இந்தியன் இன்ஸ்டிடியூட் ஆப் மேனேஜ்மென்ட் (IIM) பெங்களூர் இந்தியாவில் மேனேஜ்மெண்ட் படிப்புகளுக்கான சிறந்த கல்வி நிறுவனமாக தரவரிசைப்படுத்தப்பட்டுள்ளது. அதாவது, குவாக்கரெல்லி சைமண்ட்ஸ் (QS) உலகப் பல்கலைக்கழக தரவரிசை (WUR) 2024 இல் ஐ.ஐ.எம் பெங்களூர் உலகளாவிய MBA மற்றும் வணிக முதுகலை படிப்புகளுக்கான சிறந்த நிறுவனங்களில் 48வது இடத்தைப் பெற்றுள்ளது. ஸ்டான்போர்ட் ஜி.எஸ்.பி.,யின் எம்.பி.ஏ முதலிடத்திலும், தி வார்டன் பள்ளி மற்றும் ஹார்வர்ட் பிசினஸ் ஸ்கூல் இரண்டாவது மற்றும் மூன்றாவது இடத்திலும் உள்ளன. ஆசியாவின் முதல் 250 கல்வி நிறுவனங்களில் 10 இந்திய எம்.பி.ஏ கல்லூரிகள் இடம்பெற்றுள்ளன.
ஆங்கிலத்தில் படிக்க: 10 Indian institutes in top 250, IIM Bangalore best in country: QS World University Rankings 2024 (MBA)
எம்.பி.ஏ படிப்புகளுக்கான QS உலக பல்கலைக்கழக தரவரிசை இன்று வெளியிடப்பட்டது. QS குளோபல் முழுநேர MBA தரவரிசை 2024 இல், ஐ.ஐ.எம் பெங்களூர் 2023 இல் 50 வது தரவரிசையில் இருந்து 2024 இல் 48 வது இடத்திற்கு முன்னேறியுள்ளது. ஐ.ஐ.எம் அகமதாபாத் மற்றும் ஐ.ஐ.எம் கல்கத்தா முறையே 53வது மற்றும் 59வது தரவரிசையில் உள்ளன.
இரண்டு இந்திய எம்.பி.ஏ கல்வி நிறுவனங்கள், வேலைவாய்ப்புக்கான உலகின் 50 சிறந்த கல்வி நிறுவனங்களில் ஒன்றாக உள்ளன. ஐ.ஐ.எம் பெங்களூர் உலகளவில் 39வது இடத்திலும், ஆசியாவில் நான்காவது இடத்திலும் உள்ளது, ஐ.ஐ.எம் கல்கத்தா 46வது இடத்தில் உள்ளது, ஆசியாவில் ஏழாவது இடத்தில் உள்ளது.
ஐ.ஐ.எம் அகமதாபாத் மற்றும் இந்தியன் ஸ்கூல் ஆஃப் பிசினஸ் ஆகியவை QS இன் தொழில்முனைவு மற்றும் முன்னாள் மாணவர்களின் விளைவுகளின் குறிகாட்டியில் முதல் 50 இடங்களுக்குள் இடம் பெற்றுள்ளன. ஐ.ஐ.எம் அகமதாபாத் 33வது இடத்தில் உள்ளது, ஆசியாவில் இரண்டாவது இடத்தில் உள்ளது, இந்தியன் ஸ்கூல் ஆஃப் பிசினஸ் 43வது இடத்தைப் பிடித்துள்ளது, ஆசியாவில் ஐந்தாவது இடத்தைப் பிடித்துள்ளது.
முதல் 50 இந்திய எம்.பி.ஏ நிறுவனங்களில் ஐ.ஐ.எம் பெங்களூர் மட்டுமே முதலீட்டில் வருமானம் ஈட்டுகிறது, அதில் 31வது இடத்தில் உள்ளது. ஐ.ஐ.எம் சிந்தனைத் தலைமை பிரிவில் தேசிய அளவில் முதலிடத்தில் உள்ளது, ஆனால் முதல் 50 இடங்களுக்குள் இடம் பெறவில்லை, ஒட்டுமொத்தமாக 57வது இடத்தில் உள்ளது.
நிர்வாகத்தில் 17 முதுநிலை, நிதித்துறையில் ஐந்து முதுநிலை, வணிகப் பகுப்பாய்வில் மூன்று முதுநிலை, சந்தைப்படுத்தலில் இரண்டு முதுநிலை மற்றும் விநியோகச் சங்கிலி நிர்வாகத்தில் ஒரு முதுநிலை உட்பட 28 சிறப்பு வணிக முதுகலைப் பட்டங்களை QS தரவரிசைப்படுத்துகிறது.
ஐ.ஐ.எம் பெங்களூர் நிர்வாகத்தில் இந்தியாவின் சிறந்த மாஸ்டர் நிறுவனமாக உள்ளது. இது உலகளவில் 31 வது இடத்தில் உள்ளது. சிறப்பு வாய்ந்த முன்னாள் மாணவர்களின் விளைவுகள் பிரிவில் 10 வது இடத்தில் உள்ளது, என QS உலக பல்கலைக்கழக தரவரிசை அறிக்கை கூறியது.
ஐ.ஐ.எம் கல்கத்தா வணிகப் பகுப்பாய்வுகளில் முதல் 100 இடங்களில் இந்தியாவின் சிறந்த மாஸ்டர் தரவரிசையில் உள்ளது. இந்தத் திட்டத்திற்கான 61-70 குழுவில் வருகிறது, ஐ.ஐ.எம் உதய்பூர் அதன் சப்ளை செயின் மேனேஜ்மென்ட் திட்டத்தில் 51+ வது இடத்தில் உள்ளது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/HgxTQaJ4J9qGRbYTjYwS.jpg)