JoSAA Counselling 2024: ஐ.ஐ.டி- ஜே.இ.இ கவுன்சலிங் அட்டவணை வெளியீடு; முழு விபரம் இங்கே

JoSAA Counselling 2024: கூட்டு இருக்கை ஒதுக்கீடு ஆணையம் (JoSAA) கவுன்சிலிங் தேதிகள் அறிவிக்கப்பட்டுள்ளன. NIT+ அமைப்புகளுக்கு மட்டும் ஒரு கூடுதல் சுற்றுடன் ஐந்து சுற்றுகள் இருக்கும். JoSAA இருக்கை ஏற்றுக்கொள்ளும் கட்டணத்தின் முன்பணம் ஜூன் 9 ஆம் தேதி தொடங்கும் அதே வேளையில், ஜூன் 10 ஆம் தேதி தற்காலிக இருக்கை ஒதுக்கீடு வெளியிடப்படும்.

ஆங்கிலத்தில் படிக்க:

இந்திய தொழில்நுட்பக் கழகம் (IIT) சென்னை, ஜூன் 9 அன்று கூட்டு நுழைவுத் தேர்வு (JEE) அட்வான்ஸ்டு 2024க்கான முடிவுகளை வெளியிடும். தேர்ந்தெடுக்கப்பட்ட விண்ணப்பதாரர்கள், இந்திய தொழில்நுட்ப நிறுவனங்கள் (ஐ.ஐ.டி.,கள்), தேசிய தொழில்நுட்ப நிறுவனங்கள் (என்.ஐ.டி.,கள்), இந்திய தகவல் மற்றும் தொழில்நுட்ப நிறுவனங்கள் (ஐ.ஐ.ஐ.டி.,கள்) மற்றும் பிற அரசு நிதியுதவி பெறும் தொழில்நுட்ப நிறுவனங்களில் (ஜி.எஃப்.டி.ஐ.,க்கள்) சேர்க்கைப் பெற, JoSAA 2024 கவுன்சிலிங் செயல்முறையை மேற்கொள்ள வேண்டும். 

JoSAA கவுன்சிலிங் 2024: தகுதி

தகுதியான விண்ணப்பதாரர்கள் நிறுவனம் மற்றும் படிப்புக்கான தேர்வுகளை பதிவு செய்து நிரப்ப வேண்டும், அவர்களின் தரவரிசைப்படி அவர்களுக்கு சீட் ஒதுக்கப்படும். முன்னதாக, JoSAA கவுன்சிலிங் NIT ரூர்கேலாவால் கூட்டாக நடத்தப்பட்டது, இருப்பினும் இந்த ஆண்டு இது குறித்து எந்த தகவலும் இல்லை. இருப்பினும் josaa.nic.in என்ற அதிகாரப்பூர்வ இணையதளத்தில் மாணவர்கள் பதிவு செய்யலாம்.

JoSAA கவுன்சிலிங் 2024: விண்ணப்பிப்பது எப்படி?

படி 1: அதிகாரப்பூர்வ வலைத்தளத்தைப் பார்வையிடவும் - josaa.nic.in

படி 2: இணையதளத்தில் கொடுக்கப்பட்டுள்ள பதிவு இணைப்பை கிளிக் செய்யவும்

படி 3: JEE முதன்மை தேர்வு விண்ணப்ப எண் மற்றும் பிறந்த தேதி போன்ற உங்கள் சான்றுகளை உள்ளிடவும்

படி 4: விரும்பிய கல்லூரி மற்றும் பாடப்பிரிவு முன்னுரிமை செயல்முறையை முடிக்கவும்

படி 5: நிரப்பப்பட்ட முன்னுரிமை தேர்வுகளை மதிப்பாய்வு செய்து சமர்பிக்கவும்.

கவுன்சிலிங் செயல்முறையானது, விண்ணப்பதாரர்கள் தங்கள் விருப்பங்களைத் தேர்வுசெய்து, தரவு, சரிபார்ப்பு மற்றும் ஒதுக்கப்பட்ட இடங்களை சரிபார்ப்பதற்கு முன், இரண்டு மாதிரி இருக்கை ஒதுக்கீட்டை கவுன்சிலிங் அமைப்பு வெளியிடும்.

விண்ணப்பதாரர்கள் இருக்கை ஒதுக்கீடு செயல்முறையிலிருந்து வெளியேறவோ அல்லது விலகவோ விருப்பம் உள்ளது. கடந்த ஆண்டு, கூட்டு இருக்கை ஒதுக்கீடு ஆணையத்தால், ஆறு சுற்று கவுன்சிலிங் நடத்தப்பட்டது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“