Advertisment

தமிழகத்தில் எம்.பி.பி.எஸ், பி.டி.எஸ் கவுன்சலிங் எப்போது? கடந்த ஆண்டை விட கட் ஆஃப் 10 மார்க் அதிகரிக்க வாய்ப்பு

கடந்த ஆண்டை விட இந்த ஆண்டு கட்-ஆஃப் குறைந்தது 10 மதிப்பெண்கள் அதிகரிக்கும் என மாணவர் ஆலோசகர்கள் தெரிவித்துள்ளனர்.

author-image
WebDesk
புதுப்பிக்கப்பட்டது
New Update
MBBS - BDS course counselling date and cut-off Mark in TN Tamil News

புதுச்சேரி அரசு பள்ளி மாணவர்களுக்கு மருத்துவ படிப்பில் 10% உள் ஒதுக்கீடு வழங்க ஆளுனர் பரிந்துரை

தமிழகத்தில் இந்த ஆண்டு எம்.பி.பி.எஸ், பி.டி.எஸ் (MBBS/BDS) படிப்புகளில் சேர குறைந்தபட்சம் 40,000 மாணவர்கள் விண்ணப்பித்துள்ளனர். இது கடந்த ஆண்டு விண்ணப்பிக்கப்பட்ட 36,206 விண்ணப்பங்களை விட கிட்டத்தட்ட 11% அதிகம். இதனிடையே கவுன்சிலிங் தேதியை அரசு அறிவிக்காததால் பெற்றோர் மற்றும் மாணவர்கள் கவலையடைந்துள்ளனர்.

Advertisment

அரசு ஒதுக்கீட்டு இடங்களுக்கான விண்ணப்பங்கள் ஏறக்குறைய 18% அதிகரித்துள்ள நிலையில், சுயநிதிக் கல்லூரிகள் மற்றும் தனியார் பல்கலைக்கழகங்களில் மேலாண்மை ஒதுக்கீட்டு இடங்களுக்கு விண்ணப்பிப்பவர்கள் இந்த முறை குறைவாகவே உள்ளனர். பதிவு செய்த 40,199 பேரில், 98 பேர் மாற்றுத்திறனாளிகள் பிரிவிலும், 401 பேர் முன்னாள் ராணுவ வீரர்களின் குழந்தைகளுக்கான ஒதுக்கீட்டிலும், 360 பேர் விளையாட்டு பிரிவிலும் விண்ணப்பித்துள்ளனர்.

மூன்று புதிய மருத்துவக் கல்லூரிகளுடன் 475 எம்.பி.பி.எஸ் இடங்கள் அதிகரித்தாலும், இ.எஸ்.ஐ.சி மருத்துவக் கல்லூரியில் 25 இடங்கள் கூடுதலாகவும் இந்த முறை அதிக மாணவர்கள் தேர்ச்சி பெற்றுள்ளதால் மருத்துவக் கல்லூரிகளில் சேர்வதற்கான போட்டி கடுமையாக இருக்கும். அரசு கல்லூரிகளில் கூடுதல் இடங்கள் இல்லை என்றும், கட்-ஆஃப் குறைந்தது 10 மதிப்பெண்கள் அதிகரிக்கும் என, மாணவர் ஆலோசகர்கள் தெரிவித்துள்ளனர்.

தமிழ்நாடு டாக்டர் எம்.ஜி.ஆர் மருத்துவப் பல்கலைக்கழகம் எம்.பி.பி.எஸ், பி.டி.எஸ் சேர்க்கைக்கான சீட் மேட்ரிக்ஸை இன்னும் வெளியிடாத நிலையில், தேசிய மருத்துவ ஆணையப் பதிவுகளில் தமிழ்நாட்டில் 74 மருத்துவக் கல்லூரிகள் (36 அரசுக் கல்லூரிகள், ஒரு இ.எஸ்.ஐசி கல்லூரி மற்றும் 5250 இடங்களைக் கொண்ட எய்ம்ஸ்-மதுரை உட்பட) உள்ளன. இந்தியாவில் 706 மருத்துவக் கல்லூரிகள் உள்ளன.

தேசிய மருத்துவ ஆணையத்திடம் இருந்து "ஒரே நேரத்தில்" ஆன்லைன் ஆலோசனைக்கான புதிய விதிகள் குறித்த தகவலுக்காக காத்திருப்பதாகவும், ஜூலை 17-ம் தேதி மாணவர் சேர்க்கை தொடங்கும் என்றும் அதிகாரிகள் தெரிவித்துள்ளனர்.

இந்த வார இறுதியில் தரவரிசைப் பட்டியலை வெளியிடும் என்று இந்த வார தொடக்கத்தில் சுகாதாரத் துறை அமைச்சர் மா.சுப்பிரமணியன் தெரிவித்திருந்தார் என்பது குறிப்பிடத்தக்கது.

தமிழ்  இந்தியன்  எக்ஸ்பிரஸின்  அனைத்து செய்திகளையும் உடனுக்குடன்  டெலிகிராம்  ஆப்பில்  பெற https://t.me/ietamil

Educational News Education News Education Mbbs Mbbs Counselling Tamilnadu
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment