திறன் இடைவெளியை நிவர்த்தி செய்வதற்கும், இணையப் பாதுகாப்பில் வேலை செய்வதற்கு இந்தியாவின் பணியாளர்களை மேம்படுத்துவதற்கும், மைக்ரோசாப்ட் சைபர் பாதுகாப்பு திறன் திட்டத்தை அறிமுகப்படுத்தியுள்ளது, இது 2022 ஆம் ஆண்டுக்குள் 1 லட்சத்துக்கும் அதிகமானவர்களுக்கு திறன்களை வழங்குவதை நோக்கமாகக் கொண்டுள்ளது. பாதுகாப்பு, இணக்கம் மற்றும் அடையாளத்தின் அடிப்படைகளில் கற்பவர்களுக்கு அனுபவத்தை வழங்குவதற்காக இந்த திட்டம் வடிவமைக்கப்பட்டுள்ளது.
Cloudthat, Koenig, RPS மற்றும் Synergetics Learning உள்ளிட்ட கூட்டாளர்களின் வியூகக் கூட்டமைப்புடன் இணைந்து Microsoft இந்தப் படிப்புகளை நடத்தும். இணையப் பாதுகாப்புப் தொடர்பாக ஆரம்பநிலையில் உள்ளவர்கள் முதல் நன்கு பயிற்சி பெற்றவர்கள் வரை, அனைத்து நிலையில் உள்ளவர்களுக்கும் ஆதரவளிக்கும் வகையில் பாடநெறித் தொகுதிகள் வடிவமைக்கப்பட்டுள்ளன.
மைக்ரோசாப்ட் நான்கு புதிய பாதுகாப்பு, இணக்கம் மற்றும் அடையாளச் சான்றிதழ்களை அறிமுகப்படுத்தியுள்ளது, இந்த முயற்சியின் மூலம் தொடர்புடைய பயிற்சியில் கலந்துகொள்ளும் எந்தவொரு தனிநபருக்கும் அடிப்படைகளுக்கான அங்கீகாரம் பெற்ற சான்றிதழ் பூஜ்ஜிய விலையில் வழங்கப்படும்.
கூடுதலாக, அதன் கூட்டாளர்களுடன் இணைந்து, மைக்ரோசாப்ட், இணைய பாதுகாப்பு சவால்களை எதிர்கொள்வதற்கான ஆழமான திறன்களை உருவாக்க, மற்ற மேம்பட்ட படிப்பு அடிப்படையிலான சான்றிதழ்களில் கற்பவர்களுக்கு தள்ளுபடி சலுகைகளை வழங்குகிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
