ஃபிக்ஸட் டெபாசிட்டுக்கு 9 சதவீதம் வட்டி: இந்த வங்கிகளை நோட் பண்ணுங்க!

இன்றைய காலகட்டத்தில் ஃபிக்ஸட் டெபாசிட் முதலீடுகள் பாதுகாப்பானதாக கருதப்படுகின்றன. இதனால் பெரும்பாலான முதலீட்டாளர்கள் இதில் முதலீடு செய்கின்றனர்.

இந்தப் ஃபிக்ஸட் டெபாசிட் முதலீடுகளில் பொதுத்துறை வங்கிகள், அஞ்சலகங்கள் மற்றும் சிறு நிதி வங்கிகள் முன்னணியில் உள்ளன.

இதற்கிடையில் இந்திய ரிசர்வ் வங்கி ரெப்போ விகிதங்களை அதிகரிக்கவில்லை. இதனால், வங்கிகள் ஃபிக்ஸட் டெபாசிட் விகிதங்களை உயர்த்தியுள்ளன.

இந்த நிலையில் சிறு நிதி வங்கிகளில் ஃபிக்ஸட் டெபாசிட் முதலீடுகளுக்கு 9 சதவீதம் வரை வட்டி வழங்கப்படுகின்றன. அந்த வங்கிகள் குறித்து பார்க்கலாம்.

உஜ்ஜீவன் சிறு நிதி வங்கி

உஜ்ஜீவன் சிறு நிதி வங்கி 12 மாத கால நிலையான வைப்புகளுக்கு 8.25 சதவீத வட்டியை வழங்குகிறது. 560 நாள்களைக் கொண்ட டெபாசிட்டுகளுக்கு அதிகபட்சமாக 8.25 சதவீதம் வட்டி வழங்கப்படுகிறது.

இதற்கிடையில், மூத்த குடிமக்களுக்கு இந்த வட்டி விகிதங்கள் மற்றும் அதற்கு மேல் கூடுதல் 50 அடிப்படை புள்ளிகள் வட்டியை பெறுவார்கள்.

ஜனா ஸ்மால் ஃபைனான்ஸ் வங்கி

ஜனா ஸ்மால் ஃபைனான்ஸ் வங்கி ஓராண்டு வைப்புத் தொகைக்கு 8 சதவீதம் வட்டியை வழங்குகிறது. 2-3 ஆண்டுகளுக்கு இடைப்பட்ட காலவரையறையில் உள்ள டெபாசிட்களுக்கு அதிகபட்சமாக 8.5 சதவீதம் வட்டி வழங்கப்படுகிறது.

மூத்த குடிமக்கள் 2-3 வருட கால அவகாசத்துடன் அதன் நிலையான வைப்புகளுக்கு 9 சதவீத வட்டியைப் பெறுவார்கள்.

உத்கர்ஷ் ஸ்மால் பேங்க்

உத்கர்ஷ் ஸ்மால் பேங்க் ஒரு வருட டெபாசிட்டுகளுக்கு ஆண்டுக்கு 8 சதவீத வட்டியை வழங்குகிறது. 2 முதல் 3 ஆண்டுகள் வரையிலான டெபாசிட்களுக்கு அதிகபட்சமாக 8.5 சதவீதம் வட்டி வழங்கப்படுகிறது.

அதே சமயம், மூத்த குடிமக்களுக்கு 2-3 ஆண்டு கால வைப்புத்தொகைக்கு ஆண்டுக்கு 9.10 சதவீதம் வட்டி கிடைக்கும்.

ஈக்விடாஸ் ஸ்மால் ஃபைனான்ஸ் வங்கி

ஈக்விடாஸ் ஸ்மால் ஃபைனான்ஸ் வங்கி ஓராண்டு நிலையான வைப்புத் தொகையில் (FD) 8.20 சதவீதத்தை வழங்குகிறது. சிறப்பு கால வைப்புகளுக்கு, வட்டி விகிதம் இன்னும் அதிகமாக உயரும்.

444 நாள்கள் வைப்புத் தொகைக்கு ஆண்டுக்கு 8.50 சதவீதம் வட்டி கிடைக்கும். 888 நாட்கள் டெபாசிட் செய்தால் 8.25 சதவீதம் வட்டி கிடைக்கும். சுவாரஸ்யமாக, 5 ஆண்டுகள் போன்ற நீண்ட கால FD குறைந்த வட்டி விகிதத்தை அளிக்கிறது, அதாவது ஆண்டுக்கு 7.25 சதவீதம் கிடைக்கும்.

கேபிடல் ஸ்மால் ஃபைனான்ஸ் வங்கி

கேபிடல் ஸ்மால் ஃபைனான்ஸ் வங்கி முதலீட்டாளர்களுக்கு ஓராண்டு நிலையான வைப்புத்தொகைக்கு ஆண்டுக்கு 7.15 சதவீத வட்டியை வழங்குகிறது.

சிறப்பு பிரிவின் கீழ், 400 நாட்களுக்கு டெர்ம் டெபாசிட்டுக்கு 7.6 சதவீதத்தை வழங்குகிறது. மூத்த குடிமக்கள் 400 நாள் வைப்புத்தொகைக்கு ஆண்டுக்கு 8.10 சதவீதம் வட்டி கிடைக்கும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“