எஸ்பிஐ ஆன்லைன்: வீட்டில் இருந்தபடி வங்கிச் சேவைகள் அனைத்தும் பெறும் எளிய முறை

SBI Internet Banking Without ATM Card : எஸ்பிஐ வங்கியில் ஏடிஎம் கார்டு இல்லாமல், இணையதள வங்கி சேவையை பெற வசதி செய்யப்பட்டுள்ளது.

எஸ்பிஐ ஆன்லைன் வங்கி (Internet Banking) பதிவு:

ஸ்டேட் ஸ்டேட் பாங்க் ஆப் இந்தியா (எஸ்பிஐ) தனது வாடிக்கையாளர்களின் சிரமத்தை குறைக்கும் வகையில், நிகர வங்கி சேவையை எளிமையாக்கி வருகிறது. இதில் கொரோனா தொற்றுக்கு பிந்தைய காலத்தில் வாடிக்கையாளர்கள், ஏடிஎம் இல்லாமல் எஸ்பிஐ ஆன்லைன் வங்கி பதிவு செய்யும் வகையில் வசதி செய்யப்பட்டுள்ளது.  இந்த சேவையை பெற எஸ்பிஐ வாடிக்கையாளர் எஸ்பிஐ - onlinesbi.com இன் அதிகாரப்பூர்வ இணையதளத்தில் சில எளிய வழிமுறைகளைப் பின்பற்ற வேண்டும்.

வங்கி கிளைக்கு செல்லாமல் எஸ்பிஐ நிகர வங்கி (Net Banking) பதிவு

உங்களிடம் எஸ்பிஐ டெபிட் கார்டு இருந்தால், விவரங்களை சரிபார்ப்பு நோக்கங்களுக்காக அதனை பயன்படுத்தலாம். இதற்கு வங்கி கிளை தலையீடு தேவையில்லை. ஆனால்  தற்போது உங்களிடம் எஸ்பிஐ ஏடிஎம் இல்லை என்றாலும், எஸ்பிஐ இணைய வங்கி பதிவு செய்யும் வகையில் வசதி செய்யப்பட்டுள்ளது. இந்த முறையில் நீங்கள் எஸ்பிஐ-யின் அதிகாரப்பூர்வ இணையதளத்திற்கு செல்லும்போது, ​​உங்களிடம் ஏடிஎம் கார்டு இருக்கிறதா என்று கணினி கேட்கும். அப்போது, ​​“ ஏடிஎம் கார்டு இல்லை” விருப்பத்தைத் நீங்கள் தேர்வு செய்ய வேண்டும்.

அதன் பின்னர் நீங்கள் ஒரு தற்காலிக பயனர்பெயருடன் ஒரு பக்க விண்ணப்பத்தைப் பெறுவீர்கள். அதே விவரங்களுடன் உங்கள் பதிவு செய்யப்பட்ட மொபைல் எண்ணுக்கு ஒரு எஸ்எம்எஸ் அனுப்பப்படும். இந்த விண்ணப்பத்தின் அச்சுப்பொறி (Print) எடுத்து உங்களது வங்கி கிளையில் சமர்ப்பிக்க வேண்டும்.

Onlinesbi.com இணையதளத்தில் எஸ்பிஐ ஆன்லைன் வங்கி பதிவு செய்வது எப்படி?

எஸ்பிஐ நிகர வங்கி பதிவைச் செய்ய, ஒருவர் எஸ்பிஐ - onlinesbi.com இன் அதிகாரப்பூர்வ இணையதளத்தில் உள்நுழைந்து பதிவு படிவத்தைப் பதிவிறக்கம் (Download) செய்து எஸ்பிஐயின் உங்கள் அருகில் உள்ள கிளையில் சமர்ப்பிக்க வேண்டும். இந்த முறையில் எஸ்பிஐ நிகர வங்கி பதிவைச் செய்யும்போது, ​​வாடிக்கையாளருக்கு ஏடிஎம் தேவையில்லை.

எஸ்பிஐ ஆன்லைன் வங்கி பதிவு செய்யும் வழிமுறைகள்

• onlinesbi.com இலிருந்து எஸ்பிஐ ஆன்லைன் வங்கி பதிவு படிவத்தைப் பதிவிறக்கம் செய்யுங்கள்;
• பெரிய எழுத்துக்களில் உங்கள் பெயரை நிரப்பவும்;
• உங்கள் எஸ்பிஐ வங்கி கணக்கில் பதிவு செய்யப்பட்ட மொபைல் எண்ணை நிரப்பவும்;
• எஸ்பிஐ இணைய வங்கி சேவை படிவத்தில் கொடுக்கப்பட்ட இடத்தில் மின்னஞ்சல் மற்றும் பிறந்த தேதியை நிரப்பவும்.
• உங்கள் எஸ்பிஐ கணக்கு விவரங்களை நிரப்பவும், கையொப்பம் மற்றும் தேதியை பொருத்தமான இடத்தில் நிரப்பவும். மற்றும்
• அதை உங்கள் அருகில் உள்ள வங்கி கிளையில் சமர்ப்பிக்கவும்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  t.me/ietamil"