ரூ.10 லட்சத்தை ரூ.21 லட்சமாக மாற்றும் சூப்பர் திட்டம்: எஸ்.பி.ஐ.யின் இந்த ஸ்கீம் தெரியுமா?

fixed-deposits | பாதுகாப்பான மற்றும் நிலையான வருமானத்திற்கான வலுவான திட்டங்களாக எஸ்.பி.ஐ ஃபிக்ஸட் டெபாசிட் திட்டங்கள் உள்ளன. இந்த வைப்புத் திட்டத்தின் முக்கிய அம்சம் என்னவென்றால், வெவ்வேறு முதிர்வு திட்டங்களில் வழக்கமான வாடிக்கையாளர்களை விட மூத்த குடிமக்கள் அதிக வட்டி பெறுகிறார்கள்.

அதாவது, ஸ்டேட் பாங்க் ஆஃப் இந்தியா (SBI)- தனது வாடிக்கையாளர்களுக்கு 7 நாட்கள் முதல் 10 ஆண்டுகள் வரையிலான FDகளின் விருப்பத்தை வழங்குகிறது.

மேலும், வெவ்வேறு முதிர்வுகளின் FDகளில், வழக்கமான வாடிக்கையாளர்களுக்கு 3 சதவீதம் முதல் 6.5 சதவீதம் வரையிலும், மூத்த குடிமக்களுக்கு 3.5 சதவீதம் முதல் 7.5 சதவீதம் வரையிலும் வருடாந்திர வட்டியை எஸ்பிஐ வழங்குகிறது.

ரூ.20 லட்சம் பெறுவது எப்படி?

எஸ்.பி.ஐ வங்கியின் கால்குலேட்டரின் படி, முதலீட்டாளர் 6.5 சதவீத வருடாந்திர வட்டி விகிதத்தில் ரூ.10 லட்சம் முதலீடு செய்தால், முதிர்வு காலத்தில் மொத்தம் ரூ.19,05,558 கிடைக்கும்.

இதில், வட்டி மூலம் ரூ.905,558 நிலையான வருமானம் கிடைக்கும். மறுபுறம், எஸ்பிஐயின் 10 ஆண்டு முதிர்வு திட்டத்தில் ஒரு மூத்த குடிமகன் ரூ.10 லட்சத்தை மொத்தமாக டெபாசிட் செய்தால், SBI FD கால்குலேட்டரின் படி, மூத்த குடிமக்கள் 7.5 சதவீத வருடாந்திர வட்டி விகிதத்தில் முதிர்வு காலத்தில் மொத்தம் ரூ.21,02,349 பெறுவார்கள்.

வரி பிடித்தம்

வங்கிகளின் நிலையான வைப்பு/கால வைப்புத்தொகை மீதான வட்டி வருமானம் வரிக்கு உட்பட்டது.

வருமான வரி விதிகளின் (ஐடி விதிகள்) படி, மூலத்தில் வரி விலக்கு (டிடிஎஸ்) FD திட்டங்களுக்கு பொருந்தும்.

அதாவது, FD முதிர்ச்சியின் போது பெறப்படும் தொகை உங்கள் வருமானமாகக் கருதப்படும் மற்றும் நீங்கள் ஸ்லாப் விகிதத்தின்படி வரி செலுத்த வேண்டும் என்பது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“