scorecardresearch

இருசக்கர வாகன கடன்; குறைந்த வட்டியில் கடன் வழங்கும் வங்கிகள் இவைதான்!

Two-wheeler loan; Check out the latest rates from leading banks: இரு சக்கர வாகன கடனுக்கு குறைந்த வட்டி விகிதத்தில், கடன் வழங்கும் முக்கிய வங்கிகளின் பட்டியல் இதோ…

இருசக்கர வாகன கடன்; குறைந்த வட்டியில் கடன் வழங்கும் வங்கிகள் இவைதான்!

கொரோனா வைரஸ் தொற்றுநோய் இன்னும் முடிவடையாததாலும்,  சமூக இடைவெளி விதிமுறைகள் இன்னும் நடைமுறையில் இருப்பதாலும், தினசரி பயணங்களின் போது கொடிய வைரஸால் பாதிக்கப்படுவதைத் தவிர்ப்பதற்காக பொது போக்குவரத்துக்கு பதிலாக தனிப்பட்ட போக்குவரத்து முறைகளில் பயணம் செய்வது பாதுகாப்பானது என்று பலர் வாதிடுகின்றனர். அவ்வாறு செய்யும்போது, ​​வழக்கமாக ஒரு காருக்குப் பதிலாக இரு சக்கர வாகனம் வாங்குவது மற்றும் பராமரிப்பது மிகவும் சிக்கனமானது.

இரு சக்கர வாகனங்கள், டிராஃபிக் அதிகம் உள்ள இடங்களில், ஒரு காரை விட மிக வேகமாக செல்ல உதவுகிறது. நீங்கள் ஒரு புதிய மோட்டார் சைக்கிள் அல்லது ஒரு ஸ்கூட்டரை வாங்க திட்டமிட்டுள்ளீர்கள் ஆனால் நிதி பற்றாக்குறையாக இருந்தால், அதற்காக நீங்கள் இருசக்கர வாகன கடன் வாங்கலாம். பல்வேறு நிதி சார்ந்த நிறுவனங்கள் போட்டி போட்டுக்கொண்டு, குறைந்த வட்டி விகிதத்தில் இருசக்கர வாகன கடன்களை வழங்குகின்றன.

இருப்பினும், இரு சக்கர வாகனக் கடனுக்கு விண்ணப்பிக்கும் முன், நீங்கள் சில விஷயங்களை மனதில் கொள்ள வேண்டும். முதலில், உங்கள் தேவைகளைப் பூர்த்தி செய்யும் கடன் அளவு மற்றும் வட்டி விகிதங்களைக் கண்டறிய பல்வேறு கடன் வழங்குநர்களிடமிருந்து உங்கள் சலுகைகளை ஒப்பிட்டுப் பார்க்க விரும்பலாம். பொருந்தக்கூடிய வட்டி விகிதங்கள், செயலாக்கக் கட்டணம், முன்கூட்டியே செலுத்தும் கட்டணம் போன்றவற்றை ஒப்பிடலாம். பேங்க்பஜாரின் கூற்றுப்படி, விரைவான கடன் வழங்குவதற்காக உங்கள் தற்போதைய வங்கியிலிருந்து முன் அங்கீகரிக்கப்பட்ட கடன் சலுகைக்கு நீங்கள் தகுதியானவரா என்பதை நீங்கள் சரிபார்க்கலாம்.

தேவையான ஆவணங்களும் ஒவ்வொரு கடன் வழங்குபவருக்கும் மாறுபடும் என்றாலும், அவை பொதுவாக வயது மற்றும் அடையாளச் சான்று, வருமானச் சான்று மற்றும் முகவரிச் சான்று போன்றவை தேவைப்படும். இவற்றைப் பற்றிய முழுமையான தெளிவைப் பெறவும், செயல்முறையைத் துரிதப்படுத்த தேவையான ஆவணங்களை முன்கூட்டியே ஏற்பாடு செய்துக் கொள்ளவும்.

கடைசியாக, நீங்கள் அதிக கடன் தொகைக்கு தகுதியானவர் என்பதால் அதிக கடன் வாங்காதீர்கள், மேலும் கடனுக்காக பதிவு செய்வதற்கு முன் EMI களின் மலிவுத்திறனை மதிப்பீடு செய்யவும்.

சரியான முடிவுகளை எடுக்க உதவும் வகையில், தற்போது இரு சக்கர வாகனக் கடன்களுக்கான மிகக் குறைந்த வட்டி விகிதங்களை வழங்கி வரும் எஸ்பிஐ, எச்டிஎஃப்சி வங்கி, ஐசிஐசிஐ வங்கி, பிஎன்பி மற்றும் ஆக்சிஸ் வங்கி உட்பட 20 க்கும் மேற்பட்ட முன்னணி வங்கிகளின் பட்டியல் இங்கே. கவனிக்கவும், கீழேயுள்ள அட்டவணையில் குறிப்பிடப்பட்டுள்ள ஒவ்வொரு வங்கிகளுக்கும் மிகக் குறைந்த விளம்பர விகிதங்களை மட்டுமே நாங்கள் சேர்த்துள்ளோம், இதில் கூடுதல் தகுதித் தேவைகளைப் பூர்த்தி செய்ய வேண்டி வரலாம். இந்த பட்டியல் ஆகஸ்ட் 10 நிலவரப்படி தயாரிக்கப்பட்டதாகும். இது, மாறுதலுக்கு உட்பட்டதாகும்.

ஒவ்வொரு வங்கிக்கும் மூன்று வருடங்களுக்கு எடுக்கப்பட்ட ரூ .1 லட்சம் தொகை கொண்ட இரு சக்கர வாகனக் கடன்களுக்கான குறியீட்டு EMI களையும் வழங்கியுள்ளோம். இறுதியாக, உங்கள் வயது, வருமானம், கடன் மதிப்பெண், கடன் தொகை அல்லது நீங்கள் தேர்ந்தெடுத்த கடன் வழங்குநரின் பிற விதிமுறைகள் மற்றும் நிபந்தனைகளின் அடிப்படையில் உங்களுக்கு பொருந்தும் வட்டி விகிதம் தீர்மானிக்கப்படும் என்பதை நினைவில் கொள்ளுங்கள், மேலும் கீழே குறிப்பிடப்பட்டுள்ள விகிதங்களை விட அதிகமாக இருக்கலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Business news download Indian Express Tamil App.

Web Title: Two wheeler loan on your mind check out the latest rates from leading banks