இளங்கலை மருத்துவ மாணவர் சேர்க்கைக்கான நீட் தேர்வு (NEET UG 2023) முடிவுகளை தேசிய தேர்வு முகமை ஜூன் 13 ஆம் தேதி வெளியிட்டுள்ள நிலையில், தகுதி பெற்றவர்கள் கவுன்சிலிங்கிற்காக காத்திருக்கிறார்கள். தேர்வு அதிகாரிகளிடமிருந்து அதிகாரப்பூர்வ உறுதிப்படுத்தல் இல்லை என்றாலும், நீட் கவுன்சிலிங் ஜூலை முதல் தொடங்கும் என்று கூறப்படுகிறது.
ஆனால் நீட் கவுன்சிலிங் தொடங்குவதற்கு முன்பே, கவுன்சிலிங் எவ்வாறு செயல்படுகிறது மற்றும் மாணவர்கள் எப்போது தங்கள் இடங்களை முன்பதிவு செய்யலாம், தேவையான ஆவணங்கள் என்ன என்பதை அறிந்து கொள்வது முக்கியம்.
இதையும் படியுங்கள்: NEET UG 2023: மதிப்பெண் குளறுபடி; நீட் தேர்வர்கள் பாதிப்புக்கு என்.டி.ஏ பதில் என்ன?
கடந்த ஆண்டு நீட் கவுன்சிலிங் அட்டவணையை கவனித்தால், இந்த ஆண்டு, கவுன்சிலிங் நான்கு கட்டங்களாக நடக்கலாம். தேர்வு ஆணையம் இட ஒதுக்கீடு தேதியை அறிவிக்கும். மாணவர்கள் தங்களைப் பதிவு செய்து, கட்டணத்தைச் சமர்ப்பித்து செயல்முறையை முடிக்க வேண்டும். மற்றும் கட்டணம் செலுத்தப்பட்டதற்கான ரசீதை வைத்திருப்பது முக்கியம். மேலும், ஒரு மாணவர் ஒரு ரவுண்டுக்கு பதிவு செய்திருந்தால், அவர்கள் மற்ற ரவுண்ட்களுக்கு தங்களை மீண்டும் பதிவு செய்ய வேண்டியதில்லை.
அகில இந்திய ஒதுக்கீட்டு NEET UG கவுன்சிலிங் 2023: பதிவு செய்வதற்கான படிகள்
படி 1: MCC-யின் அதிகாரப்பூர்வ வலைத்தளத்தைப் பார்வையிடவும்—mcc.nic.in.
படி 2: முகப்புப் பக்கத்தில், NEET UG கவுன்சிலிங் 2023 சுற்று 1 என்பதைக் கிளிக் செய்யவும்.
படி 3: பதிவு விவரங்களைப் பூர்த்தி செய்து சமர்ப்பிக்கவும்.
படி 4: விண்ணப்ப படிவத்தை பூர்த்தி செய்து ஆன்லைனில் பணம் செலுத்துங்கள்.
படி 5: சமர்ப்பி என்பதைக் கிளிக் செய்யவும்.
படி 6: பக்கத்தைப் பதிவிறக்கம் செய்து, எதிர்கால குறிப்புக்காக ஒரு நகலைப் பெறவும்.
NEET UG 2023: முக்கியமான ஆவணங்கள்
1). NEET UG 2023 அனுமதி அட்டை
2). NEET UG 2023 தரவரிசை அட்டை
3) NEET UG 2023 விண்ணப்பத்தின் நகல்
4) 10வது மதிப்பெண் பட்டியல் மற்றும் தேர்ச்சி சான்றிதழ்
5) 12வது மதிப்பெண் பட்டியல் மற்றும் தேர்ச்சி சான்றிதழ்
6) பிறப்புச் சான்றிதழ்
7) சாதி சான்றிதழ் (பொருந்தினால்)
8) தற்காலிக ஒதுக்கீடு கடிதம்
9) ஆதார் அட்டை, பான் அட்டை அல்லது பாஸ்போர்ட் போன்ற செல்லுபடியாகும் அடையாளச் சான்று
10) பாஸ்போர்ட் அளவு புகைப்படங்கள்
11) வசிப்பிடச் சான்றிதழ்
12) இடம்பெயர்வு சான்றிதழ்
ஜம்மு காஷ்மீர் யூனியன் பிரதேசத்தைத் தவிர, அகில இந்திய ஒதுக்கீட்டுக்கான (AIQ) தேவைகளைப் பூர்த்தி செய்யும் மாணவர்கள் தங்களின் நீட் தேர்வு முடிவுகளின் அடிப்படையில் தகுதி பெறுவார்கள். AIQ இல் நீட் கவுன்சிலிங் 2023 இன் இரண்டாம் சுற்றுக்குப் பிறகு, மீதமுள்ள இடங்கள் மாநிலங்களுக்குத் திருப்பித் தரப்படும்.
MCC நீட் கவுன்சிலிங் நடைமுறையானது அகில இந்திய ஒதுக்கீடு, சுயநிதி கல்வி நிறுவனங்கள் மற்றும் ESIC/AFMS கல்லூரிகளின் கீழ் MBBS/BDS படிப்புகளுக்கான சேர்க்கைகளை NEET 2023 முடிவுகளின் அடிப்படையில் தீர்மானிக்கிறது. இந்த மருத்துவப் படிப்புகளில் சேர நீட் தேர்வில் தேர்ச்சி பெற வேண்டும். நீட் கவுன்சிலிங் அகில இந்திய ஒதுக்கீடு மற்றும் மாநில ஒதுக்கீடு என இரண்டு வகைகளில் வருகிறது.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil