நாட்டில் பல வங்கிகள் சமீபத்தில் நிலையான வைப்பு வட்டி விகிதங்களை உயர்த்தியுள்ளன. பெரும்பாலான வங்கிகள் மூத்த குடிமக்களுக்கு 0.5% வரை கூடுதல் வட்டி வழங்குகின்றன. ஆகவே, இது ஃபிக்ஸட் டெபாசிட் தொடங்க நல்ல நேரமாக இருக்கலாம்.
தற்போது, யூனிட்டி ஸ்மால் ஃபைனான்ஸ் வங்கி மூத்த குடிமக்களுக்கு 366 நாள்கள் வைப்புத்தொகைக்கு 8.30% வட்டியை வழங்குகிறது. அதன்படி, வங்கி ஷாகுன் 366 என்ற திட்டத்தை அறிமுகப்படுத்தி உள்ளது.
இந்தத் திட்டத்தில் ஒரு ஆண்டு, ஒரு நாள் நிலையான வைப்புத்தொகை சில்லறை வாடிக்கையாளர்களுக்கு ஆண்டுக்கு 7.80% கவர்ச்சிகரமான வருவாயை வழங்குகிறது.
அதேசமயம் மூத்த குடிமக்கள் 366 நாட்களுக்கு ஆண்டுக்கு 8.30% பெறுவார்கள். எனினும், இந்தச் சலுகை நவம்பர் 30, 2022 வரை முன்பதிவு செய்த டெபாசிட்டுகளுக்கு மட்டுமே கிடைக்கும்.
யூனிட்டி வங்கி வைப்புத்தொகைகளுக்கான வட்டி விகிதங்களை ரூ. 2 கோடிக்கும் அதிகமான வைப்புத்தொகைக்கும் அதிகரித்துள்ளது.
இதில் ஆண்டுக்கு 7.75% வரை வட்டி கிடைக்கும். அதேசமயம் மற்ற மொத்த வைப்புகளுக்கு ஆண்டுக்கு 7.85% வரை வட்டி வழங்கப்படுகிறது.
சுவாரஸ்யமாக, யூனிட்டி வங்கி ரூ.1 லட்சம் வரையிலான சேமிப்பு கணக்கு வைப்புகளுக்கு 6% வட்டியை வழங்குகிறது. ரூ. 1 லட்சம் முதல் ரூ.10 கோடி வரையிலான வைப்புத்தொகைகளுக்கு, யூனிட்டி ஸ்மால் ஃபைனான்ஸ் வங்கி 7% வருடாந்திர வட்டியுடன் சேமிப்புக் கணக்குதாரர்களுக்கான ஒப்பந்தத்தை மேலும் இனிமையாக்குகிறது.
பேங்க் ஆஃப் இந்தியா</strong>
பேங்க் ஆஃப் இந்தியா அக்.31ஆம் தேதி, ‘ஸ்டார் சூப்பர் டிரிபிள் செவன் ஃபிக்ஸட் டெபாசிட்’ திட்டத்தை அறிவித்தது, இது 7.25% வட்டி விகிதத்தையும் மூத்த குடிமக்களுக்கு 777 நாட்களுக்கு 7.75% வரையிலும் டெபாசிட் வழங்குகிறது.
பொது வருங்கால வைப்பு நிதி, மூத்த குடிமக்கள் சேமிப்புத் திட்டம், தேசிய சேமிப்புச் சான்றிதழ் அல்லது ஆர்பிஐ பத்திரம் போன்ற பிற முதலீட்டு விருப்பங்களுடன் ஒப்பிடும் போது, பேங்க் ஆஃப் இந்தியாவின் 777 நாள் ஃபிக்ஸட் டெபாசிட் திட்டம் மிகவும் லாபகரமானது மற்றும் புத்திசாலித்தனமான முதலீட்டு விருப்பமாகும்” என்று வங்கி விடுத்துள்ள அறிக்கையில் தெரிவிக்கப்பட்டுள்ளது.
இந்த புதிய சலுகைக்கு கூடுதலாக, பேங்க் ஆஃப் இந்தியா அதன் தற்போதைய 555 நாள் நிலையான வைப்புத் திட்டத்தின் வட்டி விகிதத்தை 6.30% ஆக உயர்த்தியுள்ளது.
180 நாட்கள் முதல் 5 ஆண்டுகளுக்கும் குறைவான மற்ற நேர வாளிகளில், வங்கி வட்டியை 25 அடிப்படை புள்ளிகள் உயர்த்தியுள்ளது.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
