சென்னை பல்கலைக்கழக தொலைதூரக் கல்வி : ஆன்லைனில் விண்ணப்பிக்கலாம்

பி.எட் சேர்க்கைக்கு 56 கல்லூரிகளுக்கு தடை

இணையம் வழியாக, 2020-21-ம் கல்வியாண்டிற்கான சென்னை பல்கலைக்கழகத்தின் தொலைதூரக் கல்வி மாணவர் சேர்க்கை நேற்றில் இருந்து நடைபெற்று வருகிறது.

இளங்கலை, முதுகலை, முதுகலை வணிக நிர்வாகவியல், முதுகலை டிப்ளமோ படிப்பு, டிப்ளமோ முதலான பல்வேறு படிப்புகளுக்கு இணையதளம் மூலம் மாணவர்கள் விண்ணப்பித்து வருகின்றனர் என்று சென்னை பல்கலைக்கழக பதிவாளர் ஆர்.ஸ்ரீனிவாசன் தெரிவித்தார்.

இந்த வருடம், தொலைதூரக்கல்வி மாணவர்கள் சேர்க்கை நடைமுறை முழுவதையும் ஆன்லைனில் நடத்த சென்னை பல்கலைக்கழகம் திட்டமிட்டுள்ளது.

ஆர்வம் உள்ள மாணவர்கள் http://online.ideunom.ac.in/ என்ற இணையதளம் மூலம் விண்ணப்பிக்கலாம். சென்னை பல்கலைக்கழக 115 கற்றல் உதவி மையம் மூலமாகவும் சேரலாம் என்று பல்கலைக்கழக பதிவாளர் ஆர்.ஸ்ரீனிவாசன் வெளியிட்ட செய்திக் குறிப்பில் தெரிவிக்கப்பட்டது.

மேலும், விவரங்களுக்கு மாணவர்கள் www.ideunom.ac.in என்ற இணையதளத்தை பார்க்க  கேட்டுக் கொள்ளப்படுகின்றனர்.

Get all the Latest Tamil News and Tamil Nadu News at Indian Express Tamil. You can also catch all the latest Tamil Education-jobs News by following us on Twitter and Facebook