இந்தியா ஸ்காலர்ஷிப் விருது; ரூ.10 லட்சம் பரிசு; இன்ஜினியரிங் மாணவர்கள் விண்ணப்பிக்க அழைப்பு

இன்ஸ்டிடியூஷன் ஆஃப் இன்ஜினியரிங் அண்ட் டெக்னாலஜி (IET) AICTE\ UGC அங்கீகரிக்கப்பட்ட நிறுவனங்களைச் சேர்ந்த இளங்கலை பொறியியல் மாணவர்களுக்கான ஐ.இ.டி (IET) இந்தியா ஸ்காலர்ஷிப் விருதுக்கான விண்ணப்பங்களைத் திறந்துள்ளது.
விண்ணப்பம் மே 31 அன்று முடிவடையும், வெற்றியாளருக்கு ரூ.10 லட்சம் பரிசுத் தொகையுடன் உதவித்தொகை வழங்கப்படும்.

ஆங்கிலத்தில் படிக்க: IET announces India Scholarship Award for engineering students

தகுதி

- மாணவர் AICTE\UGC-அங்கீகரிக்கப்பட்ட நிறுவனங்கள் அல்லது தேசிய நிறுவனத்தில் சேர்ந்திருக்க வேண்டும், இளங்கலை மட்டத்தில் பொறியியல் படிக்க வேண்டும்.

- மாணவர்கள் அனைத்து வழக்கமான கிரெடிட் படிப்புகளையும் ஒரே முயற்சியில் முடித்திருக்க வேண்டும்.

- மாணவர்கள் 60 சதவீத மொத்த மதிப்பெண்கள் அல்லது இளங்கலை மதிப்பெண்களில் 10 புள்ளி அளவில் 6.0 CGPA பெற்றிருக்க வேண்டும்.

- அனைத்து IET மற்றும் IET அல்லாத உறுப்பினர்களுக்கும் விண்ணப்பம் திறக்கப்பட்டுள்ளது.

- வயது வரம்பு இல்லை.

உதவித்தொகை விருதுகள் செயல்முறை

நிலை 1- மாணவர்கள் அவர்களின் கல்வி செயல்திறன் மற்றும் கல்வி சாராத செயல்பாடுகளின் அடிப்படையில் பட்டியலிடப்படுவர்.

நிலை 2- பட்டியலிடப்பட்ட மாணவர்கள் STEM பாடம் மற்றும் தொழில்நுட்ப நிபுணத்துவம் ஆகியவற்றில் ஆன்லைன் தேர்வுக்கு அழைக்கப்படுவார்கள்

நிலை 3- கட்-ஆஃப் மதிப்பெண்ணைப் பெறுபவர்கள் பிராந்திய சுற்றுகளுக்கு தேர்வு செய்யப்படுவார்கள், அங்கு அவர்கள் தங்கள் பிராந்தியத்தில் உள்ள அழுத்தமான சமூக சவாலுக்கு அவர்களின் தொழில்நுட்ப தீர்வுகளை வழங்குவார்கள். இதில் ஐந்து பகுதிகள் இருக்கும்: வடக்கு, தெற்கு 1, தெற்கு 2, கிழக்கு மற்றும் வடகிழக்கு மற்றும் மேற்கு.

நிலை 4- பிராந்திய வெற்றியாளர்கள் தேசிய பட்டத்தை வெல்வதற்கு ஒருவருக்கொருவர் போட்டியிடுவார்கள்.

இது தேசிய அளவிலான உதவித்தொகைக்கான எட்டாவது பதிப்பாகும், இது 2013 இல் தொடங்கப்பட்டது. கடந்த ஆண்டு, இது 43,000 விண்ணப்பங்களைப் பெற்றது. முந்தைய ஆண்டு வெற்றியாளர்கள் கூகுள், ஆப்பிள், போயிங், டெலாய்ட் மற்றும் எம்.ஐ.டி போன்ற தொழில்துறை நிறுவனங்களில் சேர்ந்தனர், மேலும் சிலர் தாங்களாகவே தொழில்முனைவோராகவும் ஆகிவிட்டனர்.

ஐ.இ.டி (IET) இந்தியாவின் இயக்குநரும், தலைவருமான சேகர் சன்யால், “தொழில்நுட்பம் நமது உலகில் தொடர்ந்து புரட்சியை ஏற்படுத்தி வருவதால், அடுத்த தலைமுறை பொறியியல் தலைவர்களை வளர்ப்பதும், அங்கீகரிப்பதும் மிகவும் முக்கியமானதாகிறது. ஐ.இ.டி இந்தியா ஸ்காலர்ஷிப் விருது என்பது பொறியியல் திறமைகளைக் கொண்டாடுவதற்கும் ஆதரவளிப்பதற்கும் எங்களின் வழியாகும்.

மேலும் தகவலுக்கு உதவித்தொகை 2024பதிப்பிற்கான விண்ணப்பங்கள் திறக்கப்பட்டுள்ளன, மாணவர்கள் அதிகாரப்பூர்வ வலைத்தளத்தைப் பார்வையிடுமாறு கேட்டுக் கொள்ளப்படுகிறார்கள் -https://scholarships.theietevents.com/register?utm_source=PressRelease&utm_medium=PR&utm_campaign=announcementSA2024! 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“