SBI offers upto Rs.20 lakh free insurance via ATM cards: உங்களிடம் பாரத ஸ்டேட் வங்கியின் டெபிட் கார்டு இருந்தால், இந்த செய்தி உங்களுக்கானது. உண்மையில், எஸ்பிஐயின் பல்வேறு வகையான டெபிட் கார்டுகளில் காப்பீடு கிடைக்கிறது. காப்பீட்டு வரம்பு அட்டை வகைக்கு ஏற்ப மாறுபடும். எஸ்பிஐ கார்டுகளில் அதிகபட்ச காப்பீட்டுத் தொகை ரூ.20 லட்சம். முக்கிய விஷயம் என்னவென்றால், காப்பீடு முற்றிலும் இலவசம். இதன் பொருள் நீங்கள் பிரீமியம் செலுத்த வேண்டியதில்லை.
10 லட்சம் காப்பீடு
SBI விசா சிக்னேச்சர் அல்லது மாஸ்டர்கார்டு டெபிட் கார்டில் 10 லட்சம் ரூபாய் காப்பீடு உள்ளது. சந்தாதாரர் இறந்த பிறகு நாமினியால் உறுதியளிக்கப்பட்ட தொகை பெறப்படுகிறது. இருப்பினும், இந்த காப்பீட்டுத் தொகையைப் பெறுவதற்கு சில நிபந்தனைகள் உள்ளன.
நிபந்தனைகள்
எடுத்துக்காட்டாக, விபத்து நடந்த தேதிக்கு முந்தைய 90 நாட்களில், ஏடிஎம் அல்லது பிஓஎஸ் அல்லது ஈ-காமர்ஸ் ஆகிய ஏதேனும் ஒரு சேனலில் கார்டை ஒருமுறையாவது பயன்படுத்திருக்க வேண்டும். அதே நேரத்தில், தனிநபர் விமான விபத்துக் காப்பீட்டின் அதிகபட்சத் தொகை (இறந்தால் மட்டும்) ரூ. 20 லட்சம். அதாவது கார்டு பயன்படுத்துபவர் விமானப் பயணத்தின் போது இறந்தால், நாமினி ரூ.20 லட்சம் வரை கோரலாம்.
பயனர்கள் கார்டில் கொள்முதல் காப்பீட்டையும் ஏடிஎம் கார்டு மூலம் பெறுவார்கள். இது வாங்கிய 90 நாட்களுக்குள் திருட்டு அல்லது கொள்ளை உள்ளிட்ட இழப்புகளை ஈடுசெய்கிறது. எவ்வாறாயினும், தகுதியான SBI டெபிட் கார்டு மூலம் பிஓஎஸ் / வணிக நிறுவனத்திலிருந்து பொருட்களை வாங்குவது அவசியம்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
