இன்றைய செய்திகள் Live : கோயம்பேடு மார்க்கெட்டில் வெங்காயம் விலை அதிரடி சரிவு

Tamil nadu news today updates : தமிழகத்தின் இன்றைய முக்கியச் செய்திகள், அரசியல் நிலவரங்கள், பொதுப் பிரச்னைகள், பொழுதுபோக்கு விஷயங்கள் என அனைத்தையும் இங்கே தெரிந்துக் கொள்ளுங்கள்.

Tamil Nadu News Today Live Updates

Tamil nadu news today updates : தமிழ்நாடு அரசு பணியாளர் தேர்வாணையமான, டி.என்.பி.எஸ்.சி., நடத்திய ‘குரூப் – 4’ தேர்வு முறைகேடு தொடர்பாக, இடைத்தரகராக இருந்து தேர்வெழுதியவர் உட்பட, மூன்று பேர் கைது செய்யப்பட்டுள்ளனர். இந்நிலையில், 2017 ம் ஆண்டு நடந்த குரூப் 2ஏ தேர்விலும் முறைகேடு நடந்துள்ளது தெரிய வந்துள்ளது. முறைகேடு தெரியவந்தாலும் அனைவரும் தற்போது அரசு பணிகளில் உள்ளனர். எனவே அவர்கள் மீது உடனடியாக நடவடிக்கை எடுக்க முடியவில்லை. அவர்கள் மீது நடவடிக்கை எடுக்க டி.என்.பி.எஸ்.சி., அரசுக்கு பரிந்துரை செய்துள்ளது.

டிஎன்பிஎஸ்சி முறைகேடு – முக்கிய குற்றவாளிக்கு சிபிசிஐடி வலைவீச்சு

தி இந்தியன் எக்ஸ்பிரஸ் வீடியோ

‘மருத்துவ படிப்புகளில் சேருவதற்கு, ‘நீட்’ நுழைவுத் தேர்வு கட்டாயமே. இது தொடர்பாக ஏற்கனவே பிறப்பிக்கப்பட்ட உத்தரவிலிருந்து பின்வாங்கும் பேச்சே இல்லை’ என, உச்ச நீதிமன்றம் உத்தரவிட்டுள்ளது. நீட் தேர்வை எதிர்த்து, தமிழக அரசு சார்பிலும் உச்ச நீதின்றத்தில் மனு தாக்கல் செய்யப்பட்டுள்ளது. இந்த மனு, நிலுவையில் உள்ளது குறிப்பிடத்தக்கது.

Live Blog

Tamil nadu news today updates : இன்று சென்னை மற்றும் தமிழகத்தின் பல்வேறு பகுதிகளில் நடைபெறும் அனைத்து முக்கிய செய்திகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.

10:19 (IST)28 Jan 2020
வெங்காயம் விலை அதிரடி சரிவு

சென்னை கோயம்பேடு மார்க்கெட்டில், சின்ன வெங்காயத்தின் விலை அதிரடியாக சரிவடைந்துள்ளது.  நேற்று வரை பெரிய வெங்காயத்தின் விலை கிலோ ரூ.100க்கும், சின்ன வெங்காயம் கிலோ ரூ.200க்கும் விற்கப்பட்டு வந்த நிலையில், இன்று சின்ன வெங்காயம் கிலோ ரூ.40 முதல் ரூ.60 என்ற அளவிலும், பெரிய வெங்காயம் கிலோ ரூ.30 முதல் ரூ.40 என்ற அளவிலும் விற்பனையாகிறது.

மகாராஷ்டிரா மற்றும் ஆந்திரா மாநிலங்களிலிருந்து அதிகளவில் வெங்காயம் வந்துள்ளதால், விலை குறைந்துள்ளதாக வியாபாரிகள் தெரிவித்துள்ளனர்.

09:57 (IST)28 Jan 2020
உத்தரபிரதேசத்தில் அமைகிறது ஆர்எஸ்எஸ் அமைப்பின் முதல் ஆர்மி பள்ளி

உ.பி.,யில் ஆர்.எஸ்.எஸ்., நடத்தும் முதல் ராணுவ பள்ளியின் வகுப்புகள் ஏப்ரல் முதல் துவங்கப்படும் என அறிவிக்கப்பட்டுள்ளது. இப்பள்ளியில், என்.டி.ஏ, கடற்படை அகாடமி மற்றும் இந்திய ராணுவத்தின் தொழில்நுட்ப தேர்வுக்கு மாணவர்கள் தயார் செய்யப்படுவார்கள். பிப்ரவரி 23ம் தேதி  வரை மாணவர் சேர்க்கைக்கு விண்ணப்பங்கள் வரவேற்கப்படும். மார்ச் 1ம் தேதி நுழைவுத் தேர்வு நடைபெறும். பின் நேர்காணல் நடத்தப்பட்டு, ஏப்ரல் 6 ம் தேதி முதல் வகுப்புகள் நடைபெறும். 

09:48 (IST)28 Jan 2020
திமுகவில் தொண்டர்களுக்கு உழைப்புக்கேற்ற உயர்வு

திமுகவில் கட்சி தொண்டர்களுக்கு உழைப்புக்கேற்ற உயர்வு வழங்கப்பட்டு வருவதாக கட்சி இளைஞரணி செயலாளர் உதயநிதி ஸ்டாலின் தெரிவித்துள்ளார். 

அதிமுகவில் அனைவரும் முதல் அமைச்சர்களே என்று முதல்வர் பழனிசாமி தெரிவித்திருந்த நிலையில், திமுக பொருளாளர் துரைமுருகன் உடனடியாக, முதல்வர் பதவியை, துணை முதல்வர் பன்னீர்செல்வத்துக்கு வழங்க முதல்வர் பழனிசாமி தயாரா என்று கேள்வி எழுப்பினார். 

இதற்கு பதிலளிக்கும் வகையில் பேசிய அமைச்சர் ஜெயக்குமார், திமுகவில் வாரிசு அரசியலே உள்ளது என்று தெரிவித்திருந்தது குறிப்பிடத்தக்கது.

09:42 (IST)28 Jan 2020
பெட்ரோல், டீசல் விலை குறைவு

சென்னையில் பெட்ரோல் நேற்றைய விலையில் இருந்து 12 காசுகள் குறைந்து ஒரு லிட்டர் ரூ.76.44 ஆகவும், டீசல், நேற்றைய விலையில் இருந்து 14 காசுகள் குறைந்து ஒரு லிட்டர் ரூ.70.33 ஆகவும் உள்ளது. இந்த விலை இன்று காலை முதல் அமலுக்கு வந்தது.

09:33 (IST)28 Jan 2020
வங்கி ஸ்டிரைக் திட்டமிட்டபடி நடைபெறும்

சம்பள உயர்வு உள்ளிட்ட கோரிக்கைகளை வலியுறுத்தி வங்கி ஊழியர்கள் ஜனவரி 31 மற்றும் பிப்ரவரி 1ம் தேதிகளில் மேற்கொள்ள உள்ள வேலைநிறுத்தப்போராட்டம் திட்டமிட்டபடி நடைபெறும் என்று வங்கி ஊழியர் கூட்டமைப்பு தெரிவித்துள்ளது.  இதுதொடர்பாக, மத்திய தொழிலாளர் நல ஆணையர் ராஜன் தலைமையில் நடைபெற்ற பேச்சுவார்த்தையில் உடன்பாடு எதுவும் ஏற்படவில்லை என்று தெரிவிக்கப்பட்டுள்ளது.

Tamil nadu news today updates : குடியுரிமை திருத்தச் சட்டத்தை எதிர்த்து, தமிழக சட்டசபையில் தீர்மானம் நிறைவேற்றினால், அ.தி.மு.க., அரசை பாராட்ட தயார்,'' என, தி.மு.க., தலைவர் ஸ்டாலின் கூறியுள்ளார்.

வேகமாக பரவி வரும் கொரோனா வைரஸ் தாக்குதல் காரணமாக சீனாவில் பலி எண்ணிக்கை 106ஆக அதிகரித்துள்ளது. இந்த வைரசால் புதிதாக 1,300 பேர் பாதிக்கப்பட்டுள்ளதாக சீன அரசு தெரிவித்துள்ளது.

Web Title:

Tamil nadu news today live updates bank strike corona virus

The moderation of comments is automated and not cleared manually by tamil.indianexpress.com.
Just Now
X
×Close
×Close