சரிந்த ஏசியன் பெயிண்ட்ஸ், மாருதி சுஸுகி; தாக்குப்பிடித்த சென்செக்ஸ்

Share Market News Today | Sensex | Nifty | Share Prices | இந்திய பங்குச் சந்தை பெஞ்ச்மார்க் ஈக்விட்டி குறியீடுகள் வாரத்தின் கடைசி நாளான வெள்ளிக்கிழமை (பிப்.23,2024) அமர்வை புதிய உயர்வில் நிறைவு செய்தன.

தேசிய பங்குச் சந்தை (என்எஸ்இ) நிஃப்டி-50 4.75 புள்ளிகள் அல்லது 0.02% குறைந்து 22,212.70 ஆகவும், மும்பை பங்குச் சந்தை (பிஎஸ்இ) சென்செக்ஸ் 15.44 புள்ளிகள் அல்லது 0.02% இழந்து 73,142.80 ஆகவும் வர்த்தகத்தை நிறைவு செய்தது.

மிட்கேப் மற்றும் ஸ்மால்கேப் பங்குகள் ஆதாயத்துடன், பரந்த குறியீடுகள் உயர்வில் வர்த்தகமாகின. பேங்க் நிஃப்டி 100 புள்ளிகள் அல்லது 0.23% சரிந்து 46,811.75 இல் நிலைத்தது.

பங்குகள் நிலவரம்

எஸ்பிஐ லைஃப் இன்சூரஸ், பஜாஜ் ஃபின்சர்வ், டாக்டர் ரெட்டிஸ் லேப், சிப்லா, ஹெச்டிஎஃப்சி லைஃப் இன்சூரன்ஸ் ஆகியவை நிஃப்டி 50-ல் அதிக லாபம் ஈட்டியுள்ளன.

நிஃப்டி 50ல் ஏசியன் பெயிண்ட்ஸ், மாருதி சுஸுகி, எச்சிஎல் டெக்னாலஜிஸ், பிபிசிஎல் மற்றும் ஜேஎஸ்டபிள்யூ ஸ்டீல் ஆகிய நிறுவனங்கள் நஷ்டமடைந்தன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“