JEE Main: ஜே.இ.இ மெயின் தேர்வு ஆன்சர் கீ வெளியீடு; 12 கேள்விகளை கைவிட்ட என்.டி.ஏ

தேசிய தேர்வு முகமை (NTA) இன்று பி.இ (BE), பி.டெக் (BTECH) படிப்புகளின் மாணவர் சேர்க்கைக்காக நடத்தப்படும் நுழைவுத் தேர்வான ஜே.இ.இ முதன்மை (JEE Main) தேர்வின் இறுதி விடை குறிப்புகளை அதன் அதிகாரப்பூர்வ இணையதளமான jeemain.nta.nic.in இல் வெளியிட்டது. ஜே.இ.இ மெயின் தேர்வு ஜனவரி 22 முதல் 30 வரை நடைபெற்றது. இறுதி விடைகுறிப்புகளில், இயற்பியலில் அதிக கேள்விகளுடன் மொத்தம் 12 கேள்விகள் கைவிடப்பட்டுள்ளன.

ஆங்கிலத்தில் படிக்க: JEE Main 2025 Final Answer Keys Out: NTA drops 12 questions, result soon

இயற்பியல்: 656445270, 7364751025, 656445566, 6564451161, 656445870, 7364751250, 564451847, 6564451917

வேதியியல்: 656445728, 6564451784

கணிதம்: 6564451142, 6564451898

இதனையடுத்து ஜே.இ.இ முதன்மை 2025 ஜனவரி தேர்வு முடிவுகளை தேசிய தேர்வு முகமை விரைவில் வெளியிடும் என்று எதிர்ப்பார்க்கப்படுகிறது.

கேள்விகள் கைவிடப்பட்டால் தேசிய தேர்வு முகமை என்ன நடவடிக்கை எடுக்கிறது?

மல்டிபிள் சாய்ஸ் கேள்விகளுக்கு (MCQs), எந்த விருப்பமும் சரியாக இல்லை அல்லது ஒரு கேள்வி தவறாகக் கண்டறியப்பட்டால் அல்லது ஒரு கேள்வி கைவிடப்பட்டால், அதை முயற்சித்த அல்லது முயற்சிக்காத அனைத்து ஜே.இ.இ விண்ணப்பதாரர்களுக்கும் முழு மதிப்பெண்கள் வழங்கப்படும்.

அனைத்து விருப்பங்களும் சரியானவை எனக் கண்டறியப்பட்டால், கேள்விக்கு முயற்சித்த அனைவருக்கும் நான்கு மதிப்பெண்கள் (+4) வழங்கப்படும். இதேபோல், ஒன்றுக்கு மேற்பட்ட விருப்பத்தேர்வுகள் சரியானதாகக் கண்டறியப்பட்டால், சரியான விருப்பங்களில் ஏதேனும் ஒன்றைக் குறிக்கும் நபர்களுக்கு மட்டுமே நான்கு மதிப்பெண்கள் (+4) வழங்கப்படும்.

இதேபோல், எண் மதிப்பு வினாக்களுக்கு, ஒரு கேள்வி தவறாகக் கண்டறியப்பட்டாலோ அல்லது கேள்வி கைவிடப்பட்டாலோ, கேள்வியை முயற்சித்த அனைவருக்கும் நான்கு மதிப்பெண்கள் (+4) வழங்கப்படும். காரணம் மனித பிழை அல்லது தொழில்நுட்ப பிழை காரணமாக இருக்கலாம்.

விண்ணப்பதாரர்கள் இறுதி விடைகுறிப்புகளை சரிபார்க்கும் படிகள் இங்கே உள்ளன.

படி 1: அதிகாரப்பூர்வ இணையதளத்திற்குச் செல்லவும் - jeemain.nta.nic.in மற்றும் ntaresults.nic.in.

படி 2: முகப்புப் பக்கத்தில் கொடுக்கப்பட்டுள்ள விடைக் குறிப்பு இணைப்பைத் தேர்ந்தெடுக்கவும்.

படி 3: பொத்தானைக் கிளிக் செய்யவும், இறுதி விடைக் குறிப்பு திரையில் காட்டப்படும்.

படி 4: விண்ணப்பதாரர்கள் அதை பதிவிறக்கம் செய்து எதிர்கால குறிப்புகளுக்காக சேமிக்குமாறு அறிவுறுத்தப்படுகிறார்கள்

ஜே.இ.இ முதன்மை முடிவுகள் பிப்ரவரி 12 அன்று jeemain.nta.nic.in என்ற இணையதளத்தில் வெளியிடப்படும் எதிர்ப்பார்க்கப்படுகிறது, இருப்பினும் முடிவுகள் எப்போது அறிவிக்கப்படும் என்று அறிவிப்பில் குறிப்பிடப்படவில்லை. கடந்த ஆண்டு, ஏஜென்சி அதிகாரப்பூர்வ இணையதளத்தில் காலை 8 மணிக்கு முடிவுகளை வெளியிட்டது. கடந்த ஆண்டு, ஜே.இ.இ முதன்மைத் தேர்வில் முதல் 2.5 லட்சம் விண்ணப்பதாரர்கள் ஜே.இ.இ அட்வான்ஸ்டு தேர்வுக்கு பதிவு செய்ய தகுதி பெற்றனர்.

இதற்கிடையில், ஜே.இ.இ முதன்மை தேர்வு ஏப்ரல் அமர்வு விண்ணப்பத்திற்கான பதிவு jeemain.nta.nic.in இல் தொடங்கப்பட்டுள்ளது. முதன்மை 2025 ஏப்ரல் அமர்வு தேர்வுக்கு விண்ணப்பிக்க கடைசி தேதி பிப்ரவரி 25 (இரவு 9 மணி). கட்டணம் செலுத்துவதற்கான சாளரம் பிப்ரவரி 25 அன்று இரவு 11:50 மணிக்கு மூடப்படும்.