வெளிநாட்டு கல்வி; கனடாவில் இந்திய மாணவர்கள் அதிகம் விரும்பும் படிப்புகள் இவைதான்!

ஒவ்வொரு ஆண்டும் இந்தியாவில் இருந்து ஏராளமான மாணவர்கள் வெளிநாடுகளுக்கு சென்று படிக்கின்றனர். இந்தியாவுக்கு வெளியில் இருந்து உயர்கல்வி பெற விரும்பும் மாணவர்கள் பல நாடுகளுக்கு செல்கிறார்கள். இதில் கனடா மிகவும் விருப்பமான நாடாக உள்ளது. ஏனெனில் கனடா செல்லும் மாணவர்களின் எண்ணிக்கையே அதிகம். இங்கு மாணவர்கள் படிப்புடன் சுய வளர்ச்சிக்கான பல வாய்ப்புகளைப் பெறுகிறார்கள்.

கனடாவில் அதிக எண்ணிக்கையிலான இந்திய மாணவர்கள் படித்து வருகின்றனர். கனடாவில் படித்து வரும் வெளிநாட்டு மாணவர்களில் 40 சதவீதத்திற்கும் அதிகமானோர் இந்தியர்கள். கனடாவில் மூன்று லட்சத்திற்கும் மேற்பட்ட இந்திய மாணவர்கள் இன்னும் மாணவர் விசாவில் உள்ளனர். இந்திய மாணவர்களிடையே கனடா மீது ஏன் இவ்வளவு மோகம்? கனடாவில் என்ன படிப்புகள் வழங்கப்படுகின்றன? 

கனடா மருத்துவம், மருந்தியல், நிதி மற்றும் தொழில்நுட்பப் படிப்புகளுக்குப் பெயர் பெற்றது. டிப்ளமோ, சான்றிதழ் மற்றும் பட்டப் படிப்புகள் கனடாவில் வழங்கப்படுகின்றன. ஃபாஸ்ட் டிராக் படிப்புகளும் பல கல்லூரிகளால் வழங்கப்படுகின்றன. இந்த படிப்புகளில், முக்கிய விஷயங்கள் மட்டுமே விரைவாக கற்பிக்கப்படுகின்றன. இதனுடன், கனடாவின் கல்விக் கொள்கை மாணவர்களுக்கு படிப்புடன் வேலை வாய்ப்புகளையும் வழங்குகிறது.

மாணவர்களிடையே கனடா மீதான மோகத்தை அங்குள்ள படிக்கும் சூழல் உருவாக்குகிறது. மேலும் அனைத்து நாடுகளுக்கும் எளிதான விசா கிடைக்கும் மற்றும் ஒரே மாதிரியான விதிகள் மாணவர்களை ஈர்க்கின்றன. இது மட்டுமின்றி, படிப்புடன் வேலை வாய்ப்பும் முக்கிய காரணங்களில் ஒன்றாகும்.

கனடாவில் இந்திய மாணவர்களிடையே மிகவும் பிரபலமான படிப்புகளாக, மருத்துவம், கணினி அறிவியல், வணிக மேலாண்மை, பொறியியல், சுகாதார அறிவியல், தகவல் தொழில்நுட்பம், கலாச்சார ஆய்வுகள், ஹோட்டல் மேலாண்மை, விமானப் படிப்புகள், சமூகம் மற்றும் குற்றவியல் நீதி போன்றவை உள்ளன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“