ஆவடி ஹெச்.வி.எஃப்-ல் மத்திய அரசு வேலை: இளநிலை மேலாளர் பணிக்கு விண்ணப்பிப்பது எப்படி? முழு விவரம் உள்ளே!

ஆவடியில் உள்ள கனரக வாகனத் தொழிற்சாலை (Heavy Vehicles Factory - HVF), இளநிலை மேலாளர் (ஒப்பந்த அடிப்படை) [Junior Manager - Integrated Material Management] பணியிடங்கள் நிரப்புவதற்கான ஆட்சேர்ப்பு அறிவிப்பை வெளியிட்டுள்ளது. மொத்தம் 20 பணியிடங்கள் நிரப்பப்பட உள்ளன. ஆர்வமுள்ள மற்றும் தகுதியுள்ள விண்ணப்பதாரர்கள் அக்டோபர் 11-க்குள் விண்ணப்பங்களை அனுப்ப வேண்டும்.

பணியிட விவரங்கள் மற்றும் தகுதிகள்

இளநிலை மேலாளர் (ஒப்பந்தம்) - 20 பணியிடங்கள்

கல்வித் தகுதி: விண்ணப்பதாரர்கள் ஏதேனும் ஒரு பிரிவில் முதல் வகுப்பு பொறியியல் / தொழில்நுட்ப டிகிரி பெற்றிருக்க வேண்டும் அல்லது முதல் வகுப்பு பட்டம் [பி.இ./பி.டெக். தவிர] மற்றும் ஏதேனும் ஒரு பிரிவில் 2 வருட முழு நேர எம்.பி.ஏ. டிகிரி பெற்றிருக்க வேண்டும்.

வயது வரம்பு (11.10.2025 நிலவரப்படி) அதிகபட்ச வயது: 30 ஆண்டுகள்.

வயது வரம்பில் தளர்வுகள்:

SC/ST விண்ணப்பதாரர்களுக்கு: +5 ஆண்டுகள்

OBC விண்ணப்பதாரர்களுக்கு: +3 ஆண்டுகள்

PWD (பொது/EWS) விண்ணப்பதாரர்களுக்கு: +10 ஆண்டுகள்

PWD (SC/ST) விண்ணப்பதாரர்களுக்கு: +15 ஆண்டுகள்

PWD (OBC) விண்ணப்பதாரர்களுக்கு: +13 ஆண்டுகள்

முன்னாள் ராணுவத்தினர்: அரசின் கொள்கையின்படி.

ஊதியம் மற்றும் படிகள் (Pay Scale):

இளநிலை மேலாளர் பதவிக்கு: மாதம் ₹30,000 + IDA (தொழில்நுட்ப உதவித்தொகை) வழங்கப்படும். (சம்பளம், மருத்துவக் காப்பீடு, PF, TA/DA போன்ற கூடுதல் சலுகைகள் குறித்த முழு விவரங்களுக்கு அதிகாரப்பூர்வ அறிவிப்பைப் பார்க்கவும்.)

தேர்வு முறை மற்றும் கட்டணம்

தேர்வு முறை: விண்ணப்பதாரர்கள் பின்வரும் முறைகளின் மூலம் தேர்ந்தெடுக்கப்படுவார்கள். தேர்வு சோதனை (Screening Test), நேர்முகத் தேர்வு (Personal Interview), விண்ணப்பக் கட்டணம் - ST/SC/முன்னாள் இராணுவத்தினர்/PWD விண்ணப்பதாரர்களுக்கு: கட்டணம் இல்லை (Nil). இதர விண்ணப்பதாரர்களுக்கு ₹300/-.

விண்ணப்பிக்கும் முறை

ஆர்வமுள்ள விண்ணப்பதாரர்கள் அதிகாரப்பூர்வ இணையதளங்களான (www.ddpdoo.gov.in அல்லது www.avnl.co.in)-இல் இருந்து அறிவிப்புடன் இணைக்கப்பட்ட விண்ணப்பப் படிவத்தை (Annexure A) PDF வடிவில் பதிவிறக்கம் செய்ய வேண்டும். விண்ணப்பதாரர்கள், விண்ணப்பிக்கும் முன் HVF ஆவடி இளநிலை மேலாளர் 2025 அறிவிப்பை கவனமாகப் படித்து, தங்கள் தகுதியை உறுதிப்படுத்திக் கொள்ள வேண்டும்.

பூர்த்தி செய்யப்பட்ட விண்ணப்பத்துடன், வயதுச் சான்று, கல்வித் தகுதி, பணி அனுபவம், கடைசியாகப் பெற்ற ஊதியம்/தரத்திற்கான ஆதாரங்கள் போன்றவற்றின் சுய-சான்றளிக்கப்பட்ட (Self-attested) நகல்களை இணைக்க வேண்டும். விண்ணப்பத்தை ஒரு உறையில் வைத்து, அதன் மேல் "விண்ணப்பிக்கும் பதவியின் பெயர்" மற்றும் "Post Bag No. 01" ஆகியவற்றைத் தெளிவாகக் குறிப்பிட வேண்டும்.

கட்டணத்துடன் (கட்டணம் செலுத்த வேண்டியவர்கள் மட்டும்) பூர்த்தி செய்யப்பட்ட விண்ணப்பத்தை, சாதாரண அஞ்சல் (ORDINARY POST) மூலம் மட்டுமே, கீழ்க்கண்ட முகவரிக்கு 11.10.2025-க்குள் அனுப்ப வேண்டும்:

முகவரி:

தலைமைப் பொது மேலாளர் (Chief General Manager),
கனரக வாகனத் தொழிற்சாலை (Heavy Vehicles Factory),
ஆவடி, சென்னை – 600 054.

குறிப்பு: விண்ணப்பதாரர்கள் HVF ஆட்சேர்ப்பு 2025 முடிவு அறிவிக்கப்படும் வரை செயல்பாட்டில் உள்ள மின்னஞ்சல் முகவரி மற்றும் மொபைல் எண்ணைக் கொண்டிருக்க வேண்டும்.