மதுரை எய்ம்ஸ் உறுப்பினர் குழுவில் ஐ.ஐ.டி இயக்குனர்; மத்திய அரசு நியமனம்

மதுரை எய்ம்ஸ் மருத்துவமனையின் உறுப்பினர் குழுவில் சென்னை ஐ.ஐ.டி. இயக்குனர் காமகோடி நியமனம் செய்யப்பட்டுள்ளார்.

மதுரை எய்ம்ஸ் நிர்வாக குழுவில் உறுப்பினராகவும், மத்திய கல்வி அமைச்சகத்தின் பிரதிநிதியாகவும், சென்னை ஐ.ஐ.டி. இயக்குனர் காமகோடி நியமனம் செய்யப்பட்டுள்ளார்.

இதுதொடர்பாக மத்திய அரசு வெளியிட்டுள்ள செய்திக்குறிப்பில் கூறப்பட்டுள்ளதாவது: அகில இந்திய மருத்துவ அறிவியல் நிறுவனச் சட்டம் 1956, பிரிவு 6 விதிகளின்படி இந்த நியமனம் செய்யப்பட்டது. மத்திய கல்விக்குழு பிரதிநிதியாகவும், மதுரை எய்ம்ஸ் மருத்துவமனை நிர்வாகக் குழுவில் உறுப்பினராகவும், சென்னை ஐ.ஐ.டி., இயக்குனர் வி.காமகோடி நியமிக்கப்படுகிறார். இவ்வாறு அந்தச் செய்திக்குறிப்பில் தெரிவிக்கப்பட்டுள்ளது.

மதுரை மாவட்டம் திருமங்கலம் அருகே தோப்பூரில் மத்திய அரசின் எய்ம்ஸ் மருத்துவமனை ரூ.1,977.8 கோடி மதிப்பீட்டில் 222 ஏக்கரில் கட்டப்பட்டு வருவது குறிப்பிடத்தக்கது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“