2014-16 தனித்தேர்வர்கள் கவனத்திற்கு.. உரிமை கோரப்படாத +2 மார்க் சீட்களை அழிக்க தேர்வுத்துறை முடிவு!

பள்ளிப்படிப்பை முறையாக முடிக்காதவர்களும், கல்வியை இடையில் நிறுத்தியவர்களும், முதல்முறையாகப் பொதுத்தேர்வை எழுத விரும்புபவர்களும் தனித்தேர்வர்களாகக் கருதப்படுகிறார்கள். இவர்களுக்காகவே, அரசுத் தேர்வுகள் இயக்ககம் (DGE) 8, 10, 11, மற்றும் 12-ஆம் வகுப்புப் பொதுத் தேர்வுகளை எழுதச் சிறப்பு ஏற்பாடுகளைச் செய்கிறது.

​அழிப்புக்கான அறிவிப்பு

​தற்போது, அரசுத் தேர்வுகள் இயக்ககம் ஒரு முக்கிய முடிவை எடுத்துள்ளது. அதன்படி, தனித்தேர்வர்கள் எழுதிய பிளஸ்-2 (Plus Two / 12-ஆம் வகுப்பு) மதிப்பெண் பட்டியல்களை அழிக்க முடிவு செய்யப்பட்டுள்ளது.

​இதுகுறித்து, அரசுத் தேர்வுகள் இயக்ககத்தின் இயக்குநர் சசிகலா அவர்கள் வெளியிட்டுள்ள செய்திக் குறிப்பில், 2014-ஆம் ஆண்டு மார்ச் மாதம் முதல் 2016-ஆம் ஆண்டு செப்டம்பர் மாதம் வரை நடைபெற்ற பிளஸ்-2 பொதுத் தேர்வு மற்றும் துணைத் தேர்வுகளில் தனித்தேர்வர்கள் எழுதிய, உரிமைக் கோரப்படாத (Unclaimed) மதிப்பெண் சான்றிதழ்கள் அழிக்கப்பட உள்ளன என்று தெரிவிக்கப்பட்டுள்ளது.