இன்ஜினியரிங் இனி ஈஸியா படிக்கலாம்! பிராந்திய மொழிகளில் 200 தொழில்நுட்ப படிப்புகளை மொழிபெயர்த்த ஐ.ஐ.டி மெட்ராஸ்

இந்திய தொழில்நுட்ப நிறுவனத்தின் (ஐ.ஐ.டி மெட்ராஸ் – IIT Madras) NPTEL 207 தொழில்நுட்ப படிப்புகளை பிராந்திய மொழிகளில் மொழிபெயர்த்துள்ளது. ஐ.ஐ.டி மெட்ராஸ் NPTEL ஆனது ’பொருட்களின் இணையம் ஓர் அறிமுகம்' (Introduction to Internet of Things) போன்ற 'அதிகமாக விரும்பப்படும் படிப்புகளை' மொழிபெயர்த்துள்ளது. மொழிபெயர்ப்புகளின் துல்லியம் மற்றும் தரத்தை உறுதிப்படுத்த, NPTEL 1,029 ஹிந்தி மொழிபெயர்ப்பாளர்கள் மற்றும் 139 தரக் கட்டுப்பாட்டாளர்கள் (QCs) கொண்ட குழுவைக் கொண்டுள்ளது.

ஆங்கிலத்தில் படிக்க: IIT Madras NPTEL: Over 200 technical courses translated into Indian regional languages

நிறுவனம் வெளியிட்டுள்ள அறிக்கையில், NPTEL தனது இணையதளத்தில் இந்தியில் 199 மின்புத்தகங்களை வெளியிட்டுள்ளது, இது மொழியில் கல்வி வளங்களுக்கான அணுகலை விரிவுபடுத்துகிறது. கூடுதலாக, இந்தி பேசும் கற்பவர்களின் கற்றல் அனுபவத்தை வளப்படுத்த 1,200 மணிநேர வீடியோ உள்ளடக்கம் கொண்ட ஆடியோ பதிவுகள் இந்தியில் கிடைக்கின்றன.

NPTEL, ஐ.ஐ.டி மெட்ராஸ் அறிக்கை, முக்கிய துறைகளுக்கு முன்னுரிமை அளித்துள்ளது, குறிப்பாக கணினி அறிவியல் (35 படிப்புகள்), சமூக அறிவியல் (32 படிப்புகள்), மற்றும் மின் பொறியியல் (29 படிப்புகள்).

"பைத்தானைப் (Python) பயன்படுத்தி கம்ப்யூட்டிங் செய்யும் மகிழ்ச்சி' போன்ற மொழிபெயர்ப்புகளுக்கு பெரும் நேர்மறையான பதில்களைப் பெற்று, பாடப் பங்கேற்பாளர்களிடமிருந்து NPTEL தீவிரமாக கருத்துக்களைக் கோருகிறது," மேலும், 'இயந்திர கற்றல் அறிமுகம்' (Introduction to Machine Learning) போன்ற படிப்புகள், மெஷின் லேர்னிங் கருவிகளைப் பயன்படுத்தி ஹிந்தியில் மொழிபெயர்க்கப்பட்டு, மேம்பட்ட அணுகலுக்கான குரல்வழிகளுடன், மொழிபெயர்ப்பு முயற்சிகளை விரிவுபடுத்துவதற்கான முயற்சிகள் நடந்து வருவதாக அறிக்கை கூறியது.

NPTEL இதுவரை அஸ்ஸாமி, பெங்காலி, குஜராத்தி, இந்தி, கன்னடம், மலையாளம், மராத்தி, ஒடியா, பஞ்சாபி, தமிழ் மற்றும் தெலுங்கு உள்ளிட்ட 11 மொழிகளில் அதன் படிப்புகளை மொழிபெயர்த்துள்ளது. பிராந்திய மொழிகளில் பள்ளிப் படிப்பை முடித்துவிட்டு, தொழில்நுட்பக் கல்விக்காக ஆங்கிலத்திற்கு மாறிய மாணவர்களுக்கு உதவுவதே இதன் நோக்கம்.

NPTEL (National Program on Technology Enhanced Learning), IITs மற்றும் IISc ஆகியவற்றின் கூட்டு முயற்சியாகும், இது இந்திய அரசின் கல்வி அமைச்சகத்தால் (MoE) நிதியளிக்கப்பட்டு 2003 இல் தொடங்கப்பட்டது. தொடக்கத்தில் அனைவருக்கும் தரமான கல்வியை எடுத்துச் செல்லும் திட்டமாகத் தொடங்கப்பட்டது. நாட்டின் மூலை முடுக்கிலும், NPTEL இப்போது இந்தியா முழுவதும் உள்ள மாணவர்கள் மற்றும் பணிபுரியும் நிபுணர்களுக்கு ஒவ்வொரு செமஸ்டருக்கும் சான்றிதழுக்காக நூற்றுக்கணக்கான படிப்புகளை வழங்குகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“