பங்குச் சந்தை திடீர் சரிவு; ஆயில் இந்தியா பங்குகள் பெரும் நஷ்டம்!

Share Market News Today | Sensex | Nifty | Share Prices | இந்தியப் பங்குச் சந்தை பெஞ்ச்மார்க் ஈக்விட்டி குறியீடுகள் வியாழக்கிழமை (ஏப்.18,2024) வர்த்தக அமர்வை சரிவில் நிறைவு செய்தன.

தேசிய பங்குச் சந்தை (NSE) நிஃப்டி-50 152.05 புள்ளிகள் அல்லது 0.69% சரிந்து 21,995.85 ஆகவும், மும்பை பங்குச் சந்தை (BSE) சென்செக்ஸ் 454.69 புள்ளிகள் அல்லது 0.62% குறைந்து 72,488.99 ஆகவும் காணப்பட்டது.

லார்ஜ்-கேப் மற்றும் மிட்-கேப் பங்குகளின் வீழ்ச்சியுடன், பரந்த குறியீடுகள் கலப்பு மண்டலத்தில் முடிவடைந்தன. வங்கி நிஃப்டி குறியீட்டு எண் 415.35 புள்ளிகள் அல்லது 0.87% குறைந்து 47,069.45 ஆக முடிந்தது.
மீடியா மற்றும் மெட்டல் பங்குகள் மற்ற துறை குறியீடுகளை விட சிறப்பாக செயல்பட்டன. அதே நேரத்தில் எஃப்எம்சிஜி மற்றும் நிதி சேவைகள் பங்குகள் வீழ்ச்சியடைந்தன.

பங்குகள் நிலவரம்

டோரண்ட் பவர், இண்டஸ் டவர்ஸ், மேன்கைன்ட் பார்மா, ஹிந்துஸ்தான் பெட்ரோலியம் மற்றும் ஜேஎஸ்டபிள்யூ எனர்ஜி ஆகியவை நிஃப்டி மிட்கேப் 100ல் அதிக லாபம் ஈட்டியுள்ளன.
மறுபுறம், ஐஜிஎல், மேக்ஸ் ஹெல்த்கேர், ஓபராய் ரியாலிட்டி, ஆயில் இந்தியா மற்றும் லால் பாத்லேப்ஸ் ஆகியவை பின்தங்கின பங்குகளில் முக்கியமானவை ஆகும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“