எஸ்.பி.ஐ, ஹெச்.டி.எஃப்.சி-ஐ விட சிறந்த ரிட்டன்; மூத்தக் குடிமக்கள் இதை மிஸ் பண்ணிராதீங்க

Best Tax Saver Fixed Deposit Interest Rates : மூத்த குடிமக்கள் மற்றும் பிறருக்கான சிறந்த வரிச் சேமிப்பு ஃபிக்ஸட் டெபாசிட்கள் கீழே உள்ளன.

அந்த வகையில், 5 வருட வரி சேமிப்பு நிலையான வைப்புத் திட்டத்தில் ரூ. 1.5 லட்சம் வரை முதலீடு செய்தால், வருமான வரிச் சட்டத்தின் 80C பிரிவின் கீழ் விலக்கு பெறலாம்.

இதற்கிடையில், சமீபத்திய மாதங்களில், பல வங்கிகள் வெவ்வேறு தவணைகளின் நிலையான வைப்புகளுக்கான வட்டி விகிதங்களை உயர்த்தியுள்ளன.

அந்த வகையில், மூத்த குடிமக்கள் மற்றும் பிறருக்கு, SCSS, NSC, PPF, EPF அல்லது ELSS போன்ற வேறு எந்த வரி-சேமிப்பு முதலீடுகளையும் செய்யாதவர்களுக்கு, வரி சேமிப்பு FD உதவியாக இருக்கும்.

இன்றைய நிலவரப்படி, பெரும்பாலான வங்கிகள் மூத்த குடிமக்களுக்கு 5 ஆண்டுகளுக்கான வரி-சேமிப்பு நிலையான வைப்புகளுக்கு சுமார் 7-8% வட்டியையும், பொது குடிமக்களுக்கு 6.5-7.6% வட்டியையும் வழங்குகின்றன.

சூர்யோதாய் ஸ்மால் ஃபைனான்ஸ் வங்கி மூத்த குடிமக்களுக்கு ஐந்தாண்டு வரி சேமிப்பு FDக்கு 9.6% வட்டியை வழங்குகிறது, இது HDFC வங்கி மற்றும் ஸ்டேட் பேங்க் ஆஃப் இந்தியா போன்ற முன்னணி வங்கிகள் வழங்குவதை விட 2% அதிகமாகும்.

மூத்த குடிமக்களுக்கு 5 வருட வரி-சேமிப்பு நிலையான வைப்புகளுக்கு 8% வட்டியை வழங்கும் வங்கிகளில் DCB வங்கி, சூர்யோதாய் சிறு நிதி வங்கி, யூனிட்டி ஸ்மால் ஃபைனான்ஸ் வங்கி, உத்கர்ஷ் ஸ்மால் ஃபைனான்ஸ் வங்கி மற்றும் ஃபின்கேர் ஸ்மால் ஃபைனான்ஸ் வங்கி ஆகியவை வருகின்றன.

பாரத ஸ்டேட் வங்கி: 5 வருட வரி-சேமிப்பு நிலையான வைப்புத்தொகையில் பொதுக் குடிமக்களுக்கு 6.5% வட்டியும் மூத்த குடிமக்களுக்கு 7% வட்டியும் வழங்குகிறது.

கோடக் மஹிந்திரா வங்கி: 5 வருட வரி-சேமிப்பு நிலையான வைப்புத்தொகையில் பொதுக் குடிமக்களுக்கு 6.2% வட்டியும் மூத்த குடிமக்களுக்கு 6.7% வட்டியும் வழங்குகிறது.

HDFC வங்கி: 5 வருட வரி-சேமிப்பு நிலையான வைப்புத்தொகையில் பொதுக் குடிமக்களுக்கு 7% வட்டியும் மூத்த குடிமக்களுக்கு 7.5% வட்டியும் வழங்குகிறது.

பஞ்சாப் நேஷனல் வங்கி: 5 வருட வரி-சேமிப்பு நிலையான வைப்புத்தொகையில் பொதுக் குடிமக்களுக்கு 6.5% வட்டியும் மூத்த குடிமக்களுக்கு 7% வட்டியும் வழங்குகிறது.

ஐடிஎஃப்சி வங்கி: 5 வருட வரி-சேமிப்பு நிலையான வைப்புத்தொகையில் பொதுக் குடிமக்களுக்கு 7% வட்டியும் மூத்த குடிமக்களுக்கு 7.5% வட்டியும் வழங்குகிறது.

ஐசிஐசிஐ வங்கி: 5 வருட வரி-சேமிப்பு நிலையான வைப்புத்தொகையில் பொதுக் குடிமக்களுக்கு 7% வட்டியும் மூத்த குடிமக்களுக்கு 7.5% வட்டியும் வழங்குகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“