NIRF Ranking 2024: தொடர்ந்து 8 ஆண்டுகளாக ஐ.ஐ.டி சென்னை முதலிடம்; டாப் 10 இன்ஜினியரிங் கல்லூரிகளின் லிஸ்ட் இங்கே!

NIRF Ranking 2024 Engineering College: அதன் வெற்றிப் பயணத்தைத் தொடர்ந்து, சிறந்த பொறியியல் கல்லூரிகள் பிரிவில் சென்னையில் உள்ள இந்திய தொழில்நுட்பக் கழகம் (IIT Madras) மீண்டும் முதலிடத்தைப் பிடித்துள்ளது. முந்தைய ஆண்டுகளைப் போலவே, இம்முறையும், பொறியியல் பிரிவில் தேசிய நிறுவன தரவரிசை கட்டமைப்பு (என்.ஐ.ஆர்.எஃப்) தரவரிசை 2024 இன் டாப் 10 பட்டியலில் ஐ.ஐ.டி.,கள் ஆதிக்கம் செலுத்தியுள்ளன, ஏனெனில் 10ல் ஒன்பது ஐ.ஐ.டி.,கள் மற்றும் ஒரே ஒரு என்.ஐ.டி மட்டுமே உள்ளது.

ஆங்கிலத்தில் படிக்க: IIT-Madras retains ‘top engineering college’ position, IITs continue to dominate NIRF Ranking

என்.ஐ.ஆர்.எஃப் (NIRF) தரவரிசையின் ஒன்பதாவது பதிப்பு இன்று புதுதில்லியில் கல்வி அமைச்சகத்தால் வெளியிடப்பட்டது. ஐ.ஐ.டி சென்னை, ஐ.ஐ.டி டெல்லி, ஐ.ஐ.டி பாம்பே மற்றும் ஐ.ஐ.டி கான்பூர் ஆகியவை முறையே முதல் 4 இடங்களைத் தக்கவைத்துக்கொள்வதன் மூலம் முதல் 5 பொறியியல் கல்லூரிகளுக்கான வரிசை கிட்டத்தட்ட ஒரே மாதிரியாக உள்ளது.

இந்த ஆண்டு, ஐ.ஐ.டி காரக்பூர் ஆறாவது இடத்திலிருந்து ஐந்தாவது இடத்திற்கு முன்னேறியுள்ளது, ஐ.ஐ.டி ரூர்க்கி ஐந்தாவது இடத்திலிருந்து ஆறாவது இடத்திற்குச் சென்றது. ஐ.ஐ.டி கவுகாத்தி, ஐ.ஐ.டி ஹைதராபாத், மற்றும் தேசிய தொழில்நுட்பக் கழகம் திருச்சிராப்பள்ளி (என்.ஐ.டி திருச்சி) ஆகியவை தொடர்ந்து ஏழாவது, எட்டாவது மற்றும் ஒன்பதாவது இடத்தைத் தக்கவைத்துள்ளன, அதைத் தொடர்ந்து ஐ.ஐ.டி பி.எச்.யூ வாரணாசி 10வது இடத்தைப் பிடித்தது, இந்த இடம் கடந்த ஆண்டு ஜாதவ்பூர் பல்கலைக்கழகத்திற்கு வழங்கப்பட்டது.

அதற்கு ஒரு வருடம் முன்பு, 2022 இல், முதல் ஐந்து இடங்கள் 2021 தரவரிசையில் அப்படியே இருந்தன. ஐ.ஐ.டி சென்னை முதலிடத்தில் உள்ள நிலையில், ஐ.ஐ.டி டெல்லி மற்றும் ஐ.ஐ.டி பாம்பே முறையே இரண்டாவது மற்றும் மூன்றாவது இடத்தைப் பிடித்தன. ஐ.ஐ.டி கான்பூர் மற்றும் ஐ.ஐ.டி காரக்பூரும் தங்கள் முந்தைய ஆண்டுகளின் தரவரிசையில் நான்காவது மற்றும் ஐந்தாவது இடத்தையும், ஐ.ஐ.டி ரூர்க்கி ஆறாவது இடத்தையும், ஐ.ஐ.டி கவுகாத்தி ஏழாவது இடத்தையும் தக்கவைத்துக் கொண்டன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“