CUET UG: தமிழ்நாடு மத்திய பல்கலைக்கழகம்; சேர்க்கை நடைமுறை, சிறந்த படிப்பு, உதவித்தொகை விவரங்கள் இங்கே

CUET UG 2024: தமிழ்நாடு மத்தியப் பல்கலைக்கழகம் (CUTN) பொதுப் பல்கலைக்கழக நுழைவுத் தேர்வு (CUET) மூலம் இளங்கலைப் படிப்புகளுக்கு மாணவர் சேர்க்கையை நடத்துகிறது. இதுதொடர்பான தகவல்களுக்கு மாணவர்கள் பல்கலைக்கழகத்தின் அதிகாரப்பூர்வ வலைத்தளமான https://cutn.ac.in/ ஐப் பார்வையிடலாம் மற்றும் தகுதி அளவுகோல்கள், பல்கலைக்கழகம் வழங்கும் உதவித்தொகை மற்றும் பலவற்றைப் பார்க்கலாம்.

தமிழ்நாடு மத்தியப் பல்கலைக்கழகம் நாடு முழுவதும் மற்றும் வெளிநாடுகளில் இருந்து மாணவர்கள் சேர்க்கையைப் பெறுகிறது. IMA Economics, MSc Biotechnology, MSc Chemistry, IMSc Mathematics, IMSc Physics மற்றும் Integrated MPA Music உள்ளிட்ட அனைத்து UG படிப்புகளிலும் மாணவர்களை சேர்க்க CUET UG மதிப்பெண்களைப் பல்கலைக்கழகம் பயன்படுத்துகிறது.

CUTN அதன் கீழ் 28 துறைகளுடன் 13 பள்ளிகளைக் கொண்டுள்ளது. பல்கலைக்கழகம் 64 பாடப்பிரிவுகளை வழங்குகிறது, அவற்றில் 29 ஆராய்ச்சி படிப்புகள், 22 சிறப்பு படிப்புகள், ஆறு ஒருங்கிணைந்த படிப்புகள் மற்றும் இரண்டு இளங்கலை படிப்புகள் அடங்கும். பல்கலைக்கழகம் பல முதுகலை டிப்ளமோ படிப்புகளையும் வழங்குகிறது.

CUET UG மற்றும் CUTN

2022 இல் பொதுப் பல்கலைக்கழக நுழைவுத் தேர்வு (CUET) அறிமுகப்படுத்தப்பட்ட பின்னர், தமிழ்நாடு மத்தியப் பல்கலைக்கழகம், இந்த ஆண்டு CUET நுழைவுத் தேர்வின் இரண்டாம் பதிப்பில் அதன் ஒருங்கிணைந்த முதுகலை படிப்புகளுக்கு கிட்டத்தட்ட 78,405 மாணவர்களிடமிருந்து விண்ணப்பங்களைப் பெற்றது.

CUTN இல் பிரபலமான படிப்புகள்

ஐந்தாண்டு ஒருங்கிணைந்த படிப்பானது CUTN இல் பிரபலமான மற்றும் பல விண்ணப்பதாரர்களைப் பெறும் பல படிப்புகளில் ஒன்றாகும். பல்கலைக்கழகம் பகிர்ந்துள்ள தரவுகளின்படி, ஐந்தாண்டு ஒருங்கிணைந்த படிப்புகளுக்கு இந்த ஆண்டு 90 சதவீத சேர்க்கை இடங்கள் நிரப்பப்பட்டுள்ளன. நான்கு வருட ஒருங்கிணைந்த பி.எஸ்.சி, பி.எட் படிப்புக்கான சேர்க்கை செப்டம்பர் 11-ம் தேதி தொடங்குகிறது.

தமிழ்நாடு மத்திய பல்கலைக்கழக உதவித்தொகை

தமிழ்நாடு மத்திய பல்கலைக்கழகம் பல்வேறு பாடப்பிரிவுகளைச் சேர்ந்த அனைத்து வகை மாணவர்களுக்கும் பல உதவித்தொகைகளைக் கொண்டுள்ளது. CUTN இல் உள்ள உதவித்தொகைகளின் பட்டியலில் OBC பிரிவைச் சேர்ந்த மாணவர்களுக்கான OBC உதவித்தொகை மற்றும் SC மற்றும் ST வகைகளில் உள்ள மாணவர்களுக்கான SC மற்றும் ST உதவித்தொகை ஆகியவை அடங்கும். இந்த இரண்டு உதவித்தொகைகளும் தமிழக அரசால் வழங்கப்படுகிறது.

பல்வேறு படிப்புகளுக்கான சில போஸ்ட் மெட்ரிக் உதவித்தொகைகளும் மாணவர்களுக்கு கிடைக்கின்றன. CUTN இல் பதிவுசெய்யப்பட்ட மாணவர்கள் சிறுபான்மை உதவித்தொகை, பட்டியலிடப்பட்ட சாதி, பழங்குடியினர் உதவித்தொகை, பிற பிற்படுத்தப்பட்ட சாதி உதவித்தொகை, தகுதியான கல்வி உதவித்தொகை, ஒற்றை பெண் குழந்தை உதவித்தொகை, மாற்றுத்திறனாளி (உடல் ஊனமுற்றோர்) உதவித்தொகை, பிற மாநில மாணவர்களுக்கான மாநில உதவித்தொகை, INSPIRE UG மற்றும் PG உதவித்தொகை மற்றும் பிற நிதி நிறுவன உதவித்தொகை உள்ளிட்ட தேசிய உதவித்தொகை போர்ட்டலில் வழங்கப்படும் உதவித்தொகைகளைப் பெறலாம்.

CUTN விடுதி வசதிகள்

பல்கலைக்கழகத்தில் ஆண் மற்றும் பெண் இருபாலருக்கும் விடுதி வசதிகள் நன்கு பராமரிக்கப்படுகின்றன. தற்போது, ​​பல்கலைக்கழக இணையதளத்தில் வெளியிடப்பட்டுள்ள அறிக்கையில், இந்த வளாகத்தில் ஒன்பது விடுதிகள் உள்ளன. விடுதிகள் ஆரம்பத்தில் வைகை பிளாக் (UG மற்றும் PG ஆண்கள் விடுதி), மகாநதி பிளாக் (UG மற்றும் PG ஆண்கள் விடுதி), கிருஷ்ணா பிளாக் (UG ஆண்கள் விடுதி), காவிரி பிளாக் (UG மற்றும் PG பெண்கள் விடுதி), கோதாவரி பிளாக் (UG மற்றும் PG பெண்கள் விடுதி) தாமிரபரணி பிளாக் (UG பெண்கள் விடுதி), கங்கா பிளாக் (பெண்கள் ஆராய்ச்சி அறிஞர்கள் விடுதி), யமுனா பிளாக் (ஆண்கள் ஆராய்ச்சி அறிஞர்கள் விடுதி) மற்றும் சர்வதேச மாணவர்கள் பிரிவு விடுதி என உருவாக்கப்பட்டன.

மேலும், விருந்தினர் மாளிகை இரண்டாவது தளம் குடியுரிமை அல்லாத இந்திய / சர்வதேச மாணவர்கள் விடுதிகளாக மாற்றப்பட்டுள்ளது. பல்கலைக்கழகம் பல்வேறு படிப்புகளில் அனுமதிக்கப்பட்ட அனைத்து மாணவர்களுக்கும் பெயரளவிலான கட்டணத்தில் தங்கும் விடுதிகளை வழங்கி வருகிறது.

CUTN வரலாறு

தமிழ்நாடு மத்தியப் பல்கலைக்கழகம் என்பது 2009 ஆம் ஆண்டு நாடாளுமன்றச் சட்டத்தின் மூலம் நிறுவப்பட்ட ஒரு மத்திய பல்கலைக்கழகம் ஆகும். இந்தியக் குடியரசுத் தலைவர் பல்கலைக்கழகத்தின் பார்வையாளராக இருக்கிறார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“