போஸ்ட் ஆபிஸ் vs மியூச்சுவல் பண்ட் முதலீடு: எது சிறந்தது?

PPF MF Post Office Savings Scheme: நமக்கான செல்வத்தை கட்டியெழுப்புவதில் முதலீடு முதன்மையானதாக உள்ளது. தற்போது சந்தையில் பல்வேறு முதலீட்டு விருப்பங்கள் உள்ளன.
ஆகவே எந்த முதலீட்டு விருப்பங்கள் உங்களுக்கு மிகவும் பொருத்தமானவை என்பதை தீர்மானிப்பது மற்றும் அதிக வருமானத்தை வழங்குவதை தேர்ந்தெடுக்கும் பணி கடினமானதாக இருக்கலாம்.

கணிசமான வருமானத்தை வழங்கும் சில சிறந்த முதலீட்டுத் திட்டங்களில் பொது வருங்கால வைப்பு நிதி (PPF), மியூச்சுவல் ஃபண்ட் (MF) மற்றும் தபால் அலுவலக சேமிப்புத் திட்டம் (POSS) ஆகியவை உள்ளன.

பொதுவருங்கால வைப்பு நிதி

பொது வருங்கால வைப்பு நிதி என்பது மத்திய அரசால் ஆதரிக்கப்படும் முதலீட்டு விருப்பமாகும். இதில் நீங்கள் உத்தரவாதமான வருமானத்தைப் பெறுவீர்கள்.
இது சிறு சேமிப்பு என்ற கருத்தில் செயல்படுகிறது. காலப்போக்கில் கார்பஸ் நிதியை உருவாக்க ஒழுக்கமான முறையில் சேமிக்க உங்களை ஊக்குவிக்கிறது. PPF கணக்கிற்கு ஆண்டுக்கு 7.1 சதவீத வட்டி கிடைக்கும். மற்ற விருப்பங்களுடன் ஒப்பிடும்போது முதலீடு பாதுகாப்பானது.

இருப்பினும், இந்த முதலீடுகளுக்கு 15 ஆண்டுகள் லாக்-இன் காலம் உள்ளது, இது குறுகிய காலத்தில் வருமானத்தை விரும்பும் முதலீட்டாளர்களுக்கு மிகவும் கடினமாக இருக்கலாம்.

பரஸ்பர நிதிகள்

பரஸ்பர நிதிகள் ஒரு சிறந்த முதலீட்டு கருவிகள் ஆகும். அவை முக்கியமாக உங்கள் பணத்தை ஈக்விட்டி அல்லது பங்குச் சந்தையில் முதலீடு செய்வதன் மூலம் வருமானம் ஈட்ட வழி செய்கின்றன.
PPF மற்றும் போஸ்ட் ஆபிஸ் சேமிப்புகள் உட்பட பல முதலீட்டு விருப்பங்களுடன் ஒப்பிடும்போது இவை அதிக வருமானத்தை வழங்குகின்றன.
இருப்பினும், லாபகரமான வருமானம் சந்தை ஏற்ற இறக்கத்திற்கு உட்பட்டது. இது, அதிக ஆபத்துடன் வருகிறது. சந்தை வீழ்ச்சி அல்லது பிற சாதகமற்ற காரணிகளின் போது ஒருவர் தனது நிதியை இழக்க நேரிடும்.

போஸ்ட் ஆபிஸ் சேமிப்பு

தபால் அலுவலக சேமிப்புத் திட்டங்கள் (POSS) பல முதலீட்டு விருப்பங்களை உள்ளடக்கியது, இது முக்கியமாக சிறிய தொகையைச் சேமிக்க விரும்பும் முதலீட்டாளர்களுக்கு உதவுகிறது.
POSS முதலீட்டாளர்களுக்கு ஆபத்து இல்லாத மற்றும் உத்தரவாதமான வருமானத்தை வழங்குவதை நோக்கமாகக் கொண்டுள்ளது.

இதன் கீழ் பட்டியலிடப்பட்டுள்ள முதலீட்டு விருப்பங்களில் அஞ்சலக சேமிப்புக் கணக்கு, தபால் அலுவலக மாதாந்திர வருமானத் திட்டக் கணக்கு, தபால் அலுவலக நேர வைப்பு கணக்கு, மூத்த குடிமக்கள் சேமிப்புத் திட்டம் (SCSS), தேசிய சேமிப்புச் சான்றிதழ்கள் மற்றும் பிற. இந்த விருப்பங்கள் வெவ்வேறு வட்டி விகிதங்களின் அடிப்படையில் வருமானத்தை வழங்குகின்றன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“