வாத்வானி ஸ்கூல் ஆஃப் டேட்டா சயின்ஸ் மற்றும் ஏ.ஐ (AI) அமைப்பதற்காக சுனில் வாத்வானியிடம் இருந்து இந்தியன் இன்ஸ்டிடியூட் ஆப் டெக்னாலஜி மெட்ராஸ் (IIT Madras) இன்று ரூ.110 கோடி உதவித்தொகையைப் பெற்றுள்ளது.
ஆங்கிலத்தில் படிக்க: IIT Madras receives Rs 110 crore endowment to establish School of Data Science and AI
சுனில் வாத்வானி ஐ.ஐ.டி மெட்ராஸின் முன்னாள் மாணவர் மற்றும் ஐகேட் மற்றும் மாஸ்டெக் டிஜிட்டல் ஆகியவற்றின் இணை நிறுவனர் ஆவார்.
உலகளவில் சிறந்த AI-மையப்படுத்தப்பட்ட பள்ளிகளில் ஒன்றாக இருக்க வேண்டும் என்ற நோக்கத்துடன் செயல்பட்டு வரும், வாத்வானி ஸ்கூல் ஆஃப் டேட்டா சயின்ஸ் மற்றும் ஏ.ஐ நிறுவனம் தரவு அறிவியல் மற்றும் ஏ.ஐ தொடர்பான கொள்கைப் பகுதிகள் குறித்து அரசாங்கம் மற்றும் கொள்கை வகுப்பாளர்களுக்கு ஆலோசனை வழங்குவதை நோக்கமாகக் கொண்டுள்ளன. சுனில் வாத்வானி மற்றும் ஐ.ஐ.டி மெட்ராஸின் இயக்குனர் பேராசிரியர் வி காமகோட்டி இடையே இன்று ஆசிரியர்கள், மாணவர்கள், முன்னாள் மாணவர்கள் மற்றும் ஆராய்ச்சியாளர்கள் முன்னிலையில் புரிந்துணர்வு ஒப்பந்தம் கையெழுத்தானது.
வாத்வானி ஸ்கூல் ஆஃப் டேட்டா சயின்ஸ் மற்றும் AI பின்வரும் படிப்புகளை வழங்கும்:
– AI மற்றும் தரவு பகுப்பாய்வுகளில் B.Tech படிப்பு
- தரவு அறிவியல் மற்றும் AI இல் M.Tech படிப்பு
- தரவு அறிவியல் மற்றும் AI இல் MS & PhD படிப்புகள்
- இங்கிலாந்தின் பர்மிங்காம் பல்கலைக்கழகத்துடன் இணைந்து தரவு அறிவியல் மற்றும் AI இல் M.Sc படிப்பு
- தரவு அறிவியலில் சர்வதேச பல்துறை முதுநிலை திட்டம்
- தரவு அறிவியலில் பல்துறை இரட்டைப் பட்டம்
- தொழில்துறை AI இல் இணையம்-இயக்கப்பட்ட M.Tech படிப்பு
படிப்புகளுக்கான சேர்க்கை ஜூலை 2024 இல் தொடங்கும். இப்பள்ளியானது இங்கிலாந்து, பர்மிங்காம் பல்கலைக்கழகத்துடன் டேட்டா சயின்ஸ் மற்றும் AI ஆகியவற்றில் ஒரு கூட்டு M.Sc படிப்பை வழங்கும், இதில் 30 மாணவர்கள் சேர்க்கப்படுவார்கள் மற்றும் ஒரு சர்வதேச பல்துறை முதுநிலை படிப்பும் வழங்கப்படும் என்று ஐ.ஐ.டி மெட்ராஸ் அறிக்கை தெரிவித்துள்ளது.
அத்தகைய பள்ளியின் அவசியத்தை எடுத்துரைத்து, ஐ.ஐ.டி மெட்ராஸின் இயக்குனர் பேராசிரியர் வி காமகோடி, “இண்டஸ்ட்ரி 4.0 இன் வருகையுடன், இதில் AI மற்றும் டேட்டா சயின்ஸ் முக்கிய நகர்வுகள், தரவு அறிவியல் மற்றும் AI ஆகியவற்றிற்கான பள்ளியின் தேவை மிகவும் முக்கியமானது. ஐ.ஐ.டி மெட்ராஸ் இந்த உயர்தரப் பள்ளியைத் தொடங்கியுள்ளது, இதில் பல துறைகளைச் சேர்ந்த ஆசிரியர்கள் இணைந்து பொறுப்பான AI உள்ளிட்ட முக்கியப் பகுதிகளில் பணியாற்றுகின்றனர். தங்கள் அறக்கட்டளை மூலம் சுமார் 110 கோடி ரூபாய் மதிப்புடைய உதவித் தொகையுடன் இந்த பள்ளியை அளித்ததற்காக சுனில் வாத்வானி மற்றும் அவரது குடும்பத்தினருக்கு எனது ஆழ்ந்த நன்றியைத் தெரிவித்துக் கொள்கிறேன்,” என்று குறிப்பிட்டுள்ளார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/gLr7bkM1MZGvTY8y0wMq.jpg)