இந்த 2 காரணங்கள்... நீட் 2025 கட் ஆஃப் அதிரடியாக உயரும் வாய்ப்பு இல்லை!

இளநிலை மருத்துவ மாணவர் சேர்க்கைக்குத் தேசிய தகுதி மற்றும் நுழைவுத் தேர்வு (NEET UG) எனப்படும் நீட் தேர்வில் தகுதி பெறுவது அவசியம். எம்.பி.பி.எஸ் படிக்க விரும்பும் லட்சக்கணக்கான மாணவர்கள் ஆண்டுதோறும் நீட் தேர்வை எழுதி வருகின்றனர். இந்நிலையில், 2025-ம் ஆண்டுக்கான அரசு மருத்துவ கல்லூரிகளுக்கான நீட் தேர்வு கட் ஆஃப் எப்படி இருக்கும் என்பது பயாலஜி சிம்பிளிஃபைடு தமிழ் என்ற யூடியூப் சேனலில் விளக்கப்பட்டுள்ளது.

அதன்படி, தேர்வு இன்னும் நடக்காத நிலையில், கட் ஆஃப் குறித்து பேசுவது, மாணவர்கள் எந்த அளவிற்கு தயாராக வேண்டும் என்பதை தெரியப்படுத்தும் விதத்திலே கட் ஆஃப் என்ன என்று கூறப்படுகிறது. தேர்வு எப்படி இருக்கும், வினாத்தாளின் கடினத்தன்மை, எத்தனை பேர் விண்ணப்பிப்பார்கள், எவ்வளவு பேர் எழுதுவார்கள் என்பதை எல்லாம் பொறுத்து கட் ஆஃப் மாறும். கட் ஆஃப் என்னவாக இருந்தாலும், நீங்கள் முதலில் பாடத்திட்டத்தை முழுமையாக படித்து முடிக்க வேண்டும். 

தாவரவியல், விலங்கியல், இயற்பியல் மற்றும் வேதியியல் ஆகிய 4 பிரிவுகளில் இருந்தும் தலா 45 கேள்விகள் என மொத்தம் 180 கேள்விகள் கேட்கப்படும். ஒரு கேள்விக்கு 4 மதிப்பெண்கள் வீதம் 180 கேள்விக்கு 720 மதிப்பெண்கள் வழங்கப்படும். அதில் தவறாக தேர்ந்தெடுக்கும் கேள்விக்கு 1 மதிப்பெண் சரியாக எழுதிய மதிப்பெண்ணில் இருந்து கழிக்கப்படும். 

ஒரு மதிப்பெண் என்பது சாதாரண விஷயம் அல்ல, இதனால் தரவரிசையில் லட்சக்கணக்கான இடம் பின்னோக்கி செல்லக் கூடும் என்று எச்சரிக்கிறார்கள் கல்வி நிபுணர்கள். எனவே, கொடுக்கப்பட்ட 3 மணி நேரத்தை சரியாக பயன்படுத்தி சரியாக விடையைத் தேர்ந்தெடுத்து, 720 மதிப்பெண்ணை பெற முயற்சிக்க வேண்டும். 

கடந்த ஆண்டு கட் ஆஃப் நிலவரம்

பொதுப்பிரிவு – 650

பி.சி – 618

பி.சி.எம் – 611

எம்.பி.சி – 602

எஸ்.சி – 530

எஸ்.சி.ஏ – 463

எஸ்.டி – 477

அரசு மருத்துவ கல்லூரிகள் 2025 ஆம் ஆண்டு எதிர்ப்பார்க்கப்படும் கட் ஆஃப் நிலவரம்:

பொதுப்பிரிவு - 650 - 655

     பி.சி              - 615 - 620

   பி.சி.எம்.       - 607 - 615

   எம்.பி.சி.      - 600 - 610

    எஸ்.சி.         - 530 - 535

   எஸ்.சி.ஏ       - 460 - 470

   எஸ்.டி.          - 470 - 480