/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/09/30/nsc-2025-09-30-18-54-54.jpg)
போஸ்ட் ஆபிஸ் திட்டங்கள் உட்பட சேமிப்பு திட்டங்களின் வட்டி விகிதங்களில் மாற்றம்; புதிய விகிதம் இதுதான்!
மத்திய நிதி அமைச்சகம், செவ்வாய்க்கிழமை அன்று பொது வருங்கால வைப்பு நிதி (PPF), தேசிய சேமிப்புப் பத்திரம் (NSC), மூத்த குடிமக்கள் சேமிப்புத் திட்டம் (SCSS) மற்றும் பல்வேறு சிறுசேமிப்புத் திட்டங்களுக்கான வட்டி விகிதங்களை மாற்றாமல் அப்படியே நீட்டித்துள்ளது. இந்த விகிதங்கள் தொடர்ந்து 7-வது காலாண்டாக மாற்றப்படாமல் நீடிக்கின்றன.
நிதி அமைச்சகம் வெளியிட்ட அறிவிப்பில், "2025-26 நிதியாண்டின் 3வது காலாண்டிற்குரிய (அக்டோபர் 1, 2025 அன்று தொடங்கி, டிசம்பர் 31, 2025 அன்று முடிவடையும்) பல்வேறு சிறுசேமிப்புத் திட்டங்களுக்கான வட்டி விகிதங்கள், 2025-26 நிதியாண்டின் 2-வது காலாண்டிற்கு (ஜூலை 1, 2025 முதல் செப்டம்பர் 30, 2025 வரை) அறிவிக்கப்பட்ட விகிதங்களில் இருந்து மாற்றமில்லாமல் நீடிக்கும்" என்று தெரிவிக்கப்பட்டுள்ளது.
2025 அக்டோபர்-டிசம்பர் காலகட்டத்திற்கான சிறுசேமிப்புத் திட்டங்களின் வட்டி விகிதங்கள்
| திட்டம் | தற்போதைய வட்டி % | திட்டத்தின் நோக்கம் |
| பொது வருங்கால வைப்பு நிதி (PPF) | 7.1% | ஓய்வூதியத் திட்டமிடலுக்கு ஏற்ற, பாதுகாப்பான, நீண்ட கால சேமிப்புத் திட்டம் |
| மூத்த குடிமக்கள் சேமிப்புத் திட்டம் (SCSS) | 8.2% | ஓய்வுக்குப் பிறகு மூத்த குடிமக்களுக்குத் தொடர்ச்சியான வருமானத்தை உறுதி செய்யும் அரசாங்க ஆதரவுத் திட்டம் |
| சுகன்யா சம்ரித்தி யோஜனா (SSY) | 8.2% | சிறுசேமிப்புத் திட்டங்களில் அதிகபட்ச வருமானத்தைத் தரும், பெண் குழந்தைகளின் பாதுகாப்பான எதிர்காலத்திற்கான சேமிப்புத் திட்டம்.தேசிய சேமிப்புப் பத்திரம் (NSC) |
| தேசிய சேமிப்புப் பத்திரம் (NSC) | 7.7% | ரிஸ்க் எடுக்க விரும்பாத பாதுகாப்பான முதலீட்டாளர்களுக்கான, உத்தரவாதமான வருமானத்துடன் கூடிய நிலையான வருவாய் வாய்ப்பு |
| அஞ்சலக மாத வருமானத் திட்டம் (POMIS) | 7.4% | வழக்கமான செலவுகளுக்குப் பயனுள்ள, நிலையான மாத வருமானத்தைப் பாதுகாக்கும் கருவி |
| கிசான் விகாஸ் பத்ரா (KVP) | 7.5% | அரசாங்க ஆதரவுள்ள ஒரு திட்டம் |
நிலையான வைப்பு நிதி (FD) மற்றும் தொடர் வைப்பு நிதி (RD) விகிதங்கள்
| வைப்பு நிதி வகை | தற்போதைய வட்டி % | திட்டத்தின் நோக்கம் |
| 1 ஆண்டு நிலையான வைப்பு நிதி (FD) | 6.9% | பாதுகாப்பான முதலீட்டாளர்களுக்கு ஏற்ற குறுகிய கால FD |
| 2 ஆண்டு நிலையான வைப்பு நிதி (FD) | 7.0% | பாதுகாப்பு, வருமானம் மற்றும் பணப்புழக்கத்திற்கு இடையில் சமநிலையை வழங்கும் FD |
| 3 ஆண்டு நிலையான வைப்பு நிதி (FD) | 7.1% | நீண்ட காலத்திற்குப் பணத்தைப் பூட்டி வைக்கத் தயாராக இருப்பவர்களுக்குச் சற்று அதிக வட்டி விகிதம் |
| 5 ஆண்டு நிலையான வைப்பு நிதி (FD) | 7.5% | நீண்ட கால முதலீட்டிற்கு ஏற்ற, போட்டி நிறைந்த வட்டி விகிதம் |
| 5 ஆண்டு தொடர் வைப்பு நிதி (RD) | 6.7% | 5 ஆண்டுகளுக்கு ஒவ்வொரு மாதமும் ஒரு நிலையான தொகையைச் செலுத்தி வட்டி ஈட்ட அனுமதிக்கும் RD |
இந்த அனைத்துச் சிறுசேமிப்புத் திட்டங்களும் அரசாங்கத்தின் ஆதரவு பெற்றவை. இவை குறைந்த மற்றும் நடுத்தர வருமானம் ஈட்டும் மக்களிடையே சேமிப்பை ஊக்குவிக்கும் நோக்குடன் தொடங்கப்பட்டவை. வங்கிகள் மற்றும் அஞ்சல் நிலையங்கள் மூலம் வழங்கப்படும் இந்தத் திட்டங்கள் மிகவும் பாதுகாப்பானதாகக் கருதப்படுகின்றன.
PPF, NSC, SSY, SCSS, POMIS, நிலையான வைப்பு நிதிகள் (FDs), தொடர் வைப்பு நிதிகள் (RDs) ஆகியவற்றின் வட்டி விகிதங்கள் அரசாங்கத்தால் காலாண்டுக்கு ஒருமுறை மதிப்பாய்வு செய்யப்படுகின்றன. இவற்றில் சில முதலீட்டுக் கருவிகளின் வட்டி விகிதங்கள், 2-ம் நிலை சந்தையில் உள்ள அரசுப் பத்திரங்களின் விளைச்சல் போக்குகளால் (yield trends) பாதிக்கப்படுகின்றன.
Stay updated with the latest news headlines and all the latest Lifestyle news. Download Indian Express Tamil App - Android or iOS.