நிதி சிக்கல் பிரச்சனையா? தங்க நகைகளை விற்பதற்கு முன்பு இதை கவனத்தில் கொள்ளுங்கள்!

selling gold jewellery: சாதரணமாக நகைக்கடைகளில் விற்கும் போது, அவர்கள் செய்கூலி, சேதாரம், தேய்மானம், தங்கத்தின் தூய தன்மை என பல வற்றிலும் கழிக்க வாய்ப்புண்டு.

Gold selling

கொரோனா காலகட்டத்தில் அவசர தேவைக்காக வீட்டில் உள்ள நகைகளை விற்க நினைப்பவர்கள் கண்டிப்பாக தெரிந்துகொள்ள வேண்டிய சில வழிமுறைகள் கொடுக்கப்பட்டுள்ளது. தற்போதைய தங்கம் விலை நிலவரத்தை பார்க்க வேண்டும். இதனை நம்பகமான இணையதளங்கள் வாயிலாக தெரிந்துகொள்ளலாம். தங்கத்தின் விலைகள் ஒவ்வொரு நாளும் ஏற்ற இறக்கமாக இருக்கிறது. இத்தகைய சூழ்நிலையில், அனைத்து நகைக்கடை விற்பனையாளர்களும் தங்கள் வாடிக்கையாளர்களுக்கு தினசரி தங்கத்தின் விலையை சொல்கிறார்கள். விலையை நிர்ணயிப்பதற்கான நிலையான வழிகள் ஏதும் இல்லை. இதனால் உங்கள் நகைக்கு நல்ல தொகைகளை பெற பல விற்பனையாளர்களை அணுகலாம்.

தங்கத்தின் அளவு காரட் மூலம் மதிப்பிடப்படுகிறது. நகைகளின் தூய்மை பற்றி உங்களுக்குத் தெரியாவிட்டால், காரட் மீட்டர் வைத்திருக்கும் ஒன்று அல்லது அதற்கு மேற்பட்ட நகைக்கடைக்காரரிடம் அதைச் சரிபார்க்கலாம். தங்கத்தின் அடையாளத்தை நீங்கள் சரிபார்க்கிறீர்கள் என்பதை எப்போதும் உறுதிப்படுத்திக் கொள்ளுங்கள். ஒரு துண்டு நகைகளில் BIS குறி இருந்தால், அது இந்திய தர நிர்ணய பணியகத்தால் நிர்ணயிக்கப்பட்ட தரங்களுக்கு ஏற்ப அமைந்துள்ளது என்பதை நீங்கள் உறுதியாக நம்பலாம்.

சாதரணமாக நகைக்கடைகளில் விற்கும் போது, அவர்கள் செய்கூலி, சேதாரம், தேய்மானம், தங்கத்தின் தூய தன்மை என பல வற்றிலும் கழிக்க வாய்ப்புண்டு. அதுவும் சரியான முறையில் கிடைக்குமா என்பது சந்தேகம் தான். இதே மீண்டும் பழைய நகைக்கு, புதிய நகையாக மாற்றும்போது நகைக்கடைக்காரர், அல்லது இடைத்தரகர் என பல வகையிலும் ஏமாற்றப்பட வாய்ப்புண்டு.

இறுதி விலைக்கு வருவதற்கு முன்பு, நகைக்கடைக்காரர்கள் எடையின் ஒரு குறிப்பிட்ட சதவீதத்தை wastage ஆக கழிக்கலாம். விற்பனை செய்வதற்கு முன், நகைக்கடைக்காரர் கணக்கிடக்கூடிய விரயத்தை சரிபார்க்கவும். சில நேரங்களில், ஒரு நகைக்கடைக்காரர் 20% வரை wastage பணத்தை கழிக்க முடியும். நகைகளில் கற்கள் இருந்தால், அவை அதிக wastage கணக்கிடலாம்.

இவை தவிர, உங்கள் தங்கத்திற்கான வாங்குதல் விதிமுறைகள் குறித்து தெளிவு பெறுவதும் நல்லது. நகைக்கடை, stok holding corporation of india, வங்கி சாரா நிறுவனம் அல்லது ஆன்லைன் இவற்றில் எதில் இருந்து தங்கம் வாங்கினோம் என்பது முக்கியமுல்ல. ஒவ்வொரு சந்தர்ப்பத்திலும், வாங்குதல் விதிமுறைகளை அறிந்து கொள்வது அவசியம். உங்கள் தங்கத்தை (எந்த வடிவத்திலும்) ஒரு நகைக்கடைக்காரருக்கு விற்கிறீர்களானால், நீங்கள் ஒரு குறைந்த மதிப்பீட்டைப் பெற வாய்ப்புள்ளது, ஏனெனில் நகைக் கடைக்காரர் தயாரிக்கும் கட்டணங்கள் மற்றும் நிர்வாகக் கட்டணங்களுக்கு பணம் செலுத்த மாட்டார். நீங்கள் ஒரு வங்கியில் இருந்து தங்கத்தை வாங்கியிருந்தால், இந்திய ரிசர்வ் வங்கியின் உத்தரவின் படி அதை மீண்டும் வங்கியில் விற்க அனுமதிக்கப்படுவதில்லை. இதனால் ஒன்றுக்கு இரு முறை பல வகையிலும் விசாரித்து, எங்கு உங்களுக்கு அதிக தொகை கிடைக்கும் என்பதனை தெரிந்து கொண்டு விற்பனை செய்யலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil”

Get the latest Tamil news and Business news here. You can also read all the Business news by following us on Twitter, Facebook and Telegram.

Web Title: Sell your gold for cash important things to know

Next Story
SBI Bank News: வங்கிக்கே போக வேண்டாம்; ஏ.டி.எம். கார்டை வீட்டில் இருந்தே பெறுவது எப்படி?SBI customers alert get new ATM card without visiting bank
The moderation of comments is automated and not cleared manually by tamil.indianexpress.com
Best of Express