குழந்தைகளின் எதிர்காலத்தைப் பாதுகாக்கும் சிறந்த சேமிப்பு திட்டம் எது தெரியுமா?

Sukanya Samriddhi Yojana vs Child Insurance Plan: Which one is better to secure your child’s future?: குழந்தைகளுக்கு நல்ல கல்வியை வழங்குவது பெற்றோரின் முதன்மையான அக்கறை. அதிக பணவீக்க விகிதம் கல்வித் துறையில் கவலையைச் சேர்க்கிறது, ஏனெனில் நிதிப் பற்றாக்குறையால் தங்களுடைய பிள்ளைகள் ஒரு பொன்னான வாய்ப்பைத் தவறவிடாமல் இருக்க பெற்றோர்கள் ஒரு சேமிப்பைத் தயாராக வைத்திருக்க வேண்டும்.

கல்வியைத் தவிர, திருமணம், தங்குமிடம் போன்றவை வேறு சில நிதி இலக்குகளாகும், அதற்கான சரியான திட்டமிடல் மற்றும் முதலீடுகளும் தேவை.

பெண் குழந்தைகளின் கனவுகளை நனவாக்க, சம்பாதிக்கும் பெற்றோரின் துரதிர்ஷ்டவசமான முன்கூட்டியே மரணம் ஏற்பட்டாலும் பெண் குழந்தைகளின் இலக்குகள் அடையப்படுவதை உறுதிசெய்வதற்கு நிதிப் பாதுகாப்பை உறுதி செய்வதும் முக்கியம்.

உங்கள் குழந்தையின் எதிர்காலத்தைப் பாதுகாக்க சுகன்யா சம்ரித்தி யோஜனா (SSY) மற்றும் குழந்தை காப்பீட்டுத் திட்டங்களில் முதலீடு செய்வதன் நன்மை தீமைகள் இங்கே:

சுகன்யா சம்ரித்தி யோஜனா

ஒரு பெண் குழந்தையின் பெற்றோர் அல்லது சட்டப்பூர்வ பாதுகாவலர் சிறுமிக்கு 10 வயது ஆகும் வரை சுகன்யா சம்ரித்தி யோஜனா கணக்கைத் திறக்கலாம்.

இதையும் படியுங்கள்: முதலீடு செய்பவர்கள் கவனத்திற்கு; எந்த திட்டத்திற்கு அதிக வட்டி கிடைக்கும் தெரியுமா?

பலன்கள்:

இறையாண்மை உத்தரவாதத்துடன், SSY முற்றிலும் ஆபத்து இல்லாதது மற்றும் பொது வருங்கால வைப்பு நிதியில் (PPF) வழங்கப்படும் விகிதத்தை விட கவர்ச்சிகரமான வட்டி விகிதத்தை வழங்குகிறது.

SSY இன் முதிர்வு காலம் 21 ஆண்டுகள் மற்றும் 15 ஆண்டுகளுக்கு டெபாசிட் செய்யப்பட வேண்டும். பெண் குழந்தை 18 வயதை அடையும் போது நிலுவையில் உள்ள கணக்கு இருப்பில் 50 சதவீதத்தை பகுதியளவு திரும்பப் பெற அனுமதிக்கப்படுகிறது, இதனை கல்விச் செலவுகளுக்காகப் பயன்படுத்தப்படலாம்.

முதிர்வு காலம் 21 ஆண்டுகளாக இருந்தாலும், பயனாளி பெண் குழந்தை 18 வயதை அடைந்த பிறகு திருமணம் செய்து கொண்டால், ஒரு SSY கணக்கு முன்கூட்டியே மூடப்பட்டு, முழு நிலுவைத் தொகையும் திரும்பப் பெறப்படலாம்.

SSY கணக்குகளில் முதலீடுகள் 80C வரிச் சலுகைகளை பெறுகின்றன, வட்டி மற்றும் முதிர்வுத் தொகைக்கு முற்றிலும் வரி விலக்கு உண்டு.

வரம்புகள்:

SSY கணக்குகளை பெண் குழந்தைகளுக்கு மட்டுமே திறக்க முடியும். எனவே, ஆண் சிறுவர்களுக்கு, பெற்றோர்கள் வேறு முதலீட்டு வழிகளைத் தேர்ந்தெடுக்க வேண்டும்.

காலாண்டுக்கு ஒருமுறை வட்டி விகிதம் திருத்தப்பட்டால், வட்டி விகிதக் குறைப்பு ஏற்பட்டால் முதிர்வுத் தொகை குறையலாம்.

சம்பாதிக்கும் பெற்றோர் இறந்தால், SSY இல் முதலீடுகள் நிறுத்தப்படும், இதனால் பயனடையும் பெண் குழந்தையின் இலக்குகள் தடம் புரளும்.

குழந்தை காப்பீட்டுத் திட்டங்கள்

SSY போலவே, குழந்தைகளின் காப்பீட்டுத் திட்டங்களும் குழந்தைகளின் உயர்க் கல்வி, திருமணம் போன்றவற்றுக்கான நிதித் தேவைகளைப் பூர்த்தி செய்வதை நோக்கமாகக் கொண்டுள்ளன.

பலன்கள்:

குழந்தை காப்பீட்டுத் திட்டங்கள் பொதுவாக பிரீமியம் தள்ளுபடி நன்மை (PWB) விருப்பத்துடன் வருகின்றன, இது சம்பாதிக்கும் பெற்றோரின் துரதிர்ஷ்டவசமான மரணம் ஏற்பட்டால் பிரீமியம் செலுத்தாமல் பாலிசி தொடர்வதை உறுதி செய்கிறது.

அத்தகைய காப்பீட்டுத் திட்டம் பெண் குழந்தைகள் மற்றும் ஆண் குழந்தைகளுக்கு எடுக்கப்படலாம்.

பெற்றோர்கள் முதிர்வுக் காலத்தைத் தேர்ந்தெடுக்கும் நெகிழ்வுத்தன்மையைக் கொண்டுள்ளனர் மற்றும் சில சமயங்களில் பணத்தைத் திரும்பப் பெறும் முறை மற்றும் கால அளவையும் தேர்ந்தெடுக்கலாம்.

SSY போன்று, குழந்தை காப்பீட்டு திட்டங்களில் முதலீடுகள் 80C வரி சலுகைகளை பெறுகின்றன மற்றும் முதிர்வு மற்றும் பணத்தை திரும்பப் பெறுவதற்கும் வரி விலக்கு உண்டு.

வரம்புகள்:

குறைந்த போனஸ் விகிதத்துடன், பெற்றோர்கள் நிதித் தேவைகளைப் பூர்த்தி செய்ய அதிக காப்பீட்டுத் தொகையை (SA) தேர்வு செய்ய வேண்டும், இது அதிக பிரீமியம் செலுத்துதலுக்கு வழிவகுக்கும்.

எதை தேர்வு செய்வது?

இறையாண்மை உத்தரவாதம், கவர்ச்சிகரமான வருவாய் விகிதம் மற்றும் முழுமையான வரிச் சலுகைகள் ஆகியவற்றுடன், SSY என்பது பெண்களுக்கு ஆபத்து இல்லாத ஒரு நல்ல முதலீட்டு விருப்பமாகும்.

SSY இல் முதலீடுகளில் வருமானம் ஈட்டும் பெற்றோர் துரதிர்ஷ்டவசமாக முன்கூட்டியே இறந்துவிட்டால் சிக்கல் ஏற்படும், எனவே இன்சூரன்ஸ் எடுப்பது அவசியம்.

இருப்பினும், ஒப்பீட்டளவில் விலையுயர்ந்த குழந்தைக் காப்பீட்டுத் திட்டங்களுக்குப் பதிலாக, பெற்றோர்கள் மியூச்சுவல் ஃபண்ட் (MF) அல்லது அதிக வருமானம் தரும் பிற முதலீட்டுத் திட்டங்கள் அல்லது மலிவான டேர்ம் இன்ஸ்சூரன்ஸ் திட்டங்களைத் தேர்வு செய்யலாம்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil