எஸ்.பி.ஐ vs ஹெச்.டி.எஃப்.சி: எந்த வங்கியில் எஃப்.டி-க்கு பெஸ்ட் ரிட்டன்?

ஸ்டேட் பாங்க் ஆஃப் இந்தியா (SBI) சில்லறை டெபாசிட்டுகளின் (₹2 கோடி வரை) சில காலங்களுக்கு நிலையான வைப்பு வட்டி விகிதங்களை உயர்த்தியுள்ளது. வங்கியின் இணையதளத்தின்படி, புதிய ஃபிக்ஸட் டெபாசிட் வட்டி விகிதங்கள் மே 15, 2024 முதல் அமலுக்கு வந்துள்ளன.

புதிய எஃப்.டி வட்டி விகிதத்தின்படி, ஸ்டேட் பேங்க்ஆஃப் இந்தியா, 46 நாள்கள் முதல் 179 நாள்களுக்குள் முதிர்ச்சியடையும் டெபாசிட்டுகளுக்கு வட்டி விகிதங்களை 75 அடிப்படை புள்ளிகள் (bps) உயர்த்தி, பொது வாடிக்கையாளர்களுக்கு 4.75% முதல் 5.50% ஆகவும், மூத்த குடிமக்களுக்கு 5.25%லிருந்து 6% ஆகவும் உயர்த்தியுள்ளது.

ஸ்டேட் பேங்க் ஆஃப் இந்தியா வட்டி

மேலும், ஸ்டேட் பாங்க் ஆஃப் இந்தியா (SBI) டெபாசிட் காலத்தின் அடிப்படையில் மாறுபட்ட நிலையான வைப்பு (FD) வட்டி விகிதங்களை வழங்குகிறது.

7 நாட்கள் முதல் 45 நாட்கள் வரையிலான குறுகிய கால வைப்புகளுக்கு, வட்டி விகிதம் 3.50% ஆகும். 46 நாட்கள் முதல் 179 நாட்கள் வரையிலான டெபாசிட்களுக்கு, விகிதம் 5.50% ஆக அதிகரிக்கிறது.

180 நாட்கள் முதல் 210 நாட்கள் வரை, வட்டி விகிதம் 6.00%. 211 நாட்கள் முதல் ஒரு வருடத்திற்கும் குறைவான வைப்புகளுக்கு 6.25% வட்டி விகிதம் கிடைக்கும். 1 வருடம் முதல் இரண்டு வருடங்களுக்கும் குறைவான காலத்திற்கு, வட்டி விகிதம் 6.80% அதிகமாக இருக்கும்.

2 வருடங்கள் முதல் மூன்று வருடங்களுக்கும் குறைவான டெபாசிட்டுகளுக்கான விகிதம் 7.00% ஆக உச்சத்தை அடைகிறது. 3 ஆண்டுகள் முதல் ஐந்து ஆண்டுகளுக்கும் குறைவான காலத்திற்கு, வட்டி விகிதம் 6.75% ஆகக் குறைகிறது. இறுதியாக, ஐந்து ஆண்டுகள் முதல் 10 ஆண்டுகள் வரையிலான நீண்ட கால வைப்புகளுக்கு, வட்டி விகிதம் 6.50% ஆகும்.

எஸ்.பி.ஐ மூத்தக் குடிமக்கள் வட்டி விகிதம்

ஸ்டேட் பேங்க் ஆஃப் இந்தியா, மூத்த குடிமக்கள் (எஸ்பிஐ) ஃபிக்ஸட் டெபாசிட்டுக்கு கூடுதலாக 50 அடிப்படைப் புள்ளிகளைப் (பிபிஎஸ்) வழங்குகிறது.

சமீபத்திய விகித உயர்வைத் தொடர்ந்து, எஸ்.பி.ஐ மூத்த குடிமக்களுக்கு ஏழு நாட்கள் முதல் பத்து ஆண்டுகள் வரையிலான வைப்புத் திட்டங்களுக்கு 4% முதல் 7.5% வரை வட்டி விகிதங்களை வழங்குகிறது. குறிப்பாக, 7 நாட்கள் முதல் 45 நாட்கள் வரையிலான டெபாசிட்களுக்கு 4%, 46 நாட்கள் முதல் 179 நாட்கள் வரை 6.00% மற்றும் 180 நாட்கள் முதல் 210 நாட்கள் வரையிலான விதிமுறைகளுக்கு 6.5% ஆகும்.

211 நாட்கள் முதல் ஒரு வருடத்திற்கும் குறைவான வைப்புத்தொகை 6.75% வீதத்தைப் பெறுகிறது. 1 வருடம் முதல் இரண்டு வருடங்களுக்கும் குறைவான காலத்திற்கு, விகிதம் 7.30% ஆகும், அதே சமயம் 2 ஆண்டுகள் முதல் மூன்று வருடங்களுக்கும் குறைவான டெபாசிட்கள் அதிகபட்ச விகிதம் 7.50% ஆகும்.

3 ஆண்டுகள் முதல் ஐந்து வருடங்களுக்கும் குறைவான காலத்திற்கு, வட்டி விகிதம் 7.25% மற்றும் 5 ஆண்டுகள் முதல் 10 ஆண்டுகள் வரையிலான நீண்ட கால வைப்புகளுக்கு, விகிதம் 7.50% ஆகும்.

ஹெச்.டி.எஃப்.சி வங்கி

இந்தியாவின் மிகப்பெரிய கடன் வழங்குநரான ஹெச்.டி.எஃப்.சி வங்கி 18 முதல் 21 மாதங்கள் வரையிலான காலத்திற்கு ஆண்டுக்கு 7.25% வட்டி விகிதத்தை வழங்குகிறது.

ரூ.2 கோடிக்கும் குறைவான டெபாசிட்களுக்கு இந்த விகிதம் பொருந்தும். மூத்த குடிமக்களுக்கு, வங்கி 0.5% கூடுதல் வட்டி விகிதத்தை வழங்குகிறது. வங்கியின் இணையதளத்தின்படி, மூத்த குடிமக்கள் விகிதங்கள் வெளிநாட்டு வாழ் இந்தியர்களுக்குப் பொருந்தாது. ஹெச்.டி.எஃப்.சி (HDFC) வங்கி இந்த ஆண்டு பிப்ரவரியில் ஃபிக்ஸட் டெபாசிட் (FD) விகிதங்களைத் திருத்தியது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“