Post Office Scheme: மூத்த குடிமக்களுக்கான அஞ்சலக சேமிப்புத் திட்டம்: மாதம் ரூ. 20,500 சம்பாதிக்க வழி இதோ

Post Office Senior Citizen Scheme: நீங்கள் மூத்த குடிமக்களா? நீங்களும் மாதம் தோறும் ரூ.20,500 சம்பாதிக்க விரும்புகிறீர்களா? அஞ்சல் அலுவலகம் வழங்கும் இந்த சேமிப்புத் திட்டம் மூத்தக் குடிமக்களுக்கு ஒரு உத்தரவாதமான வருமானத்தை அளிக்கும். இந்தத் திட்டம் மூலம் 5 ஆண்டுகளுக்கு ரூ. 20,500  வருமானம் கிடைக்கும். 

பொதுவாக மக்கள் ஓய்வு பெறும் வயதை அடையும்போது, தங்கள் சேமிப்பின் மூலம் பாதுகாப்பான மற்றும் வசதியான வாழ்க்கையை வாழ விரும்புகிறார்கள். மூத்த குடிமக்களின் இந்தத் தேவைகளை மனதில் கொண்டு, மூத்த குடிமக்கள் சேமிப்புத் திட்டத்தை (SCSS) அரசாங்கம் நடத்துகிறது. இந்த திட்டத்தின் கீழ், மூத்த குடிமக்கள் மாதம் தோறும் வருமானம் பெற வாய்ப்பு உள்ளது. மூத்த குடிமக்கள் சேமிப்புத் திட்டத்தில், ஒவ்வொரு மாதமும் அதிகபட்சமாக ரூ.20,500 வருமானம் பெறலாம். இந்த பணம் 5 ஆண்டுகளுக்கு கிடைக்கும்.

குறைந்தபட்ச முதலீடு 1,000 ரூபாய்

மூத்த குடிமக்கள் குறைந்தபட்சம் 1,000 ரூபாயில் இருந்து முதலீடு செய்யத் தொடங்கலாம். இந்த மூத்த குடிமக்களுக்கான அஞ்சலக சேமிப்புத் திட்டம் மூத்த குடிமக்களுக்கு மிகவும் பொருத்தமான திட்டமாகும். ஓய்வு பெற்ற பிறகு ஒவ்வொரு மாதமும் நிலையான வருமானம் பெற விரும்பும் மூத்த குடிமக்களுக்கு இந்தத் திட்டம் மிகவும் பொருத்தமானது. இந்த திட்டத்தில் முதலீடு செய்தால் மூத்த குடிமக்கள் ஒவ்வொரு மாதமும் அல்லது காலாண்டிலும் வட்டியைப் பெறுவார்கள். இது மூத்த குடிமக்களுக்கு ஓய்வுக்குப் பிறகு, மாதாந்திர செலவுகளை நிர்வகிக்க உதவும்.

குடிமக்களுக்கான அஞ்சலக சேமிப்புத் திட்டம் (Post Office Senior Citizen Saving Scheme) 60 வயதுக்கு மேற்பட்ட குடிமக்களுக்கானது. அதுமட்டுமின்றி, 55 முதல் 60 வயதுக்குள் விருப்ப ஓய்வு பெற்றவர்களும் (VRS) இத்திட்டத்தில் பயன்பெறலாம். 50 வயதில், ஓய்வு பெற்ற பாதுகாப்பு சேவை ஊழியர்களும் இந்தத் திட்டத்தில் முதலீடு செய்யலாம். இந்த திட்டத்தின் தனிச்சிறப்பு என்னவென்றால், இந்தக் கணக்கை முத்தக் குடிமக்கள் அவர்களின் கணவன் அல்லது மனைவியுடன் கூட்டுக் கணக்காகவும் தொடங்கலாம். இதனால், இருவரும் இந்தத் திட்டத்தின் மூலம் பயனடைவார்கள்.

மூத்தக் குடிமக்களுக்கான அஞ்சலக சேமிப்புத் திட்டம் (SCSS) கணக்கைத் தொடங்குவது எப்படி?

மூத்தக் குடிமக்களுக்கான அஞ்சலக சேமிப்புத் திட்டம் (SCSS) கணக்கை வங்கி அல்லது தபால் அலுவலகத்திற்குச் சென்று திறக்கலாம். இந்த கணக்கு தொடங்க குறைந்தபட்சம் ரூ.1,000 முதல் அதிகபட்சம் ரூ.30 லட்சம் வரை டெபாசிட் செய்ய வேண்டும். இந்த வழக்கில், நீங்கள் ரூ.1,000 மடங்குகளில் முதலீடு செய்யலாம், ஆனால், அதிகபட்ச முதலீட்டு வரம்பு ரூ.30 லட்சத்தை தாண்டக்கூடாது.

மூத்தக் குடிமக்களுக்கான அஞ்சலக சேமிப்புத் திட்டத்தின் வட்டி விகிதம்

இந்தத் திட்டம் மூத்த குடிமக்களுக்கு 8.2 சதவீத வருடாந்திர வட்டி விகிதத்தை வழங்குகிறது. இது மற்ற சேமிப்புத் திட்டங்களை விட அதிக வட்டி விகிதமாகும். இந்தத் திட்டத்தில் ஒருவர் ரூ.30 லட்சம் முதலீடு செய்தால், அவருக்கு ஆண்டுக்கு ரூ.2.46 லட்சம் வட்டி கிடைக்கும். அதாவது, ஒவ்வொரு மாதமும் சுமார் ரூ.20,500 வட்டியாகக் கிடைக்கும். இது ஒரு உத்தரவாதமான வருமானமாக இருக்கும். இது ஒருவர் ஓய்வுக்குப் பிறகு, மாதம் தோறும் பெறும் உறுதியான வருமானமாக இருக்கும். 

மூத்தக் குடிமக்களுக்கான அஞ்சலக சேமிப்புத் திட்டத்தின் நன்மைகள்

மூத்தக் குடிமக்களுக்கான அஞ்சலக சேமிப்புத் திட்டம், ஓய்வுக்குப் பிறகு பாதுகாப்பான மற்றும் லாபகரமான முதலீட்டுக்கு ஒரு சிறந்த வழியாகும். இந்தத் திட்டம் முதலீட்டாளர்களுக்கு அதிக வட்டி விகிதங்களை வழங்குவதோடு மட்டுமல்லாமல் அவர்களின் பணத்தையும் பாதுகாப்பாக வைக்கிறது. எனவே, ஓய்வுக்குப் பிறகு நிலையான வருமானத்தைத் திட்டமிடுபவர்கள் இந்தத் திட்டத்தில் முதலீடு செய்யலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“