இந்த 5 டிப்ஸை ஃபாலோ பண்ணுங்க; உங்க கிரெடிட் ஸ்கோரை ஈஸியா அதிகரிக்கலாம்

கிரெடிட் ஸ்கோர் என்பது நிதி நிறுவனங்களுக்கு நீங்கள் எவ்வளவு நம்பகமானவர் என்பதை காட்டும் ஒரு முக்கிய அளவுகோலாகும். உங்கள் கிரெடிட் ஸ்கோர் குறைவாக இருந்து, அதை கணிசமாக மேம்படுத்த விரும்பினால், அதற்கான பல வழிகள் உள்ளன. முதலில், உங்கள் கடன் அறிக்கையை (Credit Report) தவறாமல் சரிபார்த்து, அதில் உள்ள பிழைகளை சரிசெய்வது அவசியம். அதோடு, கிரெடிட் ஸ்கோரை மேம்படுத்த சில குறிப்பிட்ட வழிமுறைகளை பின்பற்றலாம். பில்களை சரியான நேரத்தில் செலுத்துவது, கடன் பயன்பாட்டு விகிதத்தை (Credit Utilisation Ratio) 30 சதவீதத்திற்கு குறைவாக வைத்திருப்பது போன்றவை இதில் அடங்கும்.

உங்கள் கிரெடிட் ஸ்கோரை 700 மற்றும் அதற்கு மேல் கொண்டு செல்ல உதவும் 5 வழிமுறைகள்:

1. உங்கள் பில்களை சரியான நேரத்தில் செலுத்துங்கள்: கிரெடிட் ஸ்கோரில் பண பரிமாற்ற வரலாறு (Payment History) மிக முக்கியமான பங்கை வகிக்கிறது. தவணைகள் மற்றும் கிரெடிட் கார்டு பில்களை செலுத்த ஆட்டோ-டெபிட் வசதியை அமைப்பது நல்லது. ஒரு தவணையை தவறவிட்டாலும், அது உங்கள் மதிப்பெண்ணை 50 முதல் 100 புள்ளிகள் வரை குறைக்கலாம். எனவே, குறைந்தபட்ச நிலுவைத் தொகையை பராமரிப்பதுடன், முழுத் தொகையையும் செலுத்த முயற்சி செய்யுங்கள்.

2. கடன் பயன்பாட்டு விகிதம் 30 சதவீதத்திற்கு குறைவாக இருக்கட்டும்: கடன் பயன்பாட்டு விகிதம் (CUR) என்பது உங்கள் கடன் வரம்பில் நீங்கள் தற்போது பயன்படுத்தும் சதவீதத்தைக் குறிக்கிறது. உதாரணமாக, உங்கள் கிரெடிட் கார்டு வரம்பு ரூ. 1,00,000 என்றால், உங்கள் மாதாந்திர பயன்பாட்டை ரூ. 30,000க்கு கீழ் வைத்திருக்க முயற்சி செய்யுங்கள். நீங்கள் அதிகமாக செலவளித்தால், உங்கள் வங்கியை அணுகி கடன் வரம்பை அதிகரிக்க சொல்லுங்கள் அல்லது உங்கள் பயன்பாட்டை பல கார்டுகளுக்கு பிரித்துக் கொள்ளுங்கள். குறைந்த பயன்பாடு, நீங்கள் கடனை அதிகம் சார்ந்து இல்லை என்பதை காட்டுகிறது.

3. கடன் கலவையை பராமரிக்கவும்: செக்யூர்ட் மற்றும் அன்செக்யூர்ட் கடன்களுக்கு இடையில் ஒரு நல்ல சமநிலையை பேணுவது பரிந்துரைக்கப்படுகிறது. தனிநபர் கடன்கள் அல்லது கிரெடிட் கார்டுகளை மட்டுமே நம்பி இருக்காதீர்கள். தங்க நகை கடன் அல்லது கார் கடன் போன்ற செக்யூர்ட் கடன்களை உங்கள் கடன் கலவையில் வைத்திருப்பது உங்கள் சுயவிவரத்தை மேம்படுத்தும்.

4. பழைய கடன் கணக்குகளை திறந்து வையுங்கள்: Length of Credit History முக்கியமானது - நீண்ட கால வரலாறுகள் நேர்மறையாக கருதப்படுகின்றன. நீங்கள், பழைய கார்டை அடிக்கடி பயன்படுத்தாவிட்டாலும், சில மாதங்களுக்கு ஒருமுறை ஒரு சிறிய பரிவர்த்தனையை செய்து அதை உடனடியாகத் திருப்பிச் செலுத்த வேண்டும்.

5. உங்கள் கடன் அறிக்கையை தவறாமல் சரிபார்க்கவும்: ஒவ்வொரு ஆண்டும் ஒவ்வொரு கடன் நிறுவனத்திடமிருந்தும் (CRIF High Mark போன்றவை) ஒரு இலவச கடன் அறிக்கையை பெற உங்களுக்கு உரிமை உண்டு. அதில் உள்ள தவறான தகவல்களை உடனடியாக கடன் நிறுவனம் மற்றும் கடன் வழங்குநருடன் விவாதித்து சரிசெய்யலாம்.

இந்த வழிமுறைகளை பின்பற்றுவதன் மூலம், உங்கள் கிரெடிட் ஸ்கோரை கணிசமாக மேம்படுத்தி, சிறந்த நிதி எதிர்காலத்தை நோக்கிச் செல்ல முடியும்.