சிடெட் தேர்வு முடிவுகள் வெளியாகின, 22.55 சதவீதம் பேர் தேர்ச்சி

மத்திய ஆசிரியர் தகுதித் தேர்வின் (CTET) முடிவுகளை மத்திய இடைநிலைக் கல்வி வாரியம் அறிவித்தது. கடந்த டிசம்பர் 8ம் தேதி நடைபெற்ற தேர்வில், கலந்து கொண்ட தேர்வர்கள், சிபிஎஸ்சி அதிகாரப்பூர்வமான - ctet.nic.in என்ற வலைத்தளைத்தில் மூலம் தேர்வு முடிவுகளை பார்க்கலாம்.

தேர்வு நடைபெற்று வெறும் 19 நாட்களுக்கும் இந்த முடிவு வெளியாகி உள்ளது என்பதும் குறிப்பிடத்தக்கது.

மதிப்பெண்ணைக் காண, தேர்வர்கள் பதிவு எண் (ரோல் நம்பரை) உள்ளிட வேண்டும் . சிடெட் முடிவுகள் திரையில் தோன்றும். பிற்கால தேவைகளுக்காக உங்கள் தேர்வு முடிவுகளை  பதிவிறக்கம் செய்து பிரிண்ட் அவுட் எடுத்துக் கொள்ளுங்கள் .

இந்நிலையில், கான்பூரில்  பரீட்சைக்கு ஒன்றரை மணி நேரத்திற்கு முன்னதாக தேர்வு வினாத் தாள் கசிந்ததாகவும், அந்த வினா தாள் வாட்ஸ்அப்பின் மூலம் பரப்பப்பட்டதாக  சில வடமொழி நாளிதழ்கள் தெரிவித்த செய்தியையும்  மத்திய இடைநிலைக் கல்வி வாரியம் (சிபிஎஸ்இ) மறுத்துள்ளது .

தேர்வு முடிவுகள் விவரம்:  மத்திய ஆசிரியர் தகுதித் தேர்வின்  மொத்தம் 5.42 லட்சம் பேர் தகுதி பெற்றனர். அவர்களில் 2,47,386 நபர்கள்  பேப்பர் ஒன்றிலும் , 2,94,899 நபர்கள் பேப்பர் இரண்டிலும்  வெற்றி பெற்றிருக்கின்றனர்.

மொத்தம் 22.55 சதவீத வேட்பாளர்கள் சிபிஎஸ்இ சிடெட்  தேர்வை வெற்றிகரமாக முடித்துள்ளனர். வெற்றிகரமான வேட்பாளர்களில், 3,12,558 பெண்கள் மற்றும் 2,29,718 ஆண்கள் வேட்பாளர்கள்.