உதவித் தொகையுடன் ஐ.ஐ.டி மெட்ராஸ் பெல்லோஷிப்; யார் எல்லாம் விண்ணப்பிக்கலாம்?

இந்தியன் இன்ஸ்டிடியூட் ஆப் டெக்னாலஜி, மெட்ராஸ் (IIT Madras) கோடைகால பெல்லோஷிப் திட்டத்திற்கான விண்ணப்பங்களை வரவேற்பதாக அறிவித்துள்ளது. ஆர்வமுள்ள விண்ணப்பதாரர்கள் பெல்லோஷிப் திட்டத்திற்கு அதிகாரப்பூர்வ ஐ.ஐ.டி மெட்ராஸ் இணையதளத்தில் விண்ணப்பிக்கலாம் - https://sfp.iitm.ac.in/

ஆங்கிலத்தில் படிக்க: IIT-Madras invites applications for summer fellowship programme

ஐ.ஐ.டி மெட்ராஸ் சம்மர் பெல்லோஷிப் திட்டத்திற்கு விண்ணப்பிக்க மார்ச் 31 மாலை 5 மணி வரை விண்ணப்பதாரர்களுக்கு அவகாசம் உண்டு.

ஐ.ஐ.டி மெட்ராஸின் இந்த கோடைகால பெல்லோஷிப் என்பது இரண்டு மாத கால திட்டமாகும், இது மே 22 அன்று தொடங்கி ஜூலை 21, 2024 இல் முடிவடையும். இருப்பினும், மாணவர்களின் வசதிக்கு ஏற்ப அட்டவணை விருப்பமானதாக இருக்கலாம் என்று நிறுவனத்தின் அதிகாரப்பூர்வ அறிக்கை தெளிவுபடுத்தியுள்ளது.

தகுதி மற்றும் உதவித்தொகை

தேர்ந்தெடுக்கப்பட்ட அனைத்து விண்ணப்பதாரர்களுக்கும் அதிகபட்சமாக இரண்டு மாதங்களுக்கு உதவித்தொகையாக மாதம் ரூ.6000 வழங்கப்படும்.

ஐ.ஐ.டி மாணவர்கள் இந்த கோடைக்கால பெல்லோஷிப் திட்டத்திற்கு விண்ணப்பிக்க தகுதியற்றவர்கள்.

BE/ BTech/ BSc (பொறியியல்) மூன்றாம் ஆண்டு அல்லது ஒருங்கிணைந்த ME/ MTech திட்டத்தின் மூன்றாம் அல்லது நான்காம் ஆண்டு, ME/ MTech/ MSc/ MA, MBA முதலாம் ஆண்டு பயிலும், பல்கலைக்கழகத் தேர்வுகளில் உயர் தரவரிசைகளின் அடிப்படையில் சிறந்த கல்விப் பின்புலம் கொண்ட விண்ணப்பதாரர்கள் கருத்தரங்குகளில் சமர்ப்பிக்கப்பட்ட தாள்கள், செயல்படுத்தப்பட்ட திட்டங்கள், பங்கேற்ற வடிவமைப்புப் போட்டிகள், கணித ஒலிம்பியாடில் மதிப்பெண்/ ரேங்க் மற்றும் பெறப்பட்ட வேறு ஏதேனும் விருதுகள்/வேறுபாடுகள் உட்பட அவர்களின் கல்வி செயல்திறன் மற்றும் சாதனைகளை முன்னிலைப்படுத்தி விண்ணப்பிக்க ஊக்குவிக்கப்படுகிறார்கள்.

இந்த கோடைகால பெல்லோஷிப் திட்டத்தில் பங்கேற்கும் பொறியியல் துறைகள்: ஏரோஸ்பேஸ் இன்ஜினியரிங், அப்ளைடு மெக்கானிக்ஸ் மற்றும் பயோமெடிக்கல் இன்ஜினியரிங், பயோ டெக்னாலஜி, கெமிக்கல் இன்ஜினியரிங், சிவில் இன்ஜினியரிங், கம்ப்யூட்டர் சயின்ஸ் & இன்ஜினியரிங், இன்ஜினியரிங் டிசைன், எலக்ட்ரிக்கல் இன்ஜினியரிங், மெக்கானிக்கல் இன்ஜினியரிங், மருத்துவ அறிவியல் மற்றும் தொழில்நுட்பம், உலோகவியல் & பொருட்கள் பொறியியல் மற்றும் கடல் பொறியியல்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“