தமிழர் பண்டிகை நாட்களில் தேர்வா? மதுரை எம்.பி சு.வெங்கடேசன் கடும் எதிர்ப்பு

பொங்கல் தினத்தில் சி.ஏ பவுண்டேஷன் தேர்வுகள் நடத்தப்படும் என்று அட்டவணை அறிவிக்கப்பட்டுள்ள நிலையில் இதற்கு மதுரை நாடாளுமன்ற உறுப்பினர் சு.வெங்கடேசன் கடும் எதிர்ப்பு தெரிவித்துள்ளார்.

இது குறித்து சு.வெங்கடேசன் எம்.பி தனது சமூக வலைதளத்தில் தெரிவித்திருப்பது..

”பொங்கல் திருநாள் அன்று தேர்வுகள். எத்தனை முறை சொன்னாலும் திருந்தப்போவதில்லை. அதற்காக நாம் ஓயப்போவதுமில்லை. ஒன்றிய அரசே, தேர்வு தேதியை உடனே மாற்று. தமிழ்ப் பண்பாட்டை அவமதிக்கும் செயலை கைவிடு...

சி.ஏ பவுண்டேஷன் தேர்வுக்கு விண்ணப்பித்துள்ள தேர்வர்களின் பெற்றோர் பலர் என்னைத் தொடர்பு கொண்டனர். தமிழ்நாட்டின் மக்கள் திருவிழாவான பொங்கல் (14.11.2024) அன்றும், உழவர் திருநாள் (16.11.2024) அன்றும் முறையே Business laws மற்றும் Quantitative Aptitude தேர்வுகள் அறிவிக்கப்பட்டுள்ளன. 

“அறுவடைத் திருநாளான" பொங்கல் திருவிழா என்பது தமிழ்நாட்டின் தனித்துவமிக்க பண்பாட்டுத் திருவிழா என்பதை கருத்தில் கொண்டு தேர்வர்களுக்கு சிரமங்கள் இன்றி தேர்வு அட்டவணையை மாற்றி அமைக்குமாறு ஒன்றிய நிறுவன விவகாரத் துறை அமைச்சர் நிர்மலா சீதாராமன் அவர்களுக்கும் ICAI தலைவர் சி.ஏ. ரஞ்சித் குமார் அகர்வால் அவர்களுக்கும் கடிதம் எழுதியுள்ளேன்,” என சு.வெங்கடேசன் எம்.பி. குறிப்பிட்டுள்ளார். 

பொங்கல் திருநாள் அன்று தேர்வுகள்.

எத்தனை முறை சொன்னாலும் திருந்தப்போவதில்லை.

அதற்காக நாம் ஓயப்போவதுமில்லை.

ஒன்றிய அரசே, தேர்வு தேதியை உடனே மாற்று.

தமிழ்ப் பண்பாட்டை அவமதிக்கும் செயலை கைவிடு. 1/2 @nsitharaman@theicai#UnionGovt#ExamsOnPongalDay#தமிழர்திருநாள்… pic.twitter.com/YcdMckPkf3

— Su Venkatesan MP (@SuVe4Madurai) November 24, 2024

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“