மருத்துவ அறிவியலுக்கான தேசிய தேர்வு வாரியம் (NBEMS) தேசிய தகுதி மற்றும் நுழைவுத் தேர்வு முதுகலை (NEET PG) வினாத்தாள் கசிவு பற்றிய கூற்றுக்களை மறுத்துள்ளது மற்றும் வினாத்தாள் இன்னும் தயாரிக்கப்படவில்லை என்று உறுதியளித்துள்ளது. நீட் முதுகலை தேர்வு ஆகஸ்ட் 11 ஆம் தேதி நடைபெற உள்ளது.
ஆங்கிலத்தில் படிக்க: ‘NEET PG 2024 question paper yet to be prepared’: NBEMS refutes claims of paper leak
”நீட் பி.ஜி 2024 தேர்வின் வினாத்தாள்களை கணிசமான தொகைக்கு வழங்குகிறோம் என்ற பெயரில் நீட் பி.ஜி தேர்வாளர்களை ஏமாற்ற முயற்சித்ததற்காக மோசடி செய்பவர்கள் மற்றும் அவர்களது கூட்டாளிகளுக்கு எதிராக மருத்துவ அறிவியலுக்கான தேசிய தேர்வு வாரியம் போலீசில் புகார் பதிவு செய்துள்ளது,” என என்.பி.இ.எம்.எஸ் ஆகஸ்ட் 7 அன்று வெளியிடப்பட்ட அறிக்கையில் தெரிவித்துள்ளது.
சமூக ஊடகத் தளமான டெலிகிராமில் சில முகவர்கள் தவறான மற்றும் போலியான கூற்றுக்களை மேற்கொள்வதை என்.பி.இ.எம்.எஸ் கண்டறிந்த பின்னர் இந்த அறிக்கை வந்துள்ளது. டெலிகிராம் சேனலில் சில முகவர்கள், ‘NEET PG Leaked Material’ கணிசமான தொகை கொடுத்தால் நீட் பி.ஜி தேர்வு கேள்விகளை வழங்குவதாகக் கூறுகின்றனர்.
வரவிருக்கும் நீட் பி.ஜி தேர்வின் கேள்விகளுக்கு அணுகல் இருப்பதாகக் கூறி அவர்களை முட்டாளாக்க முயற்சிக்கும் இதுபோன்ற நேர்மையற்ற கூறுகளால் தவறாக வழிநடத்தப்பட வேண்டாம் என்று என்.பி.இ.எம்.எஸ் கேட்டுக் கொண்டுள்ளது.
"அத்தகைய செயல்களில் யாரேனும் நேரடியாகவோ அல்லது மறைமுகமாகவோ ஈடுபடுவது அல்லது உண்மைகளை சரிபார்க்காமல் வதந்திகளை வெளியிடுவது அல்லது பரப்புவது ஆகியவை என்.பி.இ.எம்.எஸ் வாரியத்தால் சரியான நடவடிக்கை எடுக்கப்படும்" என்று அறிக்கை கூறியது.
“இது போன்ற தேவையற்ற ஏஜெண்டுகள்/ மோசடி நபர்கள் ஏதேனும் ஏமாற்றும் மின்னஞ்சல்கள்/ எஸ்.எம்.எஸ் அல்லது தொலைபேசி அழைப்பு அல்லது போலியான ஆவணங்கள் அல்லது தனிப்பட்ட முறையில் அல்லது சமூக ஊடகங்கள் மூலம் என்.பி.இ.எம்.எஸ் தேர்வுகளுக்கான கேள்வித் தாள்களை வழங்குவதாக உறுதியளித்து தேர்வுதாரர்களை அணுகினால், என்.பி.இ.எம்.எஸ்-க்கு தகவல்தொடர்பு இணைய போர்டல் - exam.natboard.edu.in/communication.php?page=main மூலம் தெரிவிக்கலாம் அல்லது உள்ளூர் காவல்துறைக்கு மேலதிக விசாரணைக்காக தெரிவிக்கலாம்,” என்று வாரியம் கூறியது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/rT7nve5Jzvf7WzUlAnaP.jpg)