அசத்தும் எஸ்பிஐ... வாடிக்கையாளர்களுக்கு அறிமுகப்படுத்திய சூப்பர் சேவை!

sbi sbiaccount sbi balance sbi account balance : நமது வங்கிக் கணக்கில் எவ்வளவு பேலன்ஸ் இருக்கிறது என்று தெரிந்துகொள்வதற்கு நிறைய வழிகள் உள்ளன. ஏடிஎம் மையத்தில் கூட பேலன்ஸ் பார்க்க முடியும். ஆனால் இருக்கும் இடத்திலேயே பேலன்ஸ் விவரங்களைத் தெரிந்துகொள்வதற்கு இண்டர்நெட் பேங்கிங், மொபைல் ஆப் போன்ற வசதிகள் உள்ளன.

இண்டர்நெட் பேங்கிங் அல்லது மொபைல் ஆப் மூலமாக நீங்கள் பேலன்ஸ் உள்ளிட்ட விவரங்களைப் பார்க்க வேண்டுமென்றால் லாக் இன் செய்ய வேண்டும். சில நேரங்களில் லாக் இன் விவரங்களை நாம் மறந்துவிடக்கூடும். லாக் இன் செய்து பார்ப்பதும் கூடுதல் நேரம் எடுக்கும்.

இதுபோன்ற சூழலில், இந்தியாவின் மிகப் பெரிய பொதுத் துறை வங்கியான ஸ்டேட் பேங்க் ஆஃப் இந்தியா லாக் இன் செய்யாமலே பேலன்ஸ் விவரங்களைத் தெரிந்துகொள்ளும் வசதியைக் கொண்டுவந்துள்ளது. இதன்படி, ஸ்டேட் பேங்க் ஆஃப் இந்தியாவின் அதிகாரப்பூர்வ மொபைல் செயலியான யோனோ ஆப்பில் நீங்கள் லாக் இன் செய்யாமலேயே பேலன்ஸ், எம்-பாஸ்புக், பணப் பரிவர்த்தனை போன்றவற்றை சுலபமாக மேற்கொள்ள முடியும்.

யோனோ ஆப் ஓப்பன் செய்தவுடன் ‘View Balance’ என்பதை கிளிக் செய்ய வேண்டும். உடனே MPIN அல்லது User & and Password அல்லது பயோமெட்ரிக் பதிவைக் கேட்கும். இதில் ஏதேனும் ஒன்றை நீங்கள் பதிவிட்டால் உங்களது பேங்க் பேலன்ஸை நீங்கள் பார்க்க முடியும். இதன் கீழ் உங்களது பரிவர்த்தனி விவரங்களையும் நீங்கள் பார்க்கலாம். அதேபோல, ’Yono Quick Pay’ என்ற வசதியை கிளிக் செய்வதன் மூல்மாக நீங்கள் லாக் இன் செய்யாமலேயே ரூ.2,000 வரையில் பணம் அனுப்ப முடியும்.