ஜே.இ.இ மெயின் தேர்வு ரிசல்ட்: தெலங்கானா மாணவர்கள் 15 பேர் சாதனை; தமிழகத்தில் இருந்து 2 பேர் மட்டும் 100 பர்சன்டைல்

ஜே.இ.இ மெயின் தேர்வு முடிவுகள் வெளியாகி உள்ள நிலையில், பொதுப் பிரிவினருக்கான குறைந்தபட்ச கட்-ஆஃப் மதிப்பெண் 93.2 சதவீதம், இ.டபிள்யூ.எஸ் பிரிவினருக்கு 81.32, ஓ.பி.சி-க்கு 79.6, எஸ்.சி-க்கு 60.09, எஸ்.டி-க்கு 46.69 சதவீதம் கட் ஆஃப் மதிப்பெண்களாக உள்ளன.

தேசிய தேர்வு முகமை (என்.டி.ஏ) புதன்கிழமை (ஏப்ரல் 24) ஜே.இ.இ. மெயின் 2 அமர்வு தேர்வு முடிவுகளை அறிவித்தது. இந்த ஆண்டு, ஜே.இ.இ. மெயின் தெர்வு முடிவுகளில் 56 மாணவர்கள் 100 பர்சண்டைல் மதிப்பெண் பெற்றனர். அவர்களில் தெலங்கானாவைச் சேர்ந்த 15 பேர் இடம்பிடித்து சாதனை படைத்துள்ளனர். தமிழகத்தைச் சேர்ந்தவர்கள் 2 பேர் மட்டுமே இடம்பெற்றுள்ளனர். கடந்த ஆண்டு, தெலங்கானா மாநிலத்தைச் சேர்ந்த 7 பேர் 100 பர்சண்டைல் மதிப்பெண் பெற்றவர்களின் பட்டியலில் இருந்தனர்.

ஜே.இ.இ டாப்பர் பட்டியலில் 2024-ல் உள்ள 56 மாணவர்களில் 2 பேர் மட்டுமே பெண்கள் இடம்பெற்றுள்ளனர். ஜே.இ.இ. தேர்வில் கலந்து கொண்ட விண்ணப்பதாரர்கள் தங்கள் முடிவுகளை அதிகாரப்பூர்வ இணையதளமான - jeemain.nta.ac.in-ல் பார்க்கலாம்.

இந்த ஆண்டு, மொத்தம் 11,79,569 மாணவர்கள் ஜெ.இ.இ முதன்மை இரண்டாம் அமர்வு தேர்வில் கலந்து கொண்டனர். இவர்களில் 3,73,515 பெண் விண்ணப்பதாரர்கள், 8,06,045 ஆண்கள், 9 பேர் திருநங்கைகள் ஆவர். அதே நேரத்தில், மாற்றுத்திறனாளிகள் 3369 பேர் தேர்வு எழுதியிருந்தனர். 

ஜே.இ.இ. தாள் 1-ல் 100 பர்சண்டைல் என்.டி.ஏ மதிப்பெண் பெற்ற விண்ணப்பதாரர்கள் (பி.இ/பி.டெக்)

தெலங்கானா, மகாராஷ்டிரா மற்றும் டெல்லியைத் தவிர, மகாராஷ்டிராவைச் சேர்ந்த 7 விண்ணப்பதாரர்களும் டெல்லியைச் சேர்ந்த 6 பேரும் ஜே.இ.இ. அட்வான்ஸ்ட் 2024 தேர்வு முடிவில் 100 பர்சண்டைல் மதிப்பெண்ணை எட்டியுள்ளனர். மேலும், ஜே.இ.இ அட்வான்ஸ்டு 2024 கட்-ஆஃப் மதிப்பெண் அனைத்துப் பிரிவுகளுக்கும் அதிகரித்துள்ளது.

ஜே.இ.இ. மெயின் தேர்வு முடிவுகள் அறிவிப்பின்படி, பொதுப் பிரிவினருக்கான குறைந்தபட்ச கட்-ஆஃப் 93.2 பர்சண்டைல் இ.டபிள்யூ.எஸ் -க்கு 81.32, ஓ.பி.சி-க்கு 79.6, எஸ்சி-க்கு 60.09, எஸ்டி-க்கு 46.69 பர்சண்டைல் ஆகும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“