Advertisment

யூனியன் பேங்க் ஆஃப் இந்தியா எஃப்.டி வட்டி திருத்தம்: புதிய வீதம் என்ன?

டெபாசிட் செய்யப்பட்ட பணம், கணக்கு திறக்கும் நேரத்தில் நிர்ணயிக்கப்பட்ட வட்டி விகிதத்தைப் பெறுகிறது. கணக்கு வைத்திருப்பவர்கள் தங்கள் வட்டியை மாதந்தோறும், காலாண்டு, அரையாண்டு அல்லது ஆண்டுதோறும் பெறலாம்.

author-image
WebDesk
New Update
The Latest Fixed Deposit Interest Rates

91 நாள்கள் முதல் 180 நாட்கள் வரை முதிர்ச்சியடையும் நிலையான வைப்புகளுக்கு 4.80 சதவீத வட்டி விகிதம் வழங்கப்படுகிறது. 181 நாள்கள் முதல் 1 வருடத்திற்குள் முதிர்ச்சியடையும் நிலையான வைப்புகளுக்கு 6.25 சதவீத வட்டி விகிதம் கிடைக்கும்.

Listen to this article
0.75x 1x 1.5x
00:00 / 00:00

ஃபிக்ஸட் டெபாசிட் பாதுகாப்பானது மட்டுமின்றி நல்ல வருமானத்தை வழங்கவல்தது. இதனால், மக்கள் மத்தியில் மிகவும் பிரபலமாக உள்ளது.
இந்த முதலீட்டில், ஒரு நபர் ஒரு குறிப்பிட்ட காலத்திற்கு ஒரு வங்கி அல்லது நிதி நிறுவனத்தில் மொத்த தொகையை டெபாசிட் செய்கிறார்.
டெபாசிட் செய்யப்பட்ட பணம், கணக்கு திறக்கும் நேரத்தில் நிர்ணயிக்கப்பட்ட வட்டி விகிதத்தைப் பெறுகிறது. கணக்கு வைத்திருப்பவர்கள் தங்கள் வட்டியை மாதந்தோறும், காலாண்டு, அரையாண்டு அல்லது ஆண்டுதோறும் பெறலாம்.
எனவே, நீங்களும் எஃப்டியில் முதலீடு செய்ய விரும்பினால், பொதுத்துறை வங்கியான யூனியன் பேங்க் ஆஃப் இந்தியா ஒரு சிறப்பு வாய்ப்பை வழங்குகிறது. 2 கோடிக்கும் குறைவான நிலையான வைப்புத்தொகைக்கான வட்டி விகிதங்களை வங்கி திருத்தியுள்ளது. வங்கியின்படி, புதிய வட்டி விகிதங்கள் ஜூன் 1, 2024 முதல் அமலுக்கு வந்துள்ளது.
யூனியன் பேங்க் ஆஃப் இந்தியா, 7 முதல் 45 நாட்களுக்குள் முதிர்ச்சியடையும் நிலையான வைப்புகளுக்கு பொது மக்களுக்கு 3.5 சதவீத வட்டி விகிதத்தை வழங்குகிறது. 46 நாள்கள் முதல் 90 நாட்கள் வரை முதிர்ச்சியடையும் நிலையான வைப்புகளுக்கு இப்போது 4.50 சதவீத வட்டி விகிதம் கிடைக்கிறது.
91 நாள்கள் முதல் 180 நாட்கள் வரை முதிர்ச்சியடையும் நிலையான வைப்புகளுக்கு 4.80 சதவீத வட்டி விகிதம் வழங்கப்படுகிறது. 181 நாள்கள் முதல் 1 வருடத்திற்குள் முதிர்ச்சியடையும் நிலையான வைப்புகளுக்கு 6.25 சதவீத வட்டி விகிதம் கிடைக்கும்.
ஒரு வருடம் முதல் 398 நாள்களுக்குள் முதிர்ச்சியடையும் எஃப்.டிகளுக்கு வங்கி 6.75 சதவீத வட்டி விகிதத்தை வழங்குகிறது. வங்கி 399 நாட்களுக்கு 7.25 சதவீத வட்டியை வழங்குகிறது. 400 நாள்கள் முதல் 998 நாள்களுக்கு குறைவான எஃப்.டி-களுக்கான வட்டி விகிதம் 6.50 சதவீதமாக இருக்கும். இது 999 நாள்களில் 6.40 சதவீத வட்டி விகிதத்தை வழங்குகிறது. 1000 நாள்கள் முதல் பத்து ஆண்டுகள் வரையிலான எஃப்டிகளுக்கு இப்போது 6.50 சதவீத வட்டி கிடைக்கும்.

Advertisment

மூத்த குடிமக்கள் ஃபிக்ஸட் டெபாசிட்

மூத்த குடிமக்களுக்கு பொது குடிமக்களுக்கு வழங்கப்படும் விகிதங்களை விட 0.50 சதவீதம் கூடுதல் வட்டி வழங்கப்படுகிறது. மூத்த குடிமக்களுக்கு வழங்கப்படும் அதிகபட்ச வட்டி விகிதம் 399 நாள்களுக்கு 7.75 சதவீதம் கிடைக்கும்.
சாதாரண குடிமக்களுக்கு வழங்கப்படும் வட்டி விகிதத்தை விட சூப்பர் மூத்த குடிமக்களுக்கு வங்கி 0.75 சதவீதம் அதிக வட்டி விகிதத்தை வழங்குகிறது. 399 நாள்களுக்கான ஃபிக்ஸட் டெபாசிட் அதிகபட்ச வட்டி விகிதம் 8 சதவீதம் ஆகும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Fixed Deposits
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment