் PPF திட்டம்! நடுத்தர குடும்பங்களின் கனவுகளை நிறைவேற்ற உதவும் இந்தத் திட்டம், உத்தரவாதமான வருமானத்தை உறுதி செய்கிறது. அதனால்தான் பல தசாப்தங்களாக இது மக்கள் மத்தியில் நீங்கா இடம் பிடித்துள்ளது.
இந்த திட்டத்தில் சேர பெரிய தொகையை முதலீடு செய்ய வேண்டியதில்லை. நீங்கள் ஒரு சிறிய தொகையுடன் கூட முதலீட்டைத் தொடங்கலாம்.
கவனிக்க வேண்டிய கணக்கு:
நீங்கள் வருடத்திற்கு ரூ.40,000 PPF கணக்கில் முதலீடு செய்வதாக வைத்துக்கொள்வோம்.
இந்த தொகையை நீங்கள் தொடர்ந்து 15 ஆண்டுகளுக்கு முதலீடு செய்கிறீர்கள் என்றால்...
உங்கள் மொத்த முதலீடு: ரூ.6,00,000 மட்டுமே.
ஆனால், 15 வருட முடிவில் உங்களுக்கு வட்டியாக மட்டும் கிடைப்பது: ரூ.4,84,856!
அதாவது, முதிர்வு காலத்தில் உங்கள் கைகளுக்கு கிடைக்கும் மொத்த தொகை: ரூ.10,84,856.
நீங்கள் முதலீடு செய்த பணத்தை விட, கிட்டத்தட்ட அதை இரட்டிப்பாக்கிப் பெற்று, கை நிறைய லாபத்துடன் வெளியே வரலாம்.
வட்டிக்கு வட்டி தரும் அற்புதம்!
தற்போது இந்த PPF திட்டத்திற்கு ஆண்டுக்கு 7.1% வட்டி விகிதம் வழங்கப்படுகிறது. இது சந்தை அபாயங்களுக்கு உட்படாத, நிலையான வட்டி விகிதமாகும். இங்குள்ள கூடுதல் சிறப்பு என்னவென்றால், வட்டி வருடத்திற்கு ஒரு முறை உங்கள் அசல் தொகையுடன் சேர்க்கப்படுகிறது. இதனால், நீங்கள் வட்டிக்கும் வட்டி பெறுவீர்கள்! அரசாங்கம் ஒவ்வொரு மூன்று மாதங்களுக்கும் வட்டி விகிதத்தை மதிப்பாய்வு செய்தாலும், உங்கள் முதலீடு முற்றிலும் பாதுகாப்பானது என்பதால், கவலையின்றி முதலீடு செய்து லாபம் பார்க்கலாம்.
Stay updated with the latest news headlines and all the latest Lifestyle news. Download Indian Express Tamil App - Android or iOS.