scorecardresearch

அதிகரிக்கும் பணவீக்கம்.. ரியல் எஸ்டேட் முதலீடு சிறந்தது ஏன்?

சந்தை எப்போதும் மாறிக்கொண்டே இருக்கிறது, வாங்குவதற்கான சிறந்த நேரம் இப்போதுதான்.

அதிகரிக்கும் பணவீக்கம்.. ரியல் எஸ்டேட் முதலீடு சிறந்தது ஏன்?
உயர் பணவீக்கம் உலகளாவிய பிரச்சனையின் ஒரு பகுதியாகும்.

இந்தியாவில் பணவீக்கம் அனைத்து தரப்பு மக்களையும் பாதிக்கும் வகையில் சென்றுகொண்டிருக்கிறது. இந்த ஆண்டு நவம்பரில் நாட்டின் சில்லறை பணவீக்கம் 5.88 சதவீதமாக பதிவாகியுள்ளது.
இது செப்டம்பரில் 7.41 சதவீதத்திற்கும், அக்டோபரில் 6.77 சதவீதத்திற்கும் குறைவாக உள்ளது.

மேலும், உயர் பணவீக்கம் உலகளாவிய பிரச்சனையின் ஒரு பகுதியாகும். அமெரிக்கா, பிரேசிலில் பணவீக்கம் 8 சதவீதமாக உள்ளது. ஜிம்பாப்வே போன்ற பிற நாடுகள் ஆகஸ்ட் 2022 இல் 285 சதவீத பணவீக்கத்தையும், லெபனானின் பணவீக்கம் 168 சதவீதத்தையும், வெனிசுலா 114 சதவீத பணவீக்கத்தையும் அறிவித்தது.

எல்லா இடங்களிலும் உயர்ந்த பணவீக்க அளவுகள் இருப்பதால், இந்தியா அதன் தற்போதைய பணவியல் கொள்கையுடன் தொடர்ந்து பணவீக்கத்தைக் கட்டுப்படுத்தும் என்று எதிர்பார்க்கப்படுகிறது.
வரலாற்று ரீதியாக, பணவீக்க காலங்களில் கூட ரியல் எஸ்டேட் ஒரு நிலையான முதலீடாக நிரூபிக்கப்பட்டு உள்ளது. உண்மையில், சொத்து வாடகை மதிப்புகள் அதிகரித்து, தற்போதுள்ள ரியல் எஸ்டேட் சொத்துக்களின் மதிப்பை அதிகரிப்பதால், பணவீக்கம் ரியல் எஸ்டேட் முதலீட்டாளர்களுக்குப் பயனளிக்கும்.

கட்டுமானப் பொருள்களின் விலை அதிகமாக இருப்பதால் பணவீக்கத்துடன் சொத்து விலைகள் அதிகரிக்கின்றன. பணவீக்கம் எஃகு மற்றும் சிமென்ட் போன்ற கட்டுமானப் பொருட்களின் விலையை உயர்த்தியுள்ளது. இது கட்டுமானத்தில் உள்ள சொத்துக்களின் விலையை அதிகரிக்க வழிவகுக்கிறது

சந்தையில் புதிய சொத்துக்களின் விநியோகம் குறைந்து வருவதால், இது ஏற்கனவே உள்ள சொத்துக்களின் விலையையும் பாதிக்கும். பணவீக்க காலங்களில், அதிகரித்து வரும் உள்ளீட்டுச் செலவுகளைக் கருத்தில் கொண்டு, பில்டர்கள் தங்கள் மேம்பாட்டுத் திட்டங்களை நிறுத்தி வைப்பதால், குறைவான புதிய சொத்துக்கள் உள்ளன.

இது சொத்து இருப்பு நிலைகளில் வீழ்ச்சிக்கு வழிவகுக்கிறது. மேலும், பணவீக்கம் சொத்து வாடகைகளில் குறிப்பிடத்தக்க தாக்கத்தை ஏற்படுத்துகிறது. பணவீக்க காலத்தில், வங்கிகள் லாபகரமாக இருக்க வீட்டுக் கடன் வட்டி விகிதங்களை அதிகரிக்கின்றன.

மேலும் இது வீடு வாங்குபவர்களுக்கு கடன் வாங்கும் செலவை அதிகரிக்கிறது. அதிக பணவீக்க காலங்களில், நுகர்வோர் மலிவு விலையில் வீட்டுக் கடன் விதிமுறைகளைப் பெறுவது முன்னெப்போதையும் விட கடினமாக இருக்கும்.

இதன் விளைவாக, பலருக்கு வேறு வழியின்றி தொடர்ந்து வாடகைக்கு விடுகின்றனர், இது வாடகை சொத்துகளுக்கான தேவையை அதிகரிக்கிறது.
விலைவாசி உயர்வில் வீட்டுக் கடன்களை வாங்குவதை விட, பணவீக்கப் பொருளாதாரத்தில் வாடகைதாரர்கள் அதிக வாடகையைச் செலுத்தத் தயாராக உள்ளனர், இது வாடகை விலையை உயர்த்துகிறது.

மேலும், பணவீக்க காலங்களில், வாடகைகள் ஆண்டு அடிப்படையில் அதிகரிக்கும். மறுபுறம், ஒரு வீட்டை வாங்குவது அல்லது வாடகைக்கு வருமானம் தரும் சொத்துகளில் முதலீடு செய்வது பணவீக்கத்திற்கு எதிரான ஒரு நல்ல ஹெட்ஜ் என்று நிரூபிக்கப்பட்டு உள்ளது. நகரங்களில் வாடகை அதிகரித்து வருவதால், முதலீடுகள் லாபகரமானதாக மாறும். ரியல் எஸ்டேட் ஒரு சிறந்த முதலீடு மற்றும் எல்லா நேரங்களிலும் நீண்ட காலத்திற்கு குறிப்பிடத்தக்க வருமானத்தை வழங்குகிறது.

வருமானம் ஈட்டும் ரியல் எஸ்டேட்டில் முதலீடு செய்வது ஓய்வூதியத்திற்காக சேமிக்க அல்லது உங்கள் மாதாந்திர செலவினங்களைச் சந்திக்க கூடுதல் பண வரவை வழங்க உதவும். மேலும், சந்தை எப்போதும் மாறிக்கொண்டே இருக்கிறது, வாங்குவதற்கான சிறந்த நேரம் இப்போதுதான்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil/

Stay updated with the latest news headlines and all the latest Business news download Indian Express Tamil App.

Web Title: Real estate is the best bet against inflation

Best of Express