ITR Filing: போஸ்ட் ஆபீஸில் இந்த வசதியும் வந்தாச்சா… கவலையை விடுங்க!

ITR Filing Alert: நாடு முழுவதும் உள்ள வரி செலுத்துவோர் தபால் அலுவலகத்திலேயே சேவை பெற முடியும்.

இந்தியா போஸ்ட் நாடு முழுவதும் உள்ள லட்சக்கணக்கான வருமான வரி செலுத்துவோருக்கு ஒரு மகிழ்ச்சியான செய்தியை வெளியிட்டுள்ளது. தபால் நிலையத்தின் பொது சேவை மையங்களின் கவுண்டர்களில் ஐடிஆர் செலுத்தலாம் என அறிவித்துள்ளது.

இந்திய அஞ்சல் துறையின் ட்விட்டர் பக்கத்தில், ” இப்போது வருமான வரி அறிக்கையை தாக்கல் செய்ய அதிக தூரம் செல்ல வேண்டிய அவசியமில்லை. உங்கள் அருகிலுள்ள தபால் நிலைய சி.எஸ்.சி கவுண்டரில் (Post Office CSC Counter) வருமான வரி வருமான சேவைகளை நீங்கள் எளிதாகப் பெறலாம்” எனத் தெரிவித்துள்ளது.

இந்தியா முழுவதும் உள்ள தபால் நிலையத்தின் சி.எஸ்.சி கவுண்டர்கள் இந்திய குடிமக்களுக்கு தபால், வங்கி மற்றும் காப்பீட்டு சேவைகள் போன்ற பல நிதி சேவைகளைப் பெறுவதற்கான ஒற்றை அணுகல் புள்ளியாக செயல்படுகின்றன. சி.எஸ்.சி கவுண்டர்கள் வழியாக மக்கள் பல அரசு சலுகைகள் மற்றும் தகவல்களைப் பெறலாம்.

டிஜிட்டல் இந்தியா திட்டத்தின் கீழ் உள்ளூர் தபால் நிலையங்களின் சி.எஸ்.சி மையங்கள் வழியே பல மின்னணு சேவைகளை வழங்குகிறது. சி.எஸ்.சி மையங்கள் நிர்வாகத்தை மிகவும் பயனுள்ளதாக மாற்றுவதை நோக்கமாகக் கொண்டுள்ளன.

இதற்கிடையில், வருமான வரித் துறை சமீபத்தில் தனது புதிய இ-ஃபைலிங் போர்ட்டலை http://www.incometax.gov.in ஐ அறிமுகப்படுத்தியுள்ளது. இருப்பினும், புதிய தளம் தற்போது குறைபாடுகளால் சிதைந்துள்ளது. இந்திய வரி செலுத்துவோருக்கு ஒரு சுவாரஸ்யமான அனுபவத்தை வழங்க அனைத்து தொழில்நுட்ப சிக்கல்களையும் சரிசெய்ய இன்ஃபோசிஸுடன் தொழில்நுட்பத் துறை தற்போது செயல்பட்டு வருகிறது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Get the latest Tamil news and Business news here. You can also read all the Business news by following us on Twitter, Facebook and Telegram.

Web Title: Taxpayers can now avail income tax return services at post office

The moderation of comments is automated and not cleared manually by tamil.indianexpress.com