NEET PG 2024: முதுநிலை நீட் தேர்வு ஆகஸ்ட் 11-ல் நடைபெறும் – தேசிய தேர்வு வாரியம் அறிவிப்பு

NEET PG 2024: முதுநிலை நீட் தேர்வு ரத்து செய்யப்பட்டு கிட்டத்தட்ட 13 நாட்களுக்குப் பிறகு, முதுநிலை தேசிய தகுதி மற்றும் நுழைவுத் தேர்வின், (NEET PG) திருத்தப்பட்ட தேர்வு தேதி இன்று அறிவிக்கப்பட்டது. மருத்துவ அறிவியலுக்கான தேசிய தேர்வு வாரியம் (NBEMS) இப்போது ஆகஸ்ட் 11 ஆம் தேதி முதுநிலை நீட் தேர்வை நடத்தும். முதுநிலை நீட் தேர்வு இரண்டு ஷிப்டுகளில் நடைபெறும். 

ஆங்கிலத்தில் படிக்க:

சமீபத்தில் நடந்த போட்டித் தேர்வுகளில் முறைகேடுகள் நடந்ததாக புகார் எழுந்துள்ள நிலையில், 'முன்னெச்சரிக்கை நடவடிக்கையாக' ஜூன் 23ஆம் தேதி நடைபெறவிருந்த தேர்வை மருத்துவ அறிவியலுக்கான தேசிய தேர்வு வாரியம் ஒத்திவைத்தது. நாடு முழுவதும் சுமார் 52,000 முதுகலை இடங்களுக்கு ஒவ்வொரு ஆண்டும் சுமார் இரண்டு லட்சம் எம்.பி.பி.எஸ் பட்டதாரிகள் முதுநிலை நீட் தேர்வு எழுதுகிறார்கள்.

தேர்வு செயல்முறையின் வலிமையை சரிபார்க்க அமைச்சகம் விரும்பியதாலும், மேலும் செயல்பாட்டில் எந்த பாதிப்பும் இல்லை என்பதை உறுதிசெய்ய விரும்பியதாலும், தேர்வு ரத்து செய்யப்பட்டது.

தேசிய தேர்வு முகமை (NTA) தேர்வு ரத்து இந்திய மாணவர்களை பயமுறுத்திய நேரத்தில், முதுநிலை நீட் விண்ணப்பதாரர்களின் பாதிப்பின் தேவையற்ற அனுகூலங்களை தவறாக பயன்படுத்துவதை அமைச்சகம் உறுதி செய்ய விரும்புவதாக தேசிய தேர்வு வாரிய (NBE) தலைவர் டாக்டர் அபிஜத் ஷெத் கூறினார்.

முதுநிலை நீட் தேர்வு முதலில் மார்ச் 3 ஆம் தேதி நடத்த திட்டமிடப்பட்டது, பின்னர் ஜூலை 7 ஆம் தேதிக்கு ஒத்திவைக்கப்பட்டது. இருப்பினும், பொதுத் தேர்தல்கள் காரணமாக முதுநிலை நீட் தேர்வு ஜூன் 23 ஆம் தேதிக்கு நீட்டிக்கப்பட்டது.

முதுநிலை நீட் தேர்வை எழுதுவதற்கான தகுதிக்கான கட்-ஆஃப் தேதி அப்படியே உள்ளது, அது ஆகஸ்ட் 15, 2024..

இதற்கிடையில், தேசிய மருத்துவ வாரியம் “முதுநிலை மருத்துவக் கல்வி விதிமுறைகள், 2023” ஐ அறிமுகப்படுத்தியுள்ளது, ஒவ்வொரு இருக்கைக்கும் அனைத்து சுற்று நீட் பி.ஜி கவுன்சிலிங்கும் மாநில அல்லது மத்திய கவுன்சிலிங் அதிகாரிகளால் ஆன்லைன் முறையில் நடத்தப்படும் என்று தெரிவிக்கப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“