நீட், ஜே.இ.இ தேர்வு அட்டவணை; கனடாவில் உள்ள மாணவர்களுக்கு இந்தியாவின் அட்வைஸ்; கல்விச் செய்திகள் சில

2024 ஆம் ஆண்டிற்கான தேசிய தேர்வு முகமையின் (NTA) JEE முதன்மை, NEET மற்றும் CUET தேர்வு தேதிகள் முதல் NMC 10 ஆண்டுகளுக்கு WFME அங்கீகாரம் அந்தஸ்தைப் பெற்றது வரை இந்த வாரம் கல்வித்துறையில் நடந்தவற்றின் தொகுப்பு இங்கே

ஆங்கிலத்தில் படிக்க: Education News This Week: NTA calendar, NEET PG 2023 reduced cut-off, Indian government’s advisory to students in Canada and more

தேசிய தேர்வு முகமை அட்டவணை

NTA தனது 2024 ஆம் ஆண்டிற்கான காலெண்டரை வெளியிட்டது, அதன் படி, கூட்டு நுழைவுத் தேர்வு (JEE) முதன்மை தேர்வு இரண்டு அமர்வுகளாக நடத்தப்படும், அமர்வு 1 ஜனவரி 24 முதல் பிப்ரவரி 1, 2024 வரை மற்றும் அமர்வு 2 ஏப்ரல் 1 முதல் 15, 2024 வரை நடத்தப்படும். இது கணினி அடிப்படையிலான தேர்வாக (CBT) இருக்கும்.

தேசிய தகுதி மற்றும் நுழைவுத் தேர்வு (NEET) UG 2024 மே 5, 2024 அன்று நடத்தப்படும். இது பேனா மற்றும் காகித முறையில் நடைபெறும். இதற்கிடையில், பொது பல்கலைக்கழக நுழைவுத்தேர்வு (CUET) UG மே 15 முதல் 31, 2024 வரை நடத்தப்படும் மற்றும் CUET பி.ஜி மார்ச் 11 மற்றும் 28, 2024 க்கு இடையில் நடைபெறும். UGC NET அமர்வு 1 ஜூன் 10 முதல் 21, 2024.வரை நடத்த திட்டமிடப்பட்டுள்ளது.

NEET PG 2023 கட்-ஆஃப் பூஜ்ஜியமாகக் குறைப்பு

செப்டம்பர் 20 அன்று, தேசிய மருத்துவ ஆணையம் NEET PG 2023 க்கான தகுதி சதவீதம் அனைத்து வகைகளிலும் பூஜ்ஜியமாகக் குறைக்கப்பட்டுள்ளது என்று ஒரு அறிவிப்பை வெளியிட்டது. NEET PG 2023 தேர்வில் பங்கேற்ற அனைத்து விண்ணப்பதாரர்களும் இப்போது முதுகலை மருத்துவ கலந்தாய்வு செயல்முறையில் பங்கேற்க தகுதி பெற்றுள்ளனர்.

"நீட் பி.ஜி 2023க்கான தகுதி சதவீதத்தை அனைத்து வகைகளிலும் 'ஜீரோ' ஆகக் குறைப்பதற்காக தகுதியான அதிகாரத்தின் ஒப்புதல் இதன் மூலம் தெரிவிக்கப்படுகிறது," என்று அறிக்கை கூறுகிறது.

இதை சாத்தியமாக்கும் வகையில், மருத்துவ ஆலோசனைக் குழு (எம்.சி.சி) புதிய பதிவுக்கான தேதிகளை வெளியிடவும், இப்போது கவுன்சிலிங்கிற்கு தகுதி பெற்றவர்களுக்கு 3-வது சுற்றுக்கான தேர்வை நிரப்பவும் முடிவு செய்துள்ளது. புதிய அட்டவணை விரைவில் இணையதளத்தில் வெளியிடப்படும்.

WFME அங்கீகார நிலையைப் பெறும் NMC

மருத்துவக் கல்விக்கான உலகக் கூட்டமைப்பு (WFME) அங்கீகார நிலையை 10 ஆண்டுகளுக்கு NMC பெற்றுள்ளது. இது மருத்துவக் கல்வி மற்றும் அங்கீகாரத்தில் மிக உயர்ந்த தரமாகும். WFME அங்கீகார நிலை இந்திய மருத்துவ பட்டதாரிகளுக்கு அமெரிக்கா, கனடா, ஆஸ்திரேலியா மற்றும் நியூசிலாந்து உள்ளிட்ட நாடுகளில் முதுகலை பயிற்சி அல்லது முதுகலை தொடர உதவும்.

கர்நாடக கல்வி சீர்திருத்தங்கள்

கல்வி முறையில் மாற்றங்களைச் செய்து, 2023-24 ஆம் கல்வியாண்டில் 5, 8, 9 மற்றும் 11 ஆம் வகுப்பு மாணவர்களுக்கு (முதல் PUC) ஆண்டுத் தேர்வுகளை நடத்த கர்நாடக அரசு உத்தரவு பிறப்பித்துள்ளது. 10 மற்றும் 12 ஆம் வகுப்பு மாணவர்கள் பொதுத் தேர்வு எழுத வேண்டும். 5, 8, 9 மற்றும் முதல் PUC மாணவர்களுக்கான ஆண்டுத் தேர்வுகள் மாநில வாரிய பாடத்திட்டத்துடன் கூடிய பள்ளிகள் மற்றும் கல்லூரிகளுக்கு மட்டுமே பொருந்தும்.

2023-24 கல்வியாண்டு முதல் நடைமுறைக்கு வரும் 10 (SSLC) மற்றும் 12 (இரண்டாம் PUC) வகுப்புகளுக்கு மொத்தம் மூன்று ஆண்டுத் தேர்வுகளை நடத்த கர்நாடக மாநிலத் தேர்வு மற்றும் மதிப்பீட்டு வாரியத்தை (KSEAB) மாநில அரசு அனுமதித்தது. இதன் மூலம் எஸ்.எஸ்.எல்.சி மற்றும் இரண்டாம் பி.யூ.சி.,க்கான துணைத் தேர்வு என்ற கருத்தை கர்நாடகா பள்ளிக் கல்வித்துறை நீக்குகிறது. இந்த சீர்திருத்தத்தின் நோக்கம் மாணவர்களின் மனச்சோர்வை மற்றும் அவர்களின் ஒட்டுமொத்த செயல்திறனை மேம்படுத்துவதாகும்.

இந்தியா-கனடா இராஜதந்திர சிக்கல்: இந்தியா அறிவுரை

இந்தியா-கனடா இராஜதந்திர மோதல்களுக்கு மத்தியில், கனடாவில் உள்ள இந்திய குடிமக்கள் மற்றும் மாணவர்கள் மிகுந்த எச்சரிக்கையுடன் இருக்கவும், கனடாவிற்கு பயணம் செய்வதைத் தவிர்க்கவும், விழிப்புடன் இருக்கவும் இந்திய அரசாங்கம் அறிவுறுத்தியுள்ளது. ஒட்டாவாவில் உள்ள இந்திய தூதரகம் அல்லது டொராண்டோ மற்றும் வான்கூவரில் உள்ள இந்திய துணைத் தூதரகத்தில் அந்தந்த இணையதளங்கள் அல்லது MADAD போர்ட்டல்- madad.gov.in மூலம் பதிவு செய்யுமாறு MEA கேட்டுக் கொண்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“