JEE Main 2025: ஜே.இ.இ முதன்மைத் தேர்வு ஹால் டிக்கெட் வெளியீடு; டவுன்லோடு செய்வது எப்படி?

JEE Main 2025 Admit Card: தேசிய தேர்வு முகமை (NTA) ஜே.இ.இ (JEE) முதன்மை 2025 அமர்வு 2 தேர்வுக்கான நுழைவுச் சீட்டுகளை வெளியிட்டுள்ளது. ஜே.இ.இ முதன்மை தேர்வுகளுக்கான ஹால் டிக்கெட்டுகள் அதிகாரப்பூர்வ வலைத்தளம் jeemain.nta.nic இல் ஏப்ரல் 4 வரை கிடைக்கும். ஜே.இ.இ விண்ணப்பதாரர்கள் தங்கள் விண்ணப்ப எண், பிறந்த தேதி மற்றும் கேப்ட்சா குறியீட்டைப் பயன்படுத்தி ஹால் டிக்கெட்டுகளை பதிவிறக்கம் செய்ய வேண்டும். விண்ணப்பதாரர்கள் அமர்வு இரண்டு ஹால் டிக்கெட்டுகளைப் பதிவிறக்கும் போது ஜே.இ.இ முதன்மை நுழைவுச் சீட்டில் க்யூ.ஆர் (QR) குறியீடு மற்றும் பார்கோடு இருப்பதை உறுதி செய்ய வேண்டும்.

இந்தச் செய்தியை ஆங்கிலத்தில் படிக்க கிளிக் செய்யவும்

ஜே.இ.இ முதன்மை 2025 தேர்வு ஏப்ரல் 2 முதல் ஏப்ரல் 9 வரை நடைபெறும். பி.டெக் (B.Tech) மற்றும் பி.இ (B.E) தேர்வுக்கான தாள்கள் ஏப்ரல் 2, 3, 4, 7 மற்றும் 8 ஆகிய தேதிகளில் நடைபெறும், அதே நேரத்தில் பி.ஆர்க் (B.Arch) மற்றும் பி.பிளானிங் (B.Planning) தேர்வுக்கான தாள்கள் (Paper 2A மற்றும் Paper 2B) ஏப்ரல் 9 ஆம் தேதி நடைபெறும்.

ஜே.இ.இ முதன்மை 2025 அமர்வு 2 நுழைவுச் சீட்டு: பதிவிறக்குவதற்கான படிகள்

படி 1: jeemain.nta.nic.in ஐப் பார்வையிடவும்

படி 2: முகப்புப் பக்கத்தில், அமர்வு 2 நுழைவுச் சீட்டு பதிவிறக்க இணைப்பைத் திறக்கவும்

படி 3: உங்கள் விண்ணப்ப எண் மற்றும் பிறந்த தேதியை உள்ளிடவும்

படி 4: சமர்ப்பித்து, ஜே.இ.இ முதன்மைத் தேர்விற்கான உங்கள் நுழைவுச் சீட்டைச் பதிவிறக்கவும்

படி 5: பக்கத்தைப் பதிவிறக்கி அச்சிட்டு வைத்துக் கொள்ளவும்.

இந்த ஆண்டு, 1.258 மில்லியனுக்கும் அதிகமான விண்ணப்பதாரர்கள் ஜே.இ.இ முதன்மை அமர்வு 1 தேர்வில் கலந்து கொண்டனர். மொத்தம் 14 விண்ணப்பதாரர்கள் 100 சதவீத மதிப்பெண்களைப் பெற்றனர். இந்த அதிக மதிப்பெண் பெற்றவர்களில், ஐந்து பேர் ராஜஸ்தானைச் சேர்ந்தவர்கள், இரண்டு பேர் டெல்லியைச் சேர்ந்தவர்கள், இரண்டு பேர் உத்தரப் பிரதேசத்தைச் சேர்ந்தவர்கள், தலா ஒருவர் கர்நாடகா, ஆந்திரா, குஜராத், தெலுங்கானா மற்றும் மகாராஷ்டிராவைச் சேர்ந்தவர்கள். குறிப்பிடத்தக்க வகையில், முதலிடத்தில் உள்ளவர்களில் ஒருவர் மட்டுமே பெண்.

ஜே.இ.இ முதன்மை 2025 டாப்பர்கள்: 14 டாப்பர்களின் பட்டியல்

ஆயுஷ் சிங்கால் – ராஜஸ்தான்

குஷாக்ர குப்தா – கர்நாடகா

தக்ஷ் – டெல்லி (NCT)

ஹர்ஷ் ஜா – டெல்லி (NCT)

ரைத் குப்தா – ராஜஸ்தான்

ஷ்ரேயாஸ் லோஹியா – உத்தரபிரதேசம்

சக்ஷாம் ஜிண்டால் – ராஜஸ்தான்

சௌரவ் – உத்தரபிரதேசம்

விஷாத் ஜெயின் – மகாராஷ்டிரா

அர்னவ் சிங் – ராஜஸ்தான்

ஷிவன் விகாஸ் தோஷ்னிவால் – குஜராத்

சாய் மனோக்னா குடிகொண்டா – ஆந்திரா

எஸ்.எம். பிரகாஷ் பெஹரா – ராஜஸ்தான்

பானி பிரதா மஜீ – தெலுங்கானா

தாள் 1 (பி.இ./பி.டெக்.) தேர்வுக்கு பல்வேறு பிரிவுகள் மற்றும் பாலினங்களைச் சேர்ந்த மொத்தம் 13,11,544 பேர் பதிவு செய்தனர். அவர்களில், 4,43,622 பேர் பெண்கள், 1,67,790 பேர் பொதுப் பிரிவைச் சேர்ந்தவர்கள், 45,627 பேர் பொருளாதார ரீதியாக பின்தங்கியவர்கள், 42,704 பேர் எஸ்.சி, 13,833 பேர் எஸ்.டி, மற்றும் 1,73,668 பேர் ஓ.பி.சி.

2025 ஆம் கல்வியாண்டில் எந்தவொரு குறிப்பிட்ட என்.ஐ.டி.,யிலும் சேருவதற்குத் தேவையான மதிப்பெண்கள் குறிப்பிட்ட என்.ஐ.டி, தேர்ந்தெடுக்கப்பட்ட பொறியியல் பிரிவு, வேட்பாளரின் சாதி பிரிவு மற்றும் அந்த நேரத்தில் நிலவும் போட்டியைப் பொறுத்தது.

வெற்றி பெற்ற விண்ணப்பதாரர்கள் JoSAA கவுன்சிலிங் மூலம் NIT, IIIT, GFTI மற்றும் பிற பங்கேற்கும் நிறுவனங்களில் சேர்க்கை பெறுவார்கள். கூடுதலாக, ஜே.இ.இ மெயின் 2025 இல் தகுதி பெற்ற முதல் 2.5 லட்சம் விண்ணப்பதாரர்கள் ஜே.இ.இ அட்வான்ஸ்டு (JEE Advanced 2025) தேர்வு எழுதும் வாய்ப்பைப் பெறுவார்கள்.