scorecardresearch

PPF, SSY, NPS முதலீட்டாளர்கள் கவனத்திற்கு; கணக்கு முடக்கப்படுவதை தடுக்க மார்ச் 31க்குள் இது முக்கியம்!

PPF, SSY, NPS கணக்குதாரர்கள் மார்ச் 31க்குள் இதைச் செய்வது முக்கியம்! இல்லையென்றால் கணக்கு முடக்கப்படும்

PPF, SSY, NPS முதலீட்டாளர்கள் கவனத்திற்கு; கணக்கு முடக்கப்படுவதை தடுக்க மார்ச் 31க்குள் இது முக்கியம்!
பொது வருங்கால வைப்பு நிதி திட்டத்தில் மாற்றங்கள்

PPF, NPS, SSY accounts may turn inactive if you fail to do this before March 31: உங்கள் நீண்ட கால இலக்குகளை அடைய நீங்கள் PPF, SSY அல்லது NPS இல் முதலீடு செய்தால், நடப்பு நிதியாண்டு மார்ச் 31 அன்று முடிவடைவதற்குள் உங்கள் கணக்குகளின் நிலையை உறுதி செய்ய வேண்டும். பல முதலீட்டுத் திட்டங்களை செயலில் வைத்திருக்க ஓவ்வொரு நிதியாண்டுக்கும் குறைந்தபட்ச பங்களிப்பு தேவைப்படுகிறது. அவற்றில் குறைந்தபட்ச வைப்புத் தொகையை வைக்கத் தவறினால், அவை செயலிழந்துவிடும், மேலும் நீங்கள் செலுத்தப்படாத வைப்புத்தொகை மற்றும் அபராதம் செலுத்துவதன் மூலம் அவற்றை மீண்டும் செயல்படுத்த வேண்டும். எனவே, அவற்றை செயலில் வைத்திருக்க குறைந்த பட்ச தொகையையாவது முதலீடு செய்துள்ளீர்கள் என்பதை உறுதிப்படுத்திக் கொள்ளுங்கள்.

PPF கணக்கை செயலில் வைத்திருக்க தேவையான குறைந்தபட்ச தொகை

PPF கணக்கில் ஒவ்வொரு நிதியாண்டிலும் முதலீடு செய்வதற்கான குறைந்தபட்சத் தொகை ரூ. 500 ஆகும். 2021-22 நிதியாண்டில் செய்யப்பட்ட பங்களிப்புகளைக் கண்டறிய PPF பாஸ்புக்கைப் பார்க்கலாம். நீங்கள் PPF கணக்கில் எந்த தொகையையும் டெபாசிட் செய்யவில்லை என்றால், குறைந்தபட்சம் 500 ரூபாய் செலுத்துங்கள். உங்களிடம் ஆன்லைன் PPF கணக்கு இருந்தால், பங்களிப்பை ஆன்லைனில் செய்யலாம், ஆனால் தபால் அலுவலகத்தில் வைத்திருக்கும் PPF கணக்கிற்கு, நீங்கள் தொகையை டெபாசிட் செய்ய கிளைக்கு நேரில் செல்ல வேண்டும். நீங்கள் காசோலையாக செலுத்தும் பட்சத்தில், அது நிதியாண்டுக்குள் ஒப்புதல் அளிக்கப்பட்டு, மார்ச் 31க்கு முன் அந்தத் தொகை PPF கணக்கில் வரவு வைக்கப்பட்டுள்ளதா என்பதை உறுதிப்படுத்திக் கொள்ளுங்கள்.

நீங்கள் மைனர் பெயரில் தனி கணக்கு வைத்திருந்தால், அந்த கணக்கில் குறைந்தபட்ச தொகையை டெபாசிட் செய்ய வேண்டும். ஒரு நிதியாண்டில் அதிகபட்சத் தொகை, சுய மற்றும் சிறு கணக்காக சேர்த்து எடுக்கப்பட்ட தொகை ரூ. 1.5 லட்சத்தை தாண்டக்கூடாது.

இதையும் படியுங்கள்: ஒருமுறை முதலீடு; வாழ்நாள் முழுவதும் வருமானம்; எல்.ஐ.சி-ன் சூப்பர் ஆஃபர்!

PPF பங்களிப்புகளுக்கு பிரிவு 80C இன் கீழ் வரிச் சலுகை கிடைக்கும் மற்றும் பெறப்படும் வட்டிக்கும் வரி இல்லை. தற்போது, ​​PPF வட்டி விகிதம் ஆண்டுக்கு 7.1 சதவீதமாக உள்ளது, ஆண்டுதோறும் கூட்டப்பட்டு, 15 ஆண்டுகளுக்குப் பிறகு முதிர்ச்சியின் போது வழங்கப்படுகிறது.

SSY கணக்கை செயலில் வைத்திருக்க தேவையான குறைந்தபட்ச தொகை

சுகன்யா சம்ரித்தி யோஜனா (SSY) கணக்கை குறைந்தபட்ச வைப்புத்தொகை ரூ.250 உடன் தொடங்கலாம் மற்றும் ஒவ்வொரு நிதியாண்டிலும் குறைந்தபட்சம் ரூ.250 டெபாசிட் செய்ய வேண்டும். ஒவ்வொரு நிதியாண்டிலும் அதிகபட்சமாக ரூ.1.5 லட்சம் டெபாசிட் செய்யலாம். தற்போது, ​​சுகன்யா சம்ரித்தி யோஜனா திட்டத்தின் வட்டி விகிதம் ஆண்டுக்கு 7.6 சதவீதமாக உள்ளது, இது ஆண்டுதோறும் கூட்டப்பட்டு முதிர்ச்சியின் போது வழங்கப்படுகிறது. SSY இல் முதலீடு செய்தால், பிரிவு 80C-ன் கீழ் வரிச் சலுகை கிடைக்கும் மற்றும் பெறப்படும் வட்டிக்கும் வரி இல்லை. நிதியாண்டில் ஏதேனும் டெபாசிட் செய்யப்பட்டுள்ளதா என்பதை அறிய, புதுப்பிக்கப்பட்ட SSY பாஸ்புக்கை நீங்கள் சரிபார்க்கலாம்.

NPS கணக்கை செயலில் வைத்திருக்க தேவையான குறைந்தபட்ச தொகை

NPS இல், ஒரு நிதியாண்டில் குறைந்தபட்ச பங்களிப்புகள் ஒன்று இருக்க வேண்டும் மற்றும் அடுக்கு I கணக்கில் ஒரு பங்களிப்பிற்கான குறைந்தபட்ச தொகை ரூ. 500. இருப்பினும், NPS கணக்கை செயலில் வைத்திருக்க, சந்தாதாரர் ஒரு நிதியாண்டுக்கு குறைந்தபட்சம் ரூ1,000 முதலீடு செய்ய வேண்டும். NPS இல் குறைந்தபட்சத் தொகையை டெபாசிட் செய்யத் தவறினால், கணக்கு செயலற்றதாகிவிடும், மேலும் நீங்கள் கணக்கை திரும்பவும் செயலுக்கு கொண்டு வர வேண்டிய நிலை ஏற்படும். அடுக்கு II இல், ஒரு பங்களிப்பிற்கான குறைந்தபட்சத் தொகை ரூ. 250

உங்கள் NPS கணக்கிற்கான பரிவர்த்தனை அறிக்கை (SOT) சம்பந்தப்பட்ட நிதியாண்டில் நீங்கள் செலுத்திய பணம் பற்றிய அனைத்து விவரங்களையும் கொண்டிருக்கும். குறைந்தபட்ச தொகை டெபாசிட் செய்யப்பட்டதா இல்லையா என்பதைச் சரிபார்க்க இதனை ஆன்லைனில் பதிவிறக்கம் செய்யலாம்.

இனி, நிதியாண்டின் தொடக்கத்தில், அதாவது ஏப்ரல் மாதத்தில், PPF, SSY அல்லது NPS கணக்குகளில் பணத்தை டெபாசிட் செய்வது எப்போதும் சிறந்தது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Business news download Indian Express Tamil App.

Web Title: Ppf nps ssy accounts may turn inactive if you fail to do this before march 31

Best of Express