எஸ்.பி.ஐ ஃபிக்சட் டெபாசிட் வட்டியை இன்று முதல் உயர்த்துகிறது.. புதிய வீதங்கள் இங்கே

SBI Fixed Deposit (FD) Rate today; October 22, 2022: பாரத ஸ்டேட் வங்கி அதன் கால வைப்புகளை அதிக லாபகரமானதாக மாற்றுவதற்காக ஒரு வாரத்திற்குள் இரண்டு முறை நிலையான வைப்பு வட்டி விகிதத்தை உயர்த்தியுள்ளது.
ஐடிபிஐ, யெஸ் வங்கி, ஆக்சிஸ் வங்கி மற்றும் யூனியன் வங்கி உள்ளிட்ட பல வங்கிகள் ஏற்கனவே தங்கள் கால வைப்பு விகிதங்களை உயர்த்தியுள்ளன,

தொடர்ந்து, அக்டோபர் 15 முதல் SBI தனது நிலையான வைப்பு விகிதங்களை முதன்முதலில் உயர்த்திய நிலையில், அது மீண்டும் அக்டோபர் 21 அன்று விகிதத்தை உயர்த்தியது. புதிய விகிதங்கள் அக்டோபர் 22 முதல் நடைமுறைக்கு வந்துள்ளன.
அக்டோபர் 15 உயர்வு நிலையான வைப்பு விகிதங்களில் 0.20 சதவீதம் வரை சிறிதளவு உயர்வைக் கொண்டு வந்த நிலையில், பாரத ஸ்டேட் வங்கி இப்போது அதன் கால வைப்பு விகிதங்களை 0.8 சதவீதம் வரை உயர்த்தியுள்ளது.

தற்போது, போது, 211 நாட்களுக்கு மேல் ஆனால் 1 வருடத்திற்கும் குறைவான காலத்திற்கான 2 கோடி ரூபாய்க்கும் குறைவான நிலையான வைப்புகளுக்கு அக்டோபர் 22 முதல் 5.50 சதவிகிதம் வட்டி கிடைக்கும்.
இது முந்தைய 4.70 சதவிகிதத்திலிருந்து. மற்ற முதிர்வுகளுக்கு, விகித உயர்வின் அளவு 0.25 சதவீதம் முதல் 0.6 சதவீதம் வரை இருந்தது. இருப்பினும், வங்கி 7-45 நாட்கள் வைப்பு விகிதங்களை மாற்றாமல் 3 சதவீதமாக வைத்துள்ளது.

மேலும், 46 நாட்கள் முதல் 179 நாட்கள் வரையிலான டெபாசிட்டுகளுக்கு 4.5 சதவீத வட்டியும், 180 நாட்கள் முதல் 210 நாட்கள் வரை உள்ளவைகளுக்கு 5.25 சதவீத வட்டியும் கிடைக்கும். ஓராண்டு முதல் இரண்டு ஆண்டுகள் வரை முதிர்ச்சியடையும் டெபாசிட்டுகளுக்கு ஆண்டுக்கு 6.1 சதவீதம் வட்டி கிடைக்கும்.
இரண்டு முதல் மூன்று ஆண்டுகள் வரை முதிர்வு காலம் கொண்ட நிலையான வைப்புகளுக்கு 6.25 சதவீத வட்டியும், மூன்று முதல் பத்து ஆண்டுகளுக்கு இடைப்பட்டவைகளுக்கு 6.1 சதவீத வட்டியும் கிடைக்கும்.

இருப்பினும், மூத்த குடிமக்கள் 0.5 சதவீதம் கூடுதல் வட்டி பெறுவார்கள். 15-ஆகஸ்ட்-2022 முதல் 6.1% வட்டி விகிதத்தை வழங்கும் 1000 நாட்களுக்கு ஒரு குறிப்பிட்ட தவணைக்காலத்தையும் SBI அறிமுகப்படுத்தியுள்ளது. இந்த சலுகை அக்டோபர் 31 வரை செல்லுபடியாகும்.
SBI அதன் ஊழியர்கள் மற்றும் ஓய்வூதியதாரர்களுக்கு ஒரு சதவீத கூடுதல் வட்டி வழங்குகிறது. எனவே, ஒரு SBI ஓய்வூதியம் பெறுபவர் அல்லது ஓய்வு பெற்ற அதிகாரி இரட்டை நன்மையைப் பெறுவார்கள்

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil